KAHBHAO 28:2 - DAÜLANGPÜ LAIHING (BSI)

² Nüngi Paddan-Aramei anyülei chepa, ambü Bethuel amei heihtuh, hatü angko Labanei yiükha hük yahtuh.

KAHBHAO 28:2 Referans Kwoze

KAHBHAO 25:20

hatü Isak bong pinyi nyushi Paddan-Aram leipü Aram am Bethuelei yiükha, Labanei chenaü Rebekah mü shem yem.

HOSEA 12:12

Jakob Aram kahdokei paüei daiyei, halei Israeli nyüha hük yahhen tata kü chongphoei nyu, hatü nyüha hük nangkü mi yomei nyuteke.

KAHBHAO 46:15

Büpalei yiükha Dinah mü Paddan-Aramei nyushi Leah-i Jakob kü bühjapü hapeüthü nyüke. Büpalei hapeüthü peüshep hapüanpüjem nyu.

KAHBHAO 35:9

Jakob Paddan-Aram leipü leijashingkü shao Kahvang büpa touei vamei moihimanteke.

KAHBHAO 32:10

nüngei chongphobü kü nüngi bampü hatü shahhing epü khongkü maanpü hükao ngei yahhen neshangangpih. Ngei lenshuoh mon notü Jordan yungdang homei daipeih, shejao shaang ngei khong nyi leiteke.

KAHBHAO 28:5

Hapheikü Isaki Jakob shom, hatü büpa Paddan-Aramei Aram am Bethuelei cheha Laban, Jakob hi Esau nyilei chenyü Rebekahlei chejei touei heih.

KAHBHAO 24:50

Laban hi Bethuel nyi-i, “Hapayü Shembüpa leipü khih; ham lemhük kei meheyao ehen neshiü.

KAHBHAO 24:29

Rebekahlei chejeiyü Laban nyu; büpai ching leipü vamei daiyei hapa shennyak mü heününg yungkukei heih.

KAHBHAO 24:10

Hapheikü chongphobüi büpalei shembülei ut an mütü meipü thintho lemphü kotü layaongei Aram-Naharaim kahdok Nahor ching yemei dai.

KAHBHAO 31:18

hatü yemhimak kemei mütü büpai Paddan-Aramei nyushi yowpü mop kemei kotü Kanan kahdokei chepa Isak yemei leihen layaong.

KAHBHAO 29:1

Hapheikü Jakobi nedoh-i büpalei yenlem kü daiyei heong nanglakthülei kahdok ngoi.

KAHBHAO 33:18

Hapheikü Jakobi Paddan-Aram leipü Kanan kahdok Shekhem chingnyülei meishi leiyei ngoi, hatü chingnyü haolei baümtap ve,

KAHBHAO 24:4

shejao ngelei kahmük ngelei nanglak touei leiyei ngelei hapeü Isak shing nyüha yemhen shei lahshih” shei eteke.

HOSEA 12:13

Shembüpai thibü hük shomei Israel am Ijip leipü mülang, hatü jom jungei yomteke.