KAHBHAO 28:18 - DAÜLANGPÜ LAIHING (BSI)

¹⁸ Nepphei lomi Jakobi büpai shangjing lepü yaong yah-ei shemnyü kei haongtü ha shangkü mainga langteke.

KAHBHAO 28:18 Referans Kwoze

KAHBHAO 35:14

Kahvangi shah eshuohpü shing kü Jakobi yaong shemnyü hük haong, hatü büpai hapa kü yiü moila shuoh hatü mainga langteke.

KAHBHAO 31:45

Hanangkü Jakobi yaong hük yah-ei shemnyü vaishi haong,

KAHBHAO 35:20

hatü Jakobi pinnyülei mahngchong kü shemnyü hük haong; hapa kü Rachelei mahngchong kübü shemnyü shei enyeih, hatü hapa shinnyih thahshi nyüke.

KAHBHAO 31:13

Ngeiyü nüngei shemnyü thiteiphuei haongpü hatü ngei kü vangpüshuwpü hük lingpü shing Bethel leipü Kahvang. Shaang hapa kahdok tuhtü nüngei nyübüh kahdok yemei leituh” shei eteke.

ISAIAH 19:19

Hapa nyih kü Ijip kahdok jiam kü Shembüpalei moidü nyuhen, hatü yaong haongshi nyuhen.

CHONGVENBÜ 9:10

Nüngei laki dükaokhen mü mehe mehe heühenshang wong kohshi kemei düktuh; mehenangkü nüng vühen mahngchongei dou dükhen nevaijü deihhen, nevaijü nyingpühingpü nevaijü kihikon meheyao neshiü.

MENVIH KESHO 119:60

Ngei shaoksheüei nepheidai-i nüngei shahkungthü düknyüpeih.

2 SAMUEL 18:18

Absalom yemmü nyushi Ongpalei Kahjilei büpai yaong shemnyü hük haongei tuh; mehenangkü büpai, “Ngelei men nedoh-i deihhen shingvaishi hapeü neshiü” shei e. Hanangkü büpai hapa yaong shemnyü kü büpalei men nyükhen eyei tuh, hatü shinnyih thahshi hapa kü “Absalom Yaong” shei nyüknyüke.

1 SAMUEL 7:12

Hapheikü Samueli yaong hük yah-ei Mizpah hatü Shen nyi aa kü haong, hatü büpai hapa kü Ebenezer lappai, “Hajük thahshi Shembüpai ham kü sheühpeih” shei nyükteke.

BHEI-IE 7:1

Mechem Mosai ashakshem veyei tempa, büpai ashakshem hatü haleipü douhinangthü peü thiteiphuei daüteke. Büpai moidü hatü haleipü dükhi-ümthü peü thiteiphuei daüteke.

KAHBHAO 22:3

Hanangkü Abrahami dhom mü lomi büpalei gadu kü uotü büpa mü nethe nyi hatü cheha Isak mü, hatü moila jakhen pü yah-ei kotü Kahvangi büpa kü hushuohpü tailu shing hükei dai.

KAHBHAO 28:11

Büpa shing hük ngoiyei nyakdaipü nangkü hatouei paüm. Hatoueipü yaong hük yah-ei büpai ha shangjing kü letü shihen lemteke.

JOSHUA 4:9

Shao Joshua-i Vangpüshuwpü Pela paitü yaongpü ngongpathülei la toueipü yaong anpünyi thaiyei Jordan yung jiamei shüngei tuhteke. Hathü yaong shinnyih thahshi nyüke.

KAHBHAO 21:14

Nepphei lomi Abrahami hahying hanei hatü yinghen yung yah-ei Hagar kü bhagchongei chanhütü cheha jiji deitük. Pinnyü daiyei Beersheba jahpanei paüeiyonei longtei.