KAHBHAO 28:15 - DAÜLANGPÜ LAIHING (BSI)

¹⁵ Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 28:15 Referans Kwoze

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

JEREMIAH 1:19

Jomi nüng khüei hokhen shejao jomi nüng neneü-aokhen; mehenangkü nüng yanghen ngei nüng mü nyüpeih” shei Shembüpai eteke.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 31:3

Hahepak kü Shembüpai Jakob kü, “Ambü ampalei kahdok hatü jeihinaüthü yemei leituh, hatü ngei nüng mü nyukahen” shei e.

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

MATHI 24:35

Vangsho hatü kahdok peihdaihen, shejao ngelei shah nepeihdaihen.

MATHI 18:20

Melei ngelei men kü nyi nevaijü jem thaiyei nyu, halei ngei jom mü nyüpeih.

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

1 ONGPATHÜ 8:57

Shembüpa jenei Kahvang, jenei bühipa mü nyupü keiha jen mao nyukahen; büpai jen netuhphongpih nevaijü neyakphongpih.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

KAHBHAO 48:21

Hapheikü Israeli Joseph kü, “Ngei sheyü didaihen khih, shejao Kahvang nüng mü nyuhen hatü nüng shao nüngei bühipalei kahdokei müei leihen.

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

SHAHPHENBÜTHÜ 6:16

Shembüpai büpa kü, “Nüngi aokhen hih; mehenangkü ngei nüng mü nyukahen, hatü nüngi Midian am peü ngümtükhen” shei e.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

KAHBHAO 39:21

Shejao Shembüpa Joseph mü nyu, hatü büpa bampü hu; büpai khoklat yompü veshan longpübai büpa kü bamhen peihü.

KAHBHAO 39:2

Shembüpa Joseph mü nyu, hatü lemphü aokpü shennyak lei; büpa Ijip am büpalei shembü amei shemei nyu.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

KAHBHAO 48:16

ngei vongshüh peü kübü yangpü vangsho phongshani hapa naü nyi kü moihimantuh; Ngelei men hatü ngelei bühipa Abraham, Isakei men ha naü nyi homei nyuhütuh, hatü kahdoknyü kü hühihathü longi dahütuh.”

KAHBHAO 32:9

Hapheikü Jakobi, “Oh ngelei opa Abraham Kahvang, hatü Isak Kahvang, ngei kü, ‘Nüngei kahmük hatü jeihinaü touei leituh hatü ngei meipü dükphahen hih’ shei epü Oh Shembüpa,

KAHBHAO 46:4

Ngeiyao nüng mü Ijiplei yiükahen, hatü shao ngei nüng müei anhen, hatü Josephei laki dükshi nüng müksho methühen” shei e.

KAHBHAO 21:20

Ha naü longyaki Kahvang hapa naü mü nyu, hatü büpa Paran jahpanei nyu, hatü sikari shennyak meipü leiteke.

KAHBHAO 31:5

hatü jiji kü, “Sheleipükei ampai ngei kü bamei nenonyu shei ngei nyingteke, shejao opalei Kahvang payü ngei mü nyüpeih.

KAHBHAO 31:13

Ngeiyü nüngei shemnyü thiteiphuei haongpü hatü ngei kü vangpüshuwpü hük lingpü shing Bethel leipü Kahvang. Shaang hapa kahdok tuhtü nüngei nyübüh kahdok yemei leituh” shei eteke.

KAHBHAO 35:3

hapheikü peikei, hatü ngei shanghahpü nyih ngei kü jangpü hatü ngei dailem peü kü ngei mü nyupü Kahvang kü moidü hük linghen jen Bethelei aongshah” shei e.

MÜLANGPÜ 13:11

Mechem Shembüpai am hatü ammei bühipa kü lahpükei Kanan kahdokei müei leiyei am kü ha yahphahenshang,

BHEI-IE 6:24

“Shembüpai am moihimantuh, hatü jungei angtuh.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

SHAHKÜP 30:3

Shembüpa, ammei Kahvangi am kü phahjiei deihhen hatü jatthü touei haitükpü amphong thaiyei leihen hatü am dahüshehühen.

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

KAHBHAO 30:25

Racheli Joseph bühpheikü Jakobi Laban kü, “Ngei ngelei nyübüh kahdok yemei leihen ngei shomtuh.

LEVI 26:42

shejüang ngei Jakob mü vangeishuwpü deih-ei danghen, hatü Isak mü hatü Abraham mü ngei vangteishuwteipü deih-ei danghen, hatü ngei jom kü shuohhen lahpü kahdok deih-ei danghen.

LEVI 26:45

Ngei jomei Kahvang vaihen shingvaishi ngei jatthüi eeshi Ijip kahdok leipü jomei chebü chepa mü vangteipü ngei jom kü phahjiei deih-ei danghen. Ngeiyü Shembüpa.

MENVIH KESHO 91:11

Mehenangkü Kahvangi büpalei vangsho phongshan shomei nüng dailem peü kü yomhen.

JEREMIAH 16:15

shejao jomi, “Apshaphi kahmük kübü hatü büpai changtükpü kahmükthü peü kübü ham Israel am müei leipü vanyangyem Shembüpa nyüpeih” shei ehen. Mehenangkü ngei jomei chebü chepa kü shuohpü kahdokei jom müei leihen.