KAHBHAO 27:29 - DAÜLANGPÜ LAIHING (BSI)

²⁹ Nanglakthüi nüng chongnyempho, hatü jatthüi nüng kü aümei nyemkhüm. Nüngi nüngei jeihinaüthü shak kü shembü vaituh, hatü anyüi bühpü hapeüthüi nüng kü aümei nyemkhüm. Nüng kü thaüvaüpüthü kü thaüvaü hettuh, hatü nüng kü moihimanpüthü kü moihiman nyutuh.”

KAHBHAO 27:29 Referans Kwoze

BHEI-IE 24:9

Mailang keiha jom lemeileyei nyunyüke; mailang chenyüi keiha üpai jom phukaokhen? Üpai am moihimannya, jom kao moihimanhen, hatü üami am kü thaüvaühen, jom kao thaüvaühen.”

KAHBHAO 12:3

Nüng kü moihimanpüthü kü ngei moihimanhen; üami nüng kü thaüvaü ngeiyao jom kü thaüvaühen, hatü kahdoknyü hangkuli peü nüng homei moihiman danghen.”

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

ROM SHAHSHA APPÜ 9:12

doui nevai, shejao büpai nyükpü homei pinnyü kü, “Chejei-i chenaü chongphohen” shei etüktü nyu.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 72:8

Büpa vanglem lempü yungching kübü yungching thahshi, hatü Euphrates yungyen kübü kahdok dohpü ngoishi nyuhen.

1 ONGPATHÜ 22:47

Hahepak kü Edom kahdokei ong nenyuham; Judah ongi jepü lakchongbü hüki mon vanglem lemei nyu.

BHEI-IE 23:8

Kahvangi nethaüvaüpüthü kü ngei mekei thaüvaühen? Shembüpai ne-eelapüthü kü ngei mekei eelahen?

KAHBHAO 37:7

Jen peü kahlei hahbhaong shaei nyuteke. Ngangahük kü ngelei hahbhaong yaongteke, hatü amphongei hahbhaong kemei shonei aümei shaei khümei manghküpeih” shei e.

KAHBHAO 27:37

Isaki Esau kü, “Ngei büpa nüngei shembü leihütüktih, hatü ngei büpa kü büpalei jeihinaüthü peüi büpa chongphohen, hatü hahying, yiü lemphü shuohtüktih. Hapeü, ngei nüng kü mehe dükphahenang?” shei e.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

MATHI 25:45

Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

1 SHÜPPÜKENGPÜ 5:2

hatü Judah amao jeihinaüthü khongkü wong kohpüba hatü vanglem lempü jom kübü vamjao jeiyongpa heanü Joseph kü shuohtükpeih.”

1 ONGPATHÜ 4:21

Solomoni Euphrates yungyen kübü Philistia kahdok hatü Ijip amei viong thahshi kü nyupü ongchingthü kü vanglem lem. Hapa jatthüi büpa kü bom shuoh, hatü jomphongü büpalei den kemei kü büpalei nanglakthü leiteke.

KAHBHAO 25:33

Jakobi, “Shongpüba kü nüngi ngei kü behepa hean shuohnyeih shei lahtuh” shei e. Esau-i Jakob kü, “Behepa hean shuohtüknyeih” shei lah.

KAHBHAO 9:27

Kahvangi Japheth longhütuh büpa Shemei ashakshemei nyuhütuh, hatü Kanan amü büpalei aa vaihütuh” shei e.

KAHBHAO 27:30

Isaki Jakob kü moihiman shuoh-ei temei Jakob chepa toueipü vamdaihinüng chejei Esau mei kü shapü aong.

KAHBHAO 27:40

Nüngü nüngei yannah-i chingchinghen, nüngi anaü chongphohen, Shejao mechem nüng khüei yaonghen, nüngei bhagchong leipü büpalei pang ngühtükaokhen.”

KAHBHAO 37:10

Mechem büpai manghthü chepa kü hatü chejeihijei am kü ejapa, chepai büpa kü loh, hatü, “Nüngi hayü mehe mangh manghküpa? Hingmei anyü henji hatü anjeihijei am peü peiyei nüng kü kahdokei aümei khümhen je?” shei e.

BHEI-IE 24:18

Büpai Edom am neütükhen, büpalei vepa Seir amao neütükhen, shejao Israel am wong kohpüba leihen.

ISAIAH 60:12

Mepa jat nevaijü ongchingi am chongnephohenshang mahhen; hathü jatthüyü chemjalak kü mangtükhen.

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.