KAHBHAO 27:28 - DAÜLANGPÜ LAIHING (BSI)

²⁸ Kahvangi nüng kü vangsho nyien, hatü kahdok cheü nyemshuoh; hatü hapai hahying hatü yiü changshi nyemdanghü.

KAHBHAO 27:28 Referans Kwoze

SHAHKÜP 33:28

Hanangkü Jakobei hühihathü chingmei vangmei kü hahying, hatü yiü vampü kahdok kü vangsho nyieni yung shuoh-ei hüshemei nyuhen.

SHAHKÜP 33:13

Joseph am nang büpai hapakei eteke: “Shembüpai jomei kahdok vangsho nyieni, hatü kahdok mongeipü yungi moihimantuh.

MENVIH KESHO 133:3

Hapayü Hermon Kahshang kübü nyien Zion shangjing kü vüpükei nyüke. Mehenangkü halei Shembüpai büpalei moihiman, nedohnetenpü yangnyu yem shuohnyeih.

2 SAMUEL 1:21

Gilboa kahshangthü kü nyien hi vangyung nyemtevü; Hapalei kahthü düngei kong nyemleidai. Mehenangkü halei wong kohpüthülei ii sheihtükteke, Hajük kü Saulei ii kü mainga-i nephuhen.

SHAHKÜP 32:2

Ngelei nyuhpü venpü vang keiha keikahen, hatü ngelei shahthü nyien keiha vükahen. Ngelei shah-ü phenni kü vanglah haipükei, hatü sheili bhao kü vang keipü keiha nyukahen.

SHAHKÜP 7:13

Büpai am kü bamhen, moihimanhen hatü am nanglak dahühen. Büpai ammei naü uoshing, kahdok kü sheilivungla, betjükvungjük, mohoh khok kü mohoh, mi khok kü mi shei am kü shuohhen shei ammei bühipa kü lahpü kahdokei moihimanphahen.

ZEKHARIAH 8:12

“Jomi chingmeivangmei kü sheili haihen, nyalingngupai-i betjük jükhen, kahdoki sheili kohhühen, hatü vangshothü nyien yethühen. Hathü dou kemei aopü nanglakthülei mükjüp vaihühen.

JOEL 2:19

Shembüpai laophülei nanglakthü kü jangei eteke: Ngei am kü aung, yiü, mainga shomnyüpeih; hapai am hüshemei hahhen, hatü ngei hajük kü am lebü jatthü toumü ne-ienelemi neleihüpih.

ISAIAH 45:8

Oh vangsho shangpa, vang keipü daülangshemshepü shomtuh; Kahdoknyü ju aptuh, yemleipü koh-ei vamhütuh; hapa mü daülangshemshepü longhütuh; Ngei, Shembüpai hapa lingpeih.

MENVIH KESHO 104:15

hatü hangku mongonghühen yiü, dhe nyanghen mainga, hatü hangkulei mongdang wong kohhühen hahying vamhünyeih.

MENVIH KESHO 36:8

Jomi nüngei shem leipü hahying hahnyüke, hatü nüng mongongpü yungyen leipü yung yingshuohnyüke.

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

BHEI-IE 18:12

Israel ami Shembüpa kü shuohpü peü mü meipü olive mainga, yiüja hatü hahying jomi shongei vaümpü betjük, ha ngei nüng kü shuohpeih.

HEBREW 11:20

Hinglempai Isaki Jakob hatü Esau nyi shing ngoikahen nangkü moihiman yüshuoh.

ZEKHARIAH 9:17

Jom meshük veinyuhüshi hatü dhe meishi chongkahen! Hahyingi nethethü hatü yiünaüi nelathü wong kohhühen.

MIKA 5:7

Jakob nanglak aopüthüyü shennyak longi khongkü Shembüpai shompü nyien kei nyuhen, hatü shennyak hangku danei nenyupü phenha shang kübü vanglah kei nyuhen.

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

2 SHÜPPÜKENGPÜ 2:10

Ngei nüngei nanglak taukta vetpüthü kü wheat ton haja nyi, barley ton haja nyi, yiü liter haja kho ali, hatü olive mainga haja kho ali shomphahen hih” shei e.

1 ONGPATHÜ 5:11

Ha nangjei Solomoni Hiram kü wheat hah ton haja nyi, hatü daülangpü olive mainga dok haja kho ali bong ieyei büpalei shem am hatü nanglakthü shing shuoh.

JOSHUA 5:6

Shembüpai epü nebangpü nangkü Ijip leipü vamei daishingkü veshan vaihen yienmeishem peü mangdidaikem thahshi Israel am jahpanei vangbong pinyi hükshing longtei; mehenangkü Shembüpai jomei bühipa kü amma hatü nyahjiü mon yenpü kahdok shuohhen shei lahpü ha ne-eehüpih shei lahteke.

KAHBHAO 49:20

Asherlei kahdoki hahying longi vamhühen; büpalei ongpai hahhen hahying meipü büpai shuohhen.

KAHBHAO 45:18

hatü ampa hatü shem am peü müei ngei touei yiüdaikei. Ngei Ijip kü peü mü meipü kahdok shuohhen, hatü ammi halei vampü hahyingi hüshemei nyuhen.

ROM SHAHSHA APPÜ 11:17

Shejao olive pükao hanei bhagei yaktüktü nüng, olive nganyü kao dakei hapa olive pü tünglang kübü aongpü hahying hahhen hapteke.

BHEI-IE 13:20

Kahdok kü kahcheü nyüla, pünyü vunglong nyüla veituh. Hapa kahdok leipü betjük vaümei leikei.” (Hapayü shongpü nyalingngupai shümpü hepak shiüteke.)

KAHBHAO 27:39

Hapheikü chepa Isaki büpa kü jangei e: “Veituh, kahdok cheü nenyupülei, hatü vangsho nyien neshükpülei nüng chingei chongei nyuhen.

KAHBHAO 27:37

Isaki Esau kü, “Ngei büpa nüngei shembü leihütüktih, hatü ngei büpa kü büpalei jeihinaüthü peüi büpa chongphohen, hatü hahying, yiü lemphü shuohtüktih. Hapeü, ngei nüng kü mehe dükphahenang?” shei e.

KAHBHAO 49:25

Nüng kü sheühpeyü ampai vaipü Kahvang, Jeiyong Kahvangi nüng kü vangsho shangpa leipü moihiman, ilangmongei nyupü moihiman, yemhimak hatü hapeü moihimanthü shuohnyüke.

KANDOK 3:20

Büpalei koni yungchingthü hantük; hatü phumthüi nyien vühünyüpeih.

KANDOK 19:12

Ongpa hük mongshihpeyü mailang hük mongshihpükei nyüke; shejao büpalei phahjiyü phenni shang kübü nyien kei nyüke.