KAHBHAO 26:4 - DAÜLANGPÜ LAIHING (BSI)

⁴ Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 26:4 Referans Kwoze

PHONGSHANTHÜ DOU 3:25

Amphongü thibüthülei hühihathü hatü Kahvangi ambü Abraham mü, ‘Nüngei lihilathü kü kahdoknyü jat peüi moihimanhen danghen’ shei vangei epeih.”

GALATIA 3:8

Kung amao hinglempai Kahvangi dahshakhühen shei Laihingi yeihshi eeyei sheleiüng hapa shahjangmei Abraham kü, “Kung am peü nüng homei moihimanhen” shei baongei eteke.

KAHBHAO 15:5

Büpai büpa kü chingshelei ngaiyei, “Vangsholei ngangei veituh, hatü nüngi ieaokülashang lithathü ietuh” shei e. Hapheikü büpai, “Hapa keiha nüngei hühihathü nyuhen” shei e.

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

KAHBHAO 13:16

Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen.

GALATIA 3:16

Shaang Abraham hatü büpalei li kü lahpüthü ling; “Nüngei lihilathü kü” shei longi nyupükei eyei neshiü, shejao, “Nüngei li kü” shei eyei nyüke, lappai, shennyak hük, hapayü Khrista.

MENVIH KESHO 72:17

Büpalei men den kü nebetüki nyuhütuh, vanghenyü nyupü thahshi büpalei menmei nyuhütuh. Jatthü peüi büpa kü moihiman danghen, jomi büpa kü mongongpü baonghen.

HEBREW 11:2

Jenei bühipathüi hinglempü nangkü Kahvangi mong hahpeih.

KAHBHAO 18:18

Abrahamei hühihathüi longpü hatü wong kohpü jat hük leihen, hatü büpa homei kahdoknyü jatthü peü moihimanhen.

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 28:3

“Jeiyong Kahvangi nüng kü moihimanhen, nanglak longi dahühen, hatü nanglak khongnyü longpü leihühen.

KAHBHAO 28:14

hatü nüngei lihilathü molo bhihhiphang kei nyuhen, hatü jomphongü heong heshü apsha pehe peü lemei daei daihen, hatü nüng hatü nüngei lihila homei kahdoknyü nanglak peü moihimanhen.

KAHBHAO 35:12

Ngei Abraham hatü Isak kü shuohpü kahdok ngei nüng kü shuohhen hatü nüng pheikü nüngei hühihathü kü shuohhen” shei e.

KAHBHAO 47:27

Hapa keiha Israel am Ijip kahdok Goshen shinpü moidoilei nyu, hatü jomi halei shemmei leiyei hüpeü hapeü büh-ei daeisheyei nyu.

MÜLANGPÜ 6:4

Ngei jom mü Kanan kahdok melei jom benha kei nyupa, hapa kahdok shuohhen shingvaishi vangpüshuwpü lingpeih.

SHAHKÜP 9:5

Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

SHAHKÜP 13:17

Hapakei eelatükpü douthü ammei shemei tetuh; shejüang Shembüpai mongshihpü meidaihen; büpai ammei bühipathü kü lahpü keiha am kü phahji, yahyang shinshang huphahen hatü am nanglak longi dahühen;

1 SHÜPPÜKENGPÜ 27:23

Davidi bong kukha hatü ha phang kübü shennyakthü ne-ie; mehenangkü Shembüpai Israel amü vangsho lithilen kei dahühen shei lahteke.