KAHBHAO 26:28 - DAÜLANGPÜ LAIHING (BSI)

²⁸ Jomphongi büpa kü, “Shembüpa nüng mü nyüke shei hami veiaoknyüke; hanangkü jen aa kü vangteipü nyushah; hami nüng mü vangteishuwteipü lingshah,

KAHBHAO 26:28 Referans Kwoze

ISAIAH 61:9

Jatthüi jomei hühihathü, hatü shennyakthüi jomei lihilathü nyinghen. Jom eepü peüi jomü Shembüpai moihimanpü shennyakthü shei nyinghen.

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

JOSHUA 3:7

Shembüpai Joshua kü, “Ngei Mosa mü nyupükei nüng mao nyunyu khih shei nyinghen shingvaishi shinnyih ngei nanglakthüi eeshi nüng shangei longei anshihhen.

KAHBHAO 39:5

Hahepak kübü büpai jomei shem kempü hatü büpai angpü lemphü shangkü büpai veihen tuh, hatü Josephei Shembüpai hapa Ijip am shemong kü moihiman. Potiphar am angpü lemphüli kü shemei vaituh, kah kü vaituh Shembüpai moihimanteke.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

HEBREW 6:16

Hangkuiyü laophü mü longpü hanei am touei lahnyeih, hatü hapa lahpai jomi mehe enya, ha jiüpeih shei hunyeih, hatü hapa lahpai dehilao peü dohhünyeih.

1 KORINT 14:25

hatü büpalei mongdangei joshi nyupü peü shakei nyingdaihen. Hanangkü büpa aümei shatü, “Hingmei, Kahvangü am khong mü nyüke” shei eyei Kahvang kü khümhen.

ISAIAH 61:6

Shejao amphong keyü Shembüpalei ngongpathü shei nyükhen, hatü jenei Kahvang chongphobüthü shei menhen. Ammi jatthülei mopi mohmeihen, hatü jomei nükhinyiami am changmeihen.

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

2 SHÜPPÜKENGPÜ 1:1

David ongpalei cheha Solomoni Israel ongching wong kohshi ling; Shembüpa, büpalei Kahvang büpa mü nyu hatü büpa ahshi-üng longpü leihüteke.

KAHBHAO 24:41

Hapheikü mechem nüng ngelei mükhiphang touei peihenshang, jomi nüng kü pinnyü shuohhen nemongjao nüngei hang lanpü vaihen, hapa lahpü kü nüng shashi neshiü’ ” shei ephopeih.

KAHBHAO 24:3

hatü Shembüpa, vangsho hatü kahdoknyü shak kü Kahvangei men kü ngelei hapeü shing shaang chemi nyupü Kanan lapeü yiük neyahpih,

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

KAHBHAO 31:44

Kei, ji shinnyih vangpüshuwpü hük lingshah, hatü hapai ji aa kü denpü hük vaihen” shei e.

KAHBHAO 39:3

Büpa mü Shembüpa nyüke shei büpalei shembüi veiaok, hatü büpai dükpü lemphü kü Shembüpai moihimanteke.

1 SAMUEL 11:1

Lenyang hük shing daiphei kü Ammon ongpa Nahash aongei Jabesh Gilead shüm, hatü Jabesh am nanglakthüi Nahash kü, “Chingmei lingshah, hatü hami am chongphoshah” shei e.

1 SAMUEL 18:28

Shejao mechem Sauli Shembüpa David mü nyüke hatü cheha Mikhaliyao David kü bamnyüke shei nyingpa,

2 SHÜPPÜKENGPÜ 15:9

Hapheikü büpai Judah hatü Benjamin hatü jom mü nyupü Ephraim, Manasseh hatü Simeon nanglakthü peü thaihü; mehenangkü mechem Shembüpa, büpalei Kahvangü Asa mü nyüke shei jomi veiaokpa, shennyak longi Israel leipü jom mü nyuhen heihteke.