KAHBHAO 26:24 - DAÜLANGPÜ LAIHING (BSI)

²⁴ Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 26:24 Referans Kwoze

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

PHONGSHANTHÜ DOU 7:32

“Ngeiyü ambü ampalei Kahvang, Isak hatü Jakob Kahvang.” Hanangkü Mosa kheühen chongpang hatü ha kü neveiaok.

KAHBHAO 24:12

Büpai, “Oh Shembüpa, ngelei shembü Abrahamei Kahvang, ngei shinnyih aokpü danghütuh, hatü ngelei shembü Abraham kü bampü hueishuoh.

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

KAHBHAO 13:16

Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen.

HEBREW 13:6

Hanangkü jenphongao monglemei hapakei eaokhen: “Shembüpayü ngelei sheühbü; Ngei nenyemhen. Üpai ngei kü mehe dükphaaokhen?”

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

MATHI 22:32

‘Ngeiyü Abraham Kahvang, Isak Kahvang, hatü Jakob Kahvang. Büpayü didaipü Kahvang nevai, shejao vanyangyem Kahvang’ shei am kü mehe e, ha ne-ieangpü je?” shei eteke.

ISAIAH 44:2

Üpai am lingpa hatü üpai am wom mongei shükpa? Hapa Shembüpai hapakei enyüke: Am tenyem, Oh Jakob, ngelei chongphobü, Ngei jepü Jeshurun.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

KAHBHAO 31:5

hatü jiji kü, “Sheleipükei ampai ngei kü bamei nenonyu shei ngei nyingteke, shejao opalei Kahvang payü ngei mü nyüpeih.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

KAHBHAO 22:19

Hanangkü Abrahami büpalei chongphopü nethepa nyi touei nyokei lei, hatü jom peü Beershebalei leiyei halei nyu.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

KAHBHAO 21:17

Kahvangi naü theppü dan, hatü vangsho phongshani vangsho leipü Hagar kü nyüktü pinnyü kü, “Hagar, nüng mehekei mongshangnya? Nüng tenyem; mehenangkü naü nyupü shing leipü naüei ngeü Kahvangi danteke.

KAHBHAO 22:17

ngei nüng kü moihimanhen, hatü nüngei lihila vangsho lithathü kei hatü yungching bhihhiphang kei daeisheyei leihühen. Nüngi ngelei shah bangpü nangkü nüngei hühihathüi vepathülei chingnyüthü kaamlanghen,

KAHBHAO 28:3

“Jeiyong Kahvangi nüng kü moihimanhen, nanglak longi dahühen, hatü nanglak khongnyü longpü leihühen.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 30:27

Shejao Labani büpa kü, “Nüngi ngei kü bamei deihjema, haleiüng chongkütuh. Nüng nyupü nangkü Kahvangi ngei kü moihimanpü khih shei phongyompai nyingteke” shei e.

KAHBHAO 46:1

Hanangkü Israeli büpai angpü peü yah-ei yiüei Beersheba ngoiyei büpai chepa Isakei Kahvang kü jakpü moila shuoh.

SHAHKÜP 13:17

Hapakei eelatükpü douthü ammei shemei tetuh; shejüang Shembüpai mongshihpü meidaihen; büpai ammei bühipathü kü lahpü keiha am kü phahji, yahyang shinshang huphahen hatü am nanglak longi dahühen;

KAHBHAO 39:2

Shembüpa Joseph mü nyu, hatü lemphü aokpü shennyak lei; büpa Ijip am büpalei shembü amei shemei nyu.

KAHBHAO 39:3

Büpa mü Shembüpa nyüke shei büpalei shembüi veiaok, hatü büpai dükpü lemphü kü Shembüpai moihimanteke.

MÜLANGPÜ 14:13

Mosai nanglakthü kü, “Am tenyemkei, wong kohshi yaongtuh, hatü shinnyih Shembüpai am yanghen mehe dükkahen veishi nyutuh; mehenangkü ammi shinnyih eepü Ijip am sheyü ne-eepih.

LEVI 26:42

shejüang ngei Jakob mü vangeishuwpü deih-ei danghen, hatü Isak mü hatü Abraham mü ngei vangteishuwteipü deih-ei danghen, hatü ngei jom kü shuohhen lahpü kahdok deih-ei danghen.

LEVI 26:45

Ngei jomei Kahvang vaihen shingvaishi ngei jatthüi eeshi Ijip kahdok leipü jomei chebü chepa mü vangteipü ngei jom kü phahjiei deih-ei danghen. Ngeiyü Shembüpa.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

RUTH 3:11

Hanangkü, lamei, nüng mongteshang; nüngi mehe nanya, ngei peü dükphahen; mehenangkü hapa jila kü nyupü küphüanaü peüi nüngü nyümeihama shei nyingei nyüke.

1 ONGPATHÜ 17:13

Elijah-i pinnyü kü, “Nüng mongteshang. Shemei leiyei nüngi epükei düktuh; shejao shongei ngei kü shong hapa aan maani yah-ei lingtü ngei kü yahshih; hapheikü mon anha anji shing linghahtuh.

YOUNG LAI 3:57

Ngei nyükshingkü nüngi ngei yopailei pei, hatü, “Tenyem!” shei nüngi ngei kü epeih.