KAHBHAO 26:14 - DAÜLANGPÜ LAIHING (BSI)

¹⁴ Büpa mi, hatü lebü yemhimakthü longi ang, hatü chongphobüthü longi nyu; hanangkü Philistia ami büpa kü mükhüh.

KAHBHAO 26:14 Referans Kwoze

KAHBHAO 37:11

Chejeihijei ami büpa kü mükhak, shejao chepai ha nang mongei mon tuh.

CHONGVENBÜ 4:4

Hangkui dükpülingpü hatü dangaokpü kemei laophülei chingyow leipü kü mükhühpü nangkü khih shei ngei nyingteke. Hapayao angsha; vanglük phei changteipü mon khih.

KANDOK 27:4

Mongshihpeyü ahshi mangshi; lohpeyü longi nemei, shejao mükhüh mongyungpü touei üpa yaongaokhen?

KANDOK 10:22

Shembüpalei moihimani shemmei leihünyeih, hatü büpai ha kü shanghah neshuohnyih.

MENVIH KESHO 112:3

Mop hatü angpüdeipeyü jomei shemongsha kü nyuhen, hatü büpa daülangshemshepü den kü nyuhen.

JOB SHAHSHA APPÜ 42:12

Shembüpai Jobei yangnyu kü shongei moihimanpü mü pheishiüng nyeinya moihimanshuoh, hatü büpalei mi 14, 000, ut 6, 000, mohoh jora 1, 000, hatü gadu 1, 000 nyuteke.

JOB SHAHSHA APPÜ 5:2

Hingmei mongshihpai ngapa hük jünyüpeih; hatü mükhühmongyungpai ngashi nyupü am lomohnyeih.

JOB SHAHSHA APPÜ 1:3

Büpai mi haja nyet, ut haja jem, mohohbaong jora haja nga, gadu haja nga hatü aathü longi nyu. Hanangkü hapa shennyakü heongphi kübü nanglakthü khongkü peü mü longpü shemmeipa nyuteke.

1 SAMUEL 18:9

Hanangkü ha nyih mü leitü Sauli David kü mük hingshi veiteke.

KAHBHAO 13:2

Abramü yemhimak, hon hi ngin longi angpü shemmeipa nyuteke.

KAHBHAO 12:16

Pinnyülei men kü büpai Abram kü longi meishi jung hatü Abrami mi, mohoh, gadu chebi chebaong, nyüha hatü baha aathü hatü ut longi dangteke.

MENVIH KESHO 112:10

Nemeipüthüi ha eetü mongshihnyeih; jomi bha vüknyeih hatü mahdainyeih, nemeipü ami nyakpükenpü peü kong leidainyeih.

KAHBHAO 24:35

Shembüpai ngelei shembü kü longi moihimanei büpa shemmei leiteke. Büpai büpa kü mi, mohoh, hon, ngin, nyüha, baha aathü, ut hatü gadu longi shuohteke.

KAHBHAO 25:5

Abrahami büpai angpü peü Isak kü shuoh.

KAHBHAO 30:43

Hapa keiha hapa shennyak longi shemmei lei, hatü yemhimakthü, nyüha baha aathü, ut hatü gadu longi angteke.