KAHBHAO 25:6 - DAÜLANGPÜ LAIHING (BSI)

⁶ Shejao Abrahami büpalei yiükphüthüi bühpü hapeüthü kü büpai yemmü nyushiüng thintho mon shuohtü Isak toueipü yanei jom peü heong kahmükei shomtük.

KAHBHAO 25:6 Referans Kwoze

KAHBHAO 21:14

Nepphei lomi Abrahami hahying hanei hatü yinghen yung yah-ei Hagar kü bhagchongei chanhütü cheha jiji deitük. Pinnyü daiyei Beersheba jahpanei paüeiyonei longtei.

SHAHPHENBÜTHÜ 6:3

Mechem Israel ami sheili sheijahen, Midian am hatü Amalek am hatü heongphi kübü lebü jatthüi jom khüei hokhen peiteke.

PHONGSHANTHÜ DOU 14:17

shejao düngei büpai doumei dükpai büpa nyupü huei heihpeih; büpai vangsho leipü vang shomnyeih hatü dühü kü jiüshi betjük jükhünyeih; büpai am hahyingi mahünyeih hatü ammei mong mongongpai maei nyunyeih.

MATHI 5:45

shejüang amphongü vangsholei nyupü Palei hapeüthü vaihen; mehenangkü büpai nemeipüthü hatü meipüthü kao aihük mü vanghenyü aonghünyeih, daülangpüthü hatü nedaünelangpüthü kao vang keihünyeih.

JOB SHAHSHA APPÜ 1:3

Büpai mi haja nyet, ut haja jem, mohohbaong jora haja nga, gadu haja nga hatü aathü longi nyu. Hanangkü hapa shennyakü heongphi kübü nanglakthü khongkü peü mü longpü shemmeipa nyuteke.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

SHAHPHENBÜTHÜ 19:4

Nelanyülei chepai büpa kü themei nyuhen eteke; hanangkü büpai jom shemei hah-ei yingei shiyei chongei nyih jem thahshi themteke.

KAHBHAO 35:22

Mechem Israel hapa kahdokei nyupa, Reuben peiyei chepalei yiükphü Bilhah mü shi, hatü Israeli ha dan. Shaang Jakobei yeshangthü jom anpünyi nyu.

KAHBHAO 32:22

Ha ya-üng büpai chenyüha nyi, aa lanyü nyi, hatü hapeüthü jom anpühük mütü Jabbok yungyen homei dai.

KAHBHAO 25:1

Abrahami lebü nyüha hük Keturah shei menpü yah.

KAHBHAO 16:3

Abrami Kananei bong an nyupheikü chenyüha Sarai-i Ijip am aa lanyü Hagar deiyei chepaha kü büpalei nyüha vaihen shuoh.

KAHBHAO 30:9

Mechem Leah-i sheyü pinnyü hajük kü hapeü neshiü shei nyingpa, pinnyüi pinnyülei aa lanyü Zilpah deiyei Jakob kü nyüha vaihen shuoh.

KAHBHAO 30:4

Hanangkü pinnyüi büpa kü Bilhah deiyei nyüha vaihen shuoh, hatü Jakobi pinnyü mü jem,

2 SHÜPPÜKENGPÜ 11:21

Rehoboami chenyühathü hatü yiüphüthü peü mü Absalomei yiükha Maakah kü nyeishi bam. Büpa nyüha anpüshet hatü yiükphü pejem nyuteke, hatü yeshang hapüshet hatü yiükha pejemei pa nyuteke.

KAHBHAO 29:1

Hapheikü Jakobi nedoh-i büpalei yenlem kü daiyei heong nanglakthülei kahdok ngoi.