5 Abrahami büpai angpü peü Isak kü shuoh.
Ngelei shembülei chenyüha Sarah longi viüdaipheikü yeshang hük bühteke, hatü ngelei shembüi büpa kü angpü peü shuohteke.
shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.
Büpa kü Kahvang dei-aei maei nyuhen mong hahpeih,
Shaang jeihinaüthü, jenphongü Isak keiha lahpü kübü hapeüthü.
Amphong Khristalei vaijema, amphongü lahpü aimü mükjüp yahpü Abrahamei lithü nyüke.
Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?
hatü hapeüthü vaijema, shejema mükjüp yahpü am, Kahvangei mükjüp hatü Khrista mü chemi mükjüp yahpü am leinyüke– ha vaipü nangkü jenao büpa mü müknyinshekhanghen shingvaishi jeni büpa mü hanghinyüke.
Pa-i Ha kü bampü nangkü lemphüli büpalei lak kü shuohteke.
Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.
Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”
Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.
Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.
Shembüpai ngelei shembü kü longi moihimanei büpa shemmei leiteke. Büpai büpa kü mi, mohoh, hon, ngin, nyüha, baha aathü, ut hatü gadu longi shuohteke.
Midianei hapeüthüyü Ephah, Epher, Hanokh, Abida hatü Eldaah hathü nyu. Hathü kemei Keturahlei hühihathü nyu.
Büpa mi, hatü lebü yemhimakthü longi ang, hatü chongphobüthü longi nyu; hanangkü Philistia ami büpa kü mükhüh.
