KAHBHAO 25:21 - DAÜLANGPÜ LAIHING (BSI)

²¹ Isaki chenyüha Rebekah shing Shembüpa kü phop; mehenangkü pinnyü nyülan vaishi nyu, hatü Kahvangi büpai phoppü kü jangei Rebekah büm nekongi lei.

KAHBHAO 25:21 Referans Kwoze

EZRA 8:23

Hanangkü ham hapa tata kü Kahvang kü shüaeiyungleyei phoppeih hatü büpai phoppü kü jangpeih.

LUK SHAHSHA APPÜ 1:13

Shejao vangsho phongshani büpa kü, “Zekhariah, nüng tenyem; mehenangkü nüngi phoppü danteke. Anyüha Elizabeth-i yeshang hük angkahen, hatü nüngi büpa kü Johan shei menhen.

ISAIAH 58:9

Hahepak kü ammi nyükhen, hatü Shembüpai janghen; Ammi sheühshih shei lenhen, büpai, “Ngei hamü nyüpeih” shei ephahen. Ammi am shüveiteipü, ammi mih kü lakjaangi jüpü, hatü nemeipü peü dohdaijema,

2 SHÜPPÜKENGPÜ 33:13

Mechem büpai büpa kü phoppa, Kahvangi büpai yüpü hatü phoppü kü jang, hatü Jerusalemei nyokei leiyei shao vanglem lem. Hahepak küang Manasseh-i Shembüpayü Kahvang khih shei nying.

1 SHÜPPÜKENGPÜ 5:20

Hathü khüei hokhen shingvaishi Kahvangi jom kü sheüh, hatü Kahvangi Hagar hatü jom kü khüambakpüthü peü jomei lak kü shuoh; mehenangkü jomi vehok shingkao Kahvang kü len, hatü büpai jom kü jang.

1 SAMUEL 1:27

Hapa naü nyemyahpha shei ngei phoppeih, hatü ngei Shembüpa kü yüpü kü jangei yahphüteke.

LUK SHAHSHA APPÜ 1:7

Shejao jiji hapeü nenyu; mehenangkü Elizabeth-ü nyülan nyu, hatü jijiphen vangbongi behe leidaitü nyu.

ISAIAH 45:11

Shembüpa, Israel amei daülangpü Kahvang, hatü hapa Lingbüi hapakei enyüke: “Ngelei hapeüthü nangkü nüngi phehen je? nevaijü ngelei lakdou nangkü nüngi ngeükhüam shuohhen je?

KANDOK 10:24

Nemeipüthüi mepa kü nyemnya, hapaang jom kü peijahen, shejao daülangpüthü napeyü shuohhen.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

KAHBHAO 11:30

Shaang Saraiyü nyülan leidaitü hapeü neshiüi nyu.

MENVIH KESHO 145:19

Büpa kü nyempüthüi lümpü peü büpai jiühünyeih; jomi nyükpü büpai danei büpai jom yanglangnyeih.

MENVIH KESHO 127:3

Hapeüthüyü SHEMBÜPAleipü mükjüp, hatü moihiyangü büpa leipü thintho.

MENVIH KESHO 65:2

Oh phoppü kü jangpeyü nüng, nüng touei nanglak peü peikahen.

ISAIAH 65:24

Jomi nyükshekü ngei janghen, jomi mang-e shekü ngei danhen.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

1 SAMUEL 1:11

Pinnyüi, “Oh Jeiyong Shembüpa, nüngi nüngei chongphobü mongshang kü mon-üng veiphülangmeyü hatü nüng chongphobü nebetüki deih-ei dangtü bahanaü hük dangkao yahphülangmeyü ngei büpalei yangnyu den kemei Shembüpa chongphohen lanei shuohhen, hatü büpalei shangjing kü meet-i chemao neshemhen” shei hapakei lah-ei eteke.

1 SAMUEL 1:2

Büpai nyüha nyi yah; hükei menü Hannah hatü hükpalei menü Peninnah nyuteke. Peninnah leiyü hapeüthü nyu shejao Hannahlei hapeü nenyu.

KAHBHAO 16:2

Hanangkü pinnyüi Abram kü, “Shembüpai ngei kü naü nebühhen bangtükpü khih. Heih-ei ngelei nyüha aa mü paümtuh; pinnyü homei-ang ngei hapeü danghen aokpeih” shei e. Hanangkü Abrami Sarai-i epü bang.

1 SAMUEL 1:17

Hahepak kü Eli-i, “Nyiushemmei kü shemei leituh, hatü Israel Kahvangi mehe shingvaishi nüngi büpa kü phe, ha nüng kü yahphahen” shei e.

KAHBHAO 30:22

Hapheikü Kahvangi Rachel deih-ei dang; büpai pinnyü phoppü dan, hatü pinnyülei naü uoshing apteke.