13 Hathüyü Ishmaelei hapeüthü bühpü aimü nyangpü nyüke: Nebaioth, Ishmaelei hashongpa, Kedar, Adbeel, Mibsam,
Kedar amei mithü am touei thaikahen, Nabaioth amei mi chehathüi am chongphohen; Hathü peü ngelei moidülei moila keiha yahhen, hatü ngelei Phopshem nyeinya müknyinshekhangshi linghen.
Bhih kahdok hatü haleipü jilathüi; hatü Kedar am nyupü chingthüi Kahvang men vihtuh. Sela chingnyülei nyupüthüi mongong kesho loktuh; jomi kahshang shaopülei aongei lentuh.
Oh Jerusalem nelathü, Kedar leipü ashakshemthü kei, Solomonei ashakshem kübü haenpü ashak keiha, ngei nyakshi shejao nela meishi nyüpeih.
Meshekh am mü ngei nyupü Kedar am khong mü nyupü nangkü onyükei!
hatü Nebaiothlei chenaü, Ishmaelei yiükha Basemath.
Mishma, Dumah, Maasa,
hatü büpai jomphong kü, “Ngei amphong kü lemhük pheshah; amphongi yah-ei leipü dhaongchü yahshih” shei e. (Midian amao hon dhaongchü chüteipü vanglem nyuteke.)
Babylon ongpa Nebukadnezzari hahtükpü Kedar jat hatü Hazor chingnyü nang Shembüpai hapakei enyüke: Layaongtuh, hatü Kedar hahtuh, hatü heong shennyakthü jütüktuh.
Ishmael shingvaishi nüngi phepü ngei danphei: Hingmei ngei büpa kü moihimanhen; ngei büpa kü hapeü longi shuoh-ei hühihathü dahühen. Büpayü ong anpünyilei pa vaihen, hatü ngei büpayü jat longpü hük leihühen.
Esau-i daiyei Abrahamei cheha Ishmaelei yiükha Nebaiothlei chenaü Mahalath sheleipü nyühathü kü üei yahteke.
Cyprus shübaong homei heih-ei veihümao, hatü hanei am Kedarlei shomei dokhümao, hatü henüng keipü dou vamlashang veituh.
Arabia hatü Kedar am ongthü peü ammei bhei shakpü am nyuhampeih; jomi am mü mi, mi chehathü hatü yumthü yuei bhei leihpeih.