KAHBHAO 24:7 - DAÜLANGPÜ LAIHING (BSI)

⁷ Shembüpa, vangsho Kahvang, üpai ngei opalei shem, ngelei kahmük kübü müei dai, hatü ngei kü lah-ei, “Nüngei hühiha kü ngei hapa kahdok shuohhen shei epa, ngelei hapeü shing nüngi nyüha danghen mü büpai büpalei vangsho phongshan nüng shekü shomkahen.

KAHBHAO 24:7 Referans Kwoze

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

MENVIH KESHO 34:7

Büpa kü nyempüthü kü vangsho phongshanthüi shinei yomnyeih, hatü yanglangnyeih.

MÜLANGPÜ 33:2

Ngei am shekü vangsho phongshan hük shomhen hatü Kanan am, Amor am, Hit am, Perizz am, Hiv am, hatü Jebus am peü changtükhen.

KAHBHAO 13:15

Nüngi eepü kahdok kemei ngei nüng hatü nüngei lihilathü kü den shing shuohhen.

MENVIH KESHO 73:24

Nüngi nyuhpüvenpai ngei kü lem münyeih, hatü dohpülei nüngi ngei dhüm kohshi yahhen.

MENVIH KESHO 32:8

Ngei nüng kü daihen lem huhen hatü nyuhphahen; ngei nüng kü veishi shahnying meipü ephahen.

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

SHAKEI VAMPÜ 11:13

Ha vangpan mü pedi longpü hük vük, hatü chingnyü phaihan an kü phaihan hük dodai; shennyak haja nyet thahshi hapa pedi vükpü kü mah, hatü aopüthüi nyemei vangsho Kahvang kü müknyinshekhang shuoh.

HEBREW 11:9

Hinglempai büpai kung kahdokei yenpa hük keiha hapa lahpü kahdokei bükhishem veyei nyu; büpa Isak hi Jakob nyi mü ashakshemei nyu, hatü jijinyiyao aihük lahpü Kahvang leipü dang.

PHONGSHANTHÜ DOU 7:5

Büpai büpa kü lakham hükao hapa kahdok mükjüp vaishi kungei neshuoh, shejao hapayü büpa kü hatü hahepak kü hapeü nenyujao büpa pheikü büpalei hühihathü kü jomei lompü vaihen shuohhen shei lahpeih.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

MENVIH KESHO 103:20

Shembüpa kü moihimantuh, Oh am vangsho phongshanthü, am wong kohpü büpai kangpü dou dükpüthü, büpai epü shah ven danpüthü.

JOSHUA 1:6

Nüng wong kohtuh, monglongtuh; mehenangkü ngei jom kü shuohhen shei jomei chebü chepa kü lahpü kahdokei nüngi jom müei daihen.

SHAHKÜP 34:4

Hahepak kü Shembüpai büpa kü, “Hapayü ngei Abraham, Isak hatü Jakob hathü kü ngei ammei hühihathü kü shuohhen shei lahpü kahdok nyüke. Ngei nüng kü ha huphünyeih, shejao nüng halei nepeiaokhen” shei eshuohteke.

SHAHKÜP 1:8

Veituh, hapa kahdokü ngei am kü shuohtepih. Ammei bühipa Abraham, Isak hatü Jakob hatü jomei hühihathü kü Shembüpai shuohhen shei lahpü kahdokei shüei hapa yahtuh’ ” shei eteke.

BHEI-IE 32:11

Mehenangkü jomi mong kempai ngei kü hingshangi nenyupü nangkü Ijip leipü vamei daipü baha bong kukha, hatü ha dok kübü üpayao ngei Abraham, Isak hatü Jakob kü lahpü kahdokei neshüaokhen.

BHEI-IE 14:30

üpayao Jephunnehlei cheha Kaleb hatü Nunei cheha Joshua nyi mü lenei ngei am kü chingyah kahshenei bükhishem lingei anghen shei lahpü kahdokei neshüaokhen.

BHEI-IE 14:16

Shembüpai jom kü shuohhen shei lahpü kahdokei müei nedaiaokpü nangkü büpai laophülei nanglakthü jahpanei jütükkempü khih shei eteihen.

MÜLANGPÜ 13:5

Mechem Shembüpai am Kanan, Hit, Amor, Hiv, hatü Jebus amei kahdok, amma hatü nyahjiü yenpü kahdok, mepa ammei bühipa kü shuohhen shei büpai lahpa, hapa kahdokei leishingkü ammi hapa shongpü len kü ha mo motuh.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

JONAH 1:9

Jonah-i, “Ngeiyü Hebrew am hih” shei jangei e. “Ngei Shembüpa, vangsho Kahvang, üpai yungching hatü kahdoknyü ling, büpa kü khümnyüpeih” shei jangei e.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

SHAHPHENBÜTHÜ 2:1

Shaang Shembüpalei phongshan Gilgal kübü Bokhimei aong, hatü Israel am kü, “Ngei am Ijip leipü müei daiyei ngei ammei bühipathü kü lahpü kahdokei peipeih. ‘Ngei am mü vangpüshuwpü nemangpih’ shei etepih.

KAHBHAO 16:7

Shembüpalei phongshan hük jahpanei yunglok hük yopailei Hagar heüteke; hapayü Shurlei heihpü lemhaoei shiüteke.

KAHBHAO 21:17

Kahvangi naü theppü dan, hatü vangsho phongshani vangsho leipü Hagar kü nyüktü pinnyü kü, “Hagar, nüng mehekei mongshangnya? Nüng tenyem; mehenangkü naü nyupü shing leipü naüei ngeü Kahvangi danteke.

KAHBHAO 22:11

Shejao vangsho leipü Shembüpalei phongshani büpa kü, “Abraham, Abraham” shei nyük. Büpai, “Ngei hammü nyüpeih” shei e.

KAHBHAO 24:3

hatü Shembüpa, vangsho hatü kahdoknyü shak kü Kahvangei men kü ngelei hapeü shing shaang chemi nyupü Kanan lapeü yiük neyahpih,

KAHBHAO 24:40

Büpai ngei kü, ‘Ngelei hapeü shing nyüha hük ngelei mükhiphang hatü opalei shem am kübü danghen shingvaishi ngei ven danei kampü Shembüpai büpalei vangsho phongshan nüng mü shomhen, hatü nüngei yendai aokpü danghen.

BHEI-IE 11:12

Ngei jom neling, nevaijü nebüh. Mehekei nüngi ngei kü kainaipü nyüi aküngnaüha lakei paümtü daipükei nüngi chebü chepa am kü lahpü kahdokei ngei jomphong poh-ei daihenang?

JOSHUA 24:3

Shejao ngei ammei pa Abraham hapa kahdok yungdang leipü yahei Kanan kahdokei müei leiyei büpa kü hühihathü longi shuohpeih. Ngei büpa kü Isak;

MENVIH KESHO 136:26

Oh vangsho Kahvang kü menvih shuohtuh, büpa bampü den kü nyunyeih.