KAHBHAO 24:15 - DAÜLANGPÜ LAIHING (BSI)

¹⁵ Büpa phopei kemshekü bhagchongei yungdük chantü Rebekah heih. Pinnyü-ü Abrahamei chenaü Nahor hi chenyüha Milkah nyilei cheha Bethuelei yiükha nyu.

KAHBHAO 24:15 Referans Kwoze

KAHBHAO 11:29

Abram hi Nahor nyi-i nyüha yah; Abramei nyühayü Sarai, hatü Nahorlei nyühayü Milkah nyu. Pinnyü-ü Milkah hi Iskah nyilei chepa Haranei yiükha nyu.

ISAIAH 65:24

Jomi nyükshekü ngei janghen, jomi mang-e shekü ngei danhen.

KAHBHAO 24:45

Ngei ngelei mongei phoppü kemshekü bhagchongei yungdük chantü Rebekah heihküpeih. Pinnyü yungkukei heih-ei yung shoei aongkei-i pinnyü kü, ‘Yung yahshih’ shei eshuohpeih.

ISAIAH 58:9

Hahepak kü ammi nyükhen, hatü Shembüpai janghen; Ammi sheühshih shei lenhen, büpai, “Ngei hamü nyüpeih” shei ephahen. Ammi am shüveiteipü, ammi mih kü lakjaangi jüpü, hatü nemeipü peü dohdaijema,

MENVIH KESHO 65:2

Oh phoppü kü jangpeyü nüng, nüng touei nanglak peü peikahen.

MENVIH KESHO 34:15

Shembüpalei mük daülangpüthü kü veishi nyüke, hatü jomi lenpü kü büpalei dhaong shaangshi nyüke.

MÜLANGPÜ 2:16

Midian am ngongpalei yiükhathü jom nyet nyu. Jomi chepalei mithü kü yinghen yung shonüng yungkukei heih.

RUTH 2:17

Hanangkü Ruth-i om dhüshi hahdhei thaiyei nyu. Hapheikü pinnyüi hapa barley hah tenshingkü dok an hükshing nyuteke.

RUTH 2:2

Nyih hük Moab am Ruth-i Naomi kü, “Üami ngei kü shinshangei deihphahenshang ngei jomei kahlei shaei hahdhei yemei aongküpeih” shei e. Naomi-i pinnyü kü, “Lamei, shatuh” shei e.

KAHBHAO 29:9

Mechem Jakobi hathü mü shah eteiyei nyupa, Racheli mithü mütü pei; mehenangkü pinnyüao mi yombü nyuteke.

KAHBHAO 24:24

Pinnyüi, “Ngeiyü Nahor hi Milkah nyilei hapeü Bethuelei yiükha hih” shei e.

KAHBHAO 11:27

Hathüyü Terahlei hühihathü: Terah-ü Abram, Nahor hatü Haran hathülei chepa nyu, hatü Haranü Lotei chepa nyu.

KANDOK 31:27

Pinnyüi düngei shemong dousho kü veinyüke, hatü nehet hahying nehahnyu.

KAHBHAO 21:14

Nepphei lomi Abrahami hahying hanei hatü yinghen yung yah-ei Hagar kü bhagchongei chanhütü cheha jiji deitük. Pinnyü daiyei Beersheba jahpanei paüeiyonei longtei.

KAHBHAO 24:14

Ngei üpa nela kü, ‘Chingmeilemlingei ngei yung yinghen nüngei yungshong yahshih’ shei ehen, hatü üpai ngei kü, ‘Yingtuh, hatü ngei nüngei utthü kao yung yinghen hih’ shei ephahenshang, hapa nelayü nüngi nüngei chongphobü Isak shing jepü vaihütuh. Hapai nüngi ngelei shembü kü bampü huteke shei ngei nyinghen” shei phop.

KAHBHAO 25:20

hatü Isak bong pinyi nyushi Paddan-Aram leipü Aram am Bethuelei yiükha, Labanei chenaü Rebekah mü shem yem.

1 SAMUEL 9:11

Jiji-i hapa jila lemei vien kü bakei aongjashingkü jiji-i nelathü hanei yung shonüng yiüpü heüei, “Veibü halei nyüla?” shei phe.

KAHBHAO 29:5

Büpai jomphong kü, “Amphongi Nahorlei chehü Laban nyingnyüla?” shei phe. Hathüi, “Nyingnyeih” shei e.