KAHBHAO 23:9 - DAÜLANGPÜ LAIHING (BSI)

⁹ büpalei Makhpelah yaongdung nyemyuphanüng etükütuh; hapayü büpalei kah philei nyüke. Am nyushi-üng büpai ngei kü mahngchong vaihen lop shuohhen nyemyupha” shei e.

KAHBHAO 23:9 Referans Kwoze

ROM SHAHSHA APPÜ 13:8

Hüki hük mü bamteihen mü lenei üpa kao meheyao hang sheshi tenyu; mehenangkü üpai mih kü bam shahkungnyü jiühüteke.

ROM SHAHSHA APPÜ 12:17

Nüngi üpa kao ten kü ten jeiyei teshuoh, shejao peü touei mepa jiüpa, ha dükhen kentuh.

KAHBHAO 23:4

“Ngeiyü benha hatü yenpa hük am mü nyunyüpeih. Ngei mahng vühen shingvaishi mahngchong vaihen kahdok maani yushih” shei e.

KAHBHAO 23:8

Büpai jomphong kü, “Ammi ngei kü mahng nyemvü shei deihjema, ngei epü bangkütuh, hatü ngelei men kü ammiyao Zoharlei cheha Ephron kü,

KAHBHAO 23:10

Hit am mü Ephronao uoshi nyu, hatü büpai chingnyü penyüsha touei peiyei nyupü Hit am peüi danshi Abraham kü hapakei jangei e.

KAHBHAO 25:10

Hapa kah-ü Abrahami Hit am leipü shak. Halei Abrahamao chenyüha Sarah mü mahng vü.

KAHBHAO 49:29

Hapheikü büpai jomphong kü hapa shah eteke: Sheyü ngei diyei opa am mü nyudaihen ngoikünyüke. Ngeiyü Hit am Ephronei kah leipü yaongdung,

KAHBHAO 50:13

Jomi chepa Kanan kahdokei yah-ei anei Makhpelah kah leipü yaongsha, Mamre yopailei Abrahami mahngchong vaihen Hit am Ephron leipü shakpü kahlei mahng vüphong.

1 SHÜPPÜKENGPÜ 21:22

Davidi büpa kü, “Nanglakthü kü cham ngoipü dohhen shingvaishi ngei Shembüpa kü moidü hük vekününg nüngei hahten shing lop kü yushih” shei e.

1 SHÜPPÜKENGPÜ 21:24

Shejao David ongpai Araunah kü, “Hei nevai, lop kü yahshih shei e. Ngei nüngei dou yah-ei Shembüpa kü shuohhen neyahpih, nevaijü moila neshuohpih” shei e.