KAHBHAO 22:9 - DAÜLANGPÜ LAIHING (BSI)

⁹ Mechem Kahvangi hupü shingei jiji ngoipa, Abrahami halei moidü hük lingtü pü ai jiüei bhaongei haü. Büpai cheha Isak kü shatü moidülei pübhaong shangkü haüteke.

KAHBHAO 22:9 Referans Kwoze

JAKOB 2:21

Jenei bü Abrahami cheha Isak moidülei jakpü moila shuohshingkü büpa dou homei dahshakpü nevaipü je?

1 PETER 2:24

Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

PHONGSHANTHÜ DOU 8:32

Shaang büpai ieyei nyupü laiyü ha shüpü khih: “Mi keiha büpa jüshingei müei dai, mimum jappü am touei miha hük nenpü keiha, büpai laophülei ju ne-ap.

MARK 15:1

Dhom mü lomi ngongpathüi behethü hatü shahkung nyuhbüthü hatü shahtapei nyupüthü mü shah shetteke. Jomi Jisu yepei shatü müei daiyei Pilat kü lanei shuoh.

MATHI 27:2

Jomi büpa shatü müei deiyei Pilat governor kü shuoh.

MENVIH KESHO 118:27

Shembüpayü Kahvang, büpai jen kü vangngai shuohteke. Phenhavunglak bhagei notü mohitap pangei moidü shinei daituh.

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

KAHBHAO 8:20

Hapheikü Noah-i Shembüpa kü moidü hük ling, hatü daülangpü yemhimak hatü ou hanei yah-ei halei jakpü moila shuoh.

KAHBHAO 12:8

Hapheikü büpa shao daiyei Bethel kü heongphi lemei ashakshem ve; Bethel heshü philei hatü Ai heong philei nyuteke. Hatouei büpai Shembüpa kü moidü hük lingtü Shembüpa kü khümteke.

KAHBHAO 13:18

Hanangkü Abrami büpalei baümtap chaiyei daiyei Hebron Mamre leipü kahdok longkham püchongei nyu, hatü halei büpai Shembüpa kü moidü hük ling.

KAHBHAO 22:8

Abrahami, “Hapeü, Kahvang, büpai-üng jakpü moila shuohhen mi yahphahen hih” shei e. Hanangkü jiji nedoh-i kamei dai.

KAHBHAO 22:10

Hahepak kü Abrahami büpalei longkhoih yahei ngai, hatü cheha jühen yaong.

1 ONGPATHÜ 18:33

Büpai pü daong, hatü ha shangkü mohohbaong khih mü dehtü haü. Hapheikü büpai jomphong kü, “Düknyü longpü ali kü yung maei shihtuh, hatü ha yah-ei moila hatü püdaong kü langeishuoh” shei e.