KAHBHAO 22:17 - DAÜLANGPÜ LAIHING (BSI)

¹⁷ ngei nüng kü moihimanhen, hatü nüngei lihila vangsho lithathü kei hatü yungching bhihhiphang kei daeisheyei leihühen. Nüngi ngelei shah bangpü nangkü nüngei hühihathüi vepathülei chingnyüthü kaamlanghen,

KAHBHAO 22:17 Referans Kwoze

KAHBHAO 15:5

Büpai büpa kü chingshelei ngaiyei, “Vangsholei ngangei veituh, hatü nüngi ieaokülashang lithathü ietuh” shei e. Hapheikü büpai, “Hapa keiha nüngei hühihathü nyuhen” shei e.

JEREMIAH 33:22

Ngei ngelei chongphobü David hatü ngei chongphopü Levi am vangsho lithathü kei hatü yungching bhihhiphang kei ne-ieaoki leihühen.

KAHBHAO 13:16

Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen.

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 24:60

hatü jomi Rebekah kü moihimanei eteke: “Hamei lamei, nüngi haja dok kü haja dahütuh; Nüngei li-i vepathülei chingnyüthü neütuh.”

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

EPHESIA 1:3

Jen kü vangsho nyuichingei Khrista kü lemphü laangha moihiman shuohpü Kahvang hatü Shembüpa Jisu Khristalei Pa men longtuh.

SHAHKÜP 1:10

Shembüpa, ammei bühipa amei Kahvangi amphongü vangsho lithathü kei dahüpü khih.

KAHBHAO 32:12

Shejao nüngi, ‘Ngei nüng dahüshehühen, hatü nüngei hühihathü ienüng neaoki yungching bhihhiphang keiha leihühen shei epeih’ shei büpai phop.”

1 KORINT 15:57

Shejao jenei Shembüpa, Jisu Khrista homei jen kü aokpü shuohpü Kahvangei men longtuh.

JEREMIAH 32:22

Nüngi chebü chepa kü amma hatü nyahjiü mon yenpü kahdok shuohpeih.

MIKA 1:9

Mehenangkü pinnyülei ma nemeiaokhen mü nyüke, hatü hapa aihük mü Judah amao hanghihen nyüke. Hapa hanghi ngelei nanglakthü nyupü Jerusalem penyü shaden ngoiteke.

1 ONGPATHÜ 9:26

Solomon ongpai Ezion Geberlei Edom kahdok Elath yopailei Hakla Yungching yungkungei jahas ling.

SHAHKÜP 21:19

chenyü chepai büpa yepei jomei jila kübü penyüsha touei mübüthü touei müei deihen, hatü dokhühen.

KAHBHAO 28:3

“Jeiyong Kahvangi nüng kü moihimanhen, nanglak longi dahühen, hatü nanglak khongnyü longpü leihühen.

KAHBHAO 17:6

Ngei nüngei li longi dahühen; ngei nüng kübü jat longi linghen, hatü nüng kübü ongthü vamhen.

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

ROM SHAHSHA APPÜ 4:13

Mehenangkü büpai kahdoknyü mükjüp danghen shei lahpeyü Abraham kü nevaijü büpalei hühihathü kü shahkung homei nepei, shejao hinglempü daülangshemshepü homei pei.

ROM SHAHSHA APPÜ 9:27

Israel am nangkü Isaiah-i hapakei lennyüke: “Israel nanglak yungching bhihhiphang kei nyujao aopüthü mon yanglanghen.

HEBREW 6:14

“Hingmei ngei nüng kü moihimanhen hatü nüngei hühiha dahühen” shei eteke,

HEBREW 11:12

Hanangkü shennyak hük dipü lanei nyudaipü kübü vangsho lithathü kei hatü yungching bhihhiphang kei hühihathü bühteke.

KAHBHAO 25:11

Abraham dipheikü Kahvangi Isak kü moihiman; büpa hahepak kü Beerlahai-roi shei epü shingei nyu.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 28:4

Büpai nüng hatü nüngei hühiha kü Abrahamei moihiman shuohhen; nüngi shaang benha vaishi nyupü Abraham kü Kahvangi shuohpü ha kahdok nüngei vailanghen” shei e.

SHAHKÜP 10:22

Ammei bühipa Ijip kahdokei pejempüan mon yiüteke, shejao Shembüpa, ammei Kahvangi amphong vangsho lithilen kei dahüteke.

SHAHKÜP 13:17

Hapakei eelatükpü douthü ammei shemei tetuh; shejüang Shembüpai mongshihpü meidaihen; büpai ammei bühipathü kü lahpü keiha am kü phahji, yahyang shinshang huphahen hatü am nanglak longi dahühen;

1 SHÜPPÜKENGPÜ 27:23

Davidi bong kukha hatü ha phang kübü shennyakthü ne-ie; mehenangkü Shembüpai Israel amü vangsho lithilen kei dahühen shei lahteke.

2 SHÜPPÜKENGPÜ 1:9

Oh Shembüpa Kahvang, ngelei opa David kü nüngi lahpü jiühütuh; mehenangkü nüngi ngei molo bhihhiphang kei nyupü nanglak shak kü ngei ong vaihüteke.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

KAHBHAO 32:13

Büpai ha ya halei paüm, hatü büpai angpü kübü büpai chejei Esau kü thintho shuohhen jeteke;

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

SHAHKÜP 1:11

Shembüpa, ambü ampalei Kahvangi shao haja haja nyemdahü hatü büpai lahpükei am kü moihiman nyemshuoh!

SHAHKÜP 13:18

mehenangkü hayü Shembüpa, ammei Kahvangei ven danei ngei shinnyih am kü shuohpü shahkungnyüthü ven bangei büpa touei jiüpü dükjü mon danghen.

2 SAMUEL 17:11

“Shejao nüng kü ekahen shahnyingü ha hih: Dan kübü Beer-sheba thahshi yungching bhihhiphang keiha Israel am aokpü thahshi nüng touei thaihütuh, hatü nüngao omshi hoknüng daituh.

1 ONGPATHÜ 4:20

Judah hatü Israel nanglakthüyü yungching bhihhiphang kei nyu; jomi hahtü yingtü mongongshi nyu.

NEHEMIAH 9:23

Nüngi jomei lihilathü vangsho lithathü kei dahü, hatü nüngi chebü chepa kü shuohhen epü kahdokei peiyei kaamei yahhü.

ISAIAH 48:19

Ammei hühihathü molo bhihhiphang kei; ammei hapeüthü ienüng neaokpü shokuk melaü kei nyuhah shepeih; Jomei men nekatihen nevaijü jom ngei toueipü nemahtükhen vaipeih.”

HOSEA 2:1

Hanangkü jempü Israel am kü “Kahvangei nanglakthü” hatü “Shembüpai bampüthü” shei nyüktuh.