KAHBHAO 22:13 - DAÜLANGPÜ LAIHING (BSI)

¹³ Abrahami yaakei veishuohjü mi baongha hük phenha kü vaungi mantü ee. Abrahami heih-ei hapa mi yah-ei cheha nangjei jakpü moila shuoh.

KAHBHAO 22:13 Referans Kwoze

1 KORINT 10:13

Peüi nepongbenüng dokpai am kü nedokangpih. Kahvangü hingshangpü, hatü ammi nedhangaokhen mü büpai am kü nedokhüpih, shejao ammi ha munenaokhen shingvaishi büpai hapa dokpü mü yanglemao yahphahen.

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

KAHBHAO 22:8

Abrahami, “Hapeü, Kahvang, büpai-üng jakpü moila shuohhen mi yahphahen hih” shei e. Hanangkü jiji nedoh-i kamei dai.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

KAHBHAO 22:14

Hanangkü Abrahami hapa shing kü, “Shembüpai shuohnyüpeih” shei men, hatü shinnyih thahshi, “Shembüpai kahshangei shuohnyeih” shei enyüke.