KAHBHAO 22:12 - DAÜLANGPÜ LAIHING (BSI)

¹² Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

KAHBHAO 22:12 Referans Kwoze

JAKOB 2:18

Shejao hanei ami, “Nüng kü vaipü nyüke hatü ngei kü dou nyüpeih” shei ehen. Nüngi dou neomi ngei kü nüngi vaipü hushih, hatü ngei ngelei doui nüng kü ngei vaipü huphüshah.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

1 KORINT 10:13

Peüi nepongbenüng dokpai am kü nedokangpih. Kahvangü hingshangpü, hatü ammi nedhangaokhen mü büpai am kü nedokhüpih, shejao ammi ha munenaokhen shingvaishi büpai hapa dokpü mü yanglemao yahphahen.

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

KAHBHAO 26:5

Mehenangkü Abrahami ngelei ven dan, ngei yüpü peü dük, ngelei shahkung, ngelei vanglem kemei ven bangei dükpeih” shei e.

KAHBHAO 22:2

Büpai, “Nüngei halom Isak nüngi bampü ha müei Moriah kahdokei daituh, hatü ngei nüng kü huphahen kahshang hükei büpa jüei jakpü moila shuohtuh” shei e.

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

MENVIH KESHO 147:11

shejao büpa kü nyempüthü kü, büpa bampü kü monglempüthü kü Shembüpai mongongnyeih.

MENVIH KESHO 25:12

Shejema, Shembüpa kü nyempü shennyakü üpaang? Büpa daihen lem kü büpai büpa kü nyuhhen.

ROM SHAHSHA APPÜ 5:8

Shejao Kahvangi bampü jen kü büpai hupeyü jen nedoh-i mang kü nyushi Khrista jen shingvaishi dipeih.

2 KORINT 8:12

Mehenangkü shuohhüpü mong nyuphei keyü laophüi ne-angpü ai nevai, shejao angpü aimü thintho yahnyüpeih.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

KANDOK 1:7

Shembüpa nyempeyü nyingpühingpü chongpangpü; shejao ngapai kihikon, hatü nyuhpüvenpü yaktüknyeih.

MENVIH KESHO 25:14

Shembüpai büpa kü nyempüthü kü shahmong ngaiyei enyeih. Shembüpai laophülei vangpüshuwpü nyinghünyeih.

MÜLANGPÜ 20:20

Mosai nanglakthü kü, “Am tenyem, Kahvangi am dokhen shingvaishi mon yüpü khih, hajü mon ammi büpalei ven bangei nyuhen hatü mang nethahhen” shei eteke.

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

JEREMIAH 19:5

Jomi Baal kahvang kü laophülei hapeü aw kü jakei moila shuohhen shingvaishi Baal kahvangei vaümchongthü lingteke; ngei mechemao jom kü eyei nenyu, nevaijü ngelei mong kü deihshi nenyuangpih.

JOB SHAHSHA APPÜ 28:28

Hatü hangku kü büpai, “Shembüpa nyempeyü kihikon, hatü ten kübü yangpeyü danaokpü” shei eteke.

NEHEMIAH 5:15

Ngei shekü nyupü governorthüi nanglakthü kü hanggovih longi kohü, hatü jom leipü hahying hatü yiü yah, hatü ha mü lenei nyih kü ngin pha pinyi yahhamteke. Jomei chongphobüthüi dangkao nanglakthü kü shüveihampeih. Shejao ngeiyü Kahvang kü nyempai hapakei nedükangpih.

KAHBHAO 20:11

Abrahami, “Hapa shingei Kahvang kü nyempü lanshei neshiü; ngelei nyüha tata kü ngei jüphahen khih shei deihpü nangkü ha dükpeih.

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

MENVIH KESHO 111:10

Shembüpa nyempeyü kihikon chongpangpü; ha noteipüthü peü kü danaokpü meipü nyüke. Büpa menvihpü den kü nyunyeih.

MENVIH KESHO 2:11

Nyempai Shembüpa chongphotuh, hatü mongongpai kheütuh.

MENVIH KESHO 1:6

Mehenangkü Shembüpai daülangpüthülei lem kü veishi nyunyeih, shejao nemeipüthülei lemü mahdaihen.

JOB SHAHSHA APPÜ 5:19

Büpai nüng vongshüh vok kübü yangphahen; nyetpabü kü mehe vongshüh-ao nüng kü nehongpih.

HEBREW 11:19

Kahvangi hanei am didaipü kübüao yangei leiaokhen shei Abrahami hinglem, hatü hingmei büpai Isak dipü lanei nyokei dang.

KAHBHAO 42:18

Nyih jempabü kü Joseph-i jomphong kü, “Ha düktuh, hatü am yemmü nyuhen; mehenangkü ngei Kahvang kü nyemnyeih:

SHAKEI VAMPÜ 19:5

Hahepak kü ong uoshing leipü ngeü hük vamei hapakei e: “Jenei Kahvang vihtuh, amphong büpa chongphopüthü peü, hatü büpa kü nyempü longpü maanpü peü.”

KAHBHAO 22:13

Abrahami yaakei veishuohjü mi baongha hük phenha kü vaungi mantü ee. Abrahami heih-ei hapa mi yah-ei cheha nangjei jakpü moila shuoh.

KAHBHAO 22:16

“Ngei, ngei nyingi lahtepih shei Shembüpai enyüke: Nüngi nüngei halom dangkao shümei nedoh-i ha dükpü nangkü,

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.