KAHBHAO 21:22 - DAÜLANGPÜ LAIHING (BSI)

²² Hahepak kü Abimelekh-i büpalei veshan mübü Phikol mü heih-ei Abraham kü, “Kahvangü nüng hatü nüngi dükpü lemphü mü nyüke.

KAHBHAO 21:22 Referans Kwoze

KAHBHAO 26:26

Nyuyang kü Abimelekh-i büpa mü chudeih kü sheühteipü Ahuzzath hatü veshan mübü Phikol nyi mütü Gerar leipü büpa touei heihteke.

JOSHUA 3:7

Shembüpai Joshua kü, “Ngei Mosa mü nyupükei nüng mao nyunyu khih shei nyinghen shingvaishi shinnyih ngei nanglakthüi eeshi nüng shangei longei anshihhen.

KAHBHAO 26:28

Jomphongi büpa kü, “Shembüpa nüng mü nyüke shei hami veiaoknyüke; hanangkü jen aa kü vangteipü nyushah; hami nüng mü vangteishuwteipü lingshah,

KAHBHAO 20:2

Abrahami chenyüha Sarah kü, “Pinnyü-ü ngelei naüpeü hih” shei ehamteke. Hanangkü Gerar leipü Abimelekh ongpai mühen shennyak shomei Sarah yah.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

1 KORINT 14:25

hatü büpalei mongdangei joshi nyupü peü shakei nyingdaihen. Hanangkü büpa aümei shatü, “Hingmei, Kahvangü am khong mü nyüke” shei eyei Kahvang kü khümhen.

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

ZEKHARIAH 8:23

Jeiyong Shembüpai hapakei enyüke: “Hapa nyihhihe kü shahlem hatü jat laolao kübü shennyak an peiyei Jehoda amei shennyak hükei ashakjung kü shongtü, ‘Hamphongao nüng mü daiküshah; mehenangkü Kahvangü am mü nyüke shei hami danpeih’ shei ehen.”

ISAIAH 45:14

Shembüpai hapakei enyüke: Ijip amei mophimo hatü Kush amei dounyünangbathü peü; hatü bümhishao meipü Sabea am amphong touei peikahen hatü ammei vaihen; Jom am phei mükahen; jom nyiamvüi shatü am kü aümei khümhen. Jomi am kü khümei, “Kahvangü am mü mon nyüke, lebü mü neshiü; büpa mü lenei lebü Kahvang neshiü” shei ehen.

2 SHÜPPÜKENGPÜ 1:1

David ongpalei cheha Solomoni Israel ongching wong kohshi ling; Shembüpa, büpalei Kahvang büpa mü nyu hatü büpa ahshi-üng longpü leihüteke.

KAHBHAO 30:27

Shejao Labani büpa kü, “Nüngi ngei kü bamei deihjema, haleiüng chongkütuh. Nüng nyupü nangkü Kahvangi ngei kü moihimanpü khih shei phongyompai nyingteke” shei e.

KAHBHAO 20:17

Hapheikü Abrahami Kahvang kü phop, hatü Kahvangi Abimelekh, chenyüha hatü nyüha aathü peü hapeü anghen mü meitükshuoh;

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 20:14

Hapheikü Abimelekh-i mi, mohoh hatü nyüha, baha aathü deiyei Abraham kü shuoh, hatü chenyüha Sarah büpa kü nyokei shuoh.

KAHBHAO 31:5

hatü jiji kü, “Sheleipükei ampai ngei kü bamei nenonyu shei ngei nyingteke, shejao opalei Kahvang payü ngei mü nyüpeih.

1 SAMUEL 3:19

Samuel long hatü Shembüpa büpa mü nyu hatü büpalei shah hükao kahdokei nevüshih.

2 SAMUEL 24:7

hatü Tyre amei penyüsha hatü Hiv hatü Kanan amei chingnyüthü peüei pei, hatü jomi Judah pehephi Beer-shebalei shomei pei.

1 SAMUEL 24:22

Hanangkü Davidi Saul kü vangei eteke. Hapheikü Saulü shemei leidai, shejao David hatü büpalei shennyakthü joshingei leidai.