KAHBHAO 21:20 - DAÜLANGPÜ LAIHING (BSI)

²⁰ Ha naü longyaki Kahvang hapa naü mü nyu, hatü büpa Paran jahpanei nyu, hatü sikari shennyak meipü leiteke.

KAHBHAO 21:20 Referans Kwoze

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 39:21

Shejao Shembüpa Joseph mü nyu, hatü büpa bampü hu; büpai khoklat yompü veshan longpübai büpa kü bamhen peihü.

KAHBHAO 16:12

Anhayü phaü gadu kei nyuhen; büpai mih peü khüei yaonghen, hatü peüi büpa khüei yaonghen, hatü büpayü büpalei jeihinaü peü mü ve vaiyei nyuhen.”

LUK SHAHSHA APPÜ 1:80

Naü long, hatü laangha kü wong koh, hatü Israel kü shakei vamei huhen nyih mangngoi thahshi büpa jahpanei nyu.

SHAHPHENBÜTHÜ 6:12

Shembüpalei phongshan büpa touei peiyei, “Wongkoh monglongpü hampa, Shembüpa nüng mü nyüke” shei e.

KAHBHAO 25:27

Naü nyi nethe lei, hatü Esau-ü phaühihao kü daiyei sikari shennyak meipü lei, shejao Jakobü nenmü shemei nyuhamteke.

KAHBHAO 17:20

Ishmael shingvaishi nüngi phepü ngei danphei: Hingmei ngei büpa kü moihimanhen; ngei büpa kü hapeü longi shuoh-ei hühihathü dahühen. Büpayü ong anpünyilei pa vaihen, hatü ngei büpayü jat longpü hük leihühen.

KAHBHAO 10:9

Büpayü Shembüpai sheühpü homei wong kohpü hampa lei. Hanangkü, “Wong kohpü hampa Nimrod kei khih” shei ehamteke.

KAHBHAO 27:3

Hanangkü pülah, lahhan yah-ei phaülei shaei mei jüei aongkei,

LUK SHAHSHA APPÜ 2:40

Ha naü long, hatü wong koh-ei kihikoni maei nyu, hatü Kahvang phahji büpa kü nyu.