KAHBHAO 21:17 - DAÜLANGPÜ LAIHING (BSI)

¹⁷ Kahvangi naü theppü dan, hatü vangsho phongshani vangsho leipü Hagar kü nyüktü pinnyü kü, “Hagar, nüng mehekei mongshangnya? Nüng tenyem; mehenangkü naü nyupü shing leipü naüei ngeü Kahvangi danteke.

KAHBHAO 21:17 Referans Kwoze

KAHBHAO 16:11

Shembüpalei phongshani shao pinnyü kü eteke: “Nüng sheyü hapeü nyüke, hatü yeshang hük bühhen. Nüngi büpa kü Ishmael shei menhen; Mehenangkü Shembüpai nüngei mongshang nyingteke.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

MÜLANGPÜ 3:7

Hahepak kü Shembüpai, “Ijip kahdokei nyupü ngelei nanglakthü ponghahpü ngei eeteke; dou kü hienbüthüi shüveipü nangkü lenpüwongpü ngei danteke. Ngei jom ponghahpü nyingteke,

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

MARK 5:36

Shejao Jisui jomi epü kü nebangi hapa Sinagog mübü kü, “Tenyem, hing mon lemtuh” shei e.

MATHI 15:32

Hapheikü Jisui büpalei nanglomthü büpa touei nyükei deitü hathü kü, “Ngei khongnyü kü mongnemei-i deihnyüke; mehenangkü jomphong shaangpai ngei mü nyih jem lomteke, shejao hahhen meheyao neshiü; ngei hathü aeidaitü neleishihhüang; mehenangkü jom lemei lakmeilayunghen khih” shei e.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 22:1

Hapayü Manghkhang Kahji nangkü epü shah: Am peü shem adokei aongei nyuhen mü mehe shanghah pongpa?

MENVIH KESHO 65:2

Oh phoppü kü jangpeyü nüng, nüng touei nanglak peü peikahen.

2 ONGPATHÜ 13:23

Shejao Shembüpai jom kü phahjiei deih; mehenangkü büpai Abraham, Isak hatü Jakob mü vangteishuwteipü nangkü jom kü yahyang shinshang hu. Shinnyih thahshi büpai jom nemahtük nevaijü büpa toueipü nechangtük.

2 ONGPATHÜ 13:4

Hahepak kü Jehoahaz-i Shembüpa kü phop, hatü Shembüpai Israel am kü Aram ongpai shüveipü eetü hapa phoppü kü jangteke.

1 SAMUEL 11:5

Shaang-üng Saul kah lingei nyupü mohoh müei leiyaki büpai, “Nanglakthü hapakei thephen meyü mehe pongpa?” shei phe. Hahepak kü jomi büpa kü Jabesh ami mehe epa, ha jung ejateke.

SHAHPHENBÜTHÜ 18:23

Jomi Dan am kü lenyaki shajashingkü Dan am yaakei leiyei Mikah kü, “Hapakei khong mütü shakahen mü nüng meheang?” shei phe.

MÜLANGPÜ 22:27

mehenangkü büpa büm kü jümhahhen ashak hapa mon vaihen aok; hei nevaijema mepa ümei büpa shihen? Büpai ngei kü leneiwongjema, ngei büpa kü janghen; mehenangkü ngeiyü bampü nyüke.

MÜLANGPÜ 22:23

Ammi jom kü naamei nojema, hatü mechem jomi ngei kü lenhenshang, ngei jomi lenpü danhen,

MÜLANGPÜ 14:13

Mosai nanglakthü kü, “Am tenyemkei, wong kohshi yaongtuh, hatü shinnyih Shembüpai am yanghen mehe dükkahen veishi nyutuh; mehenangkü ammi shinnyih eepü Ijip am sheyü ne-eepih.

KAHBHAO 46:3

Hahepak kü büpai, “Ngeiyü Kahvang, ampa amei Kahvang. Nüng Ijiplei yiühen tenyem; mehenangkü ngei nüng jat longpü hük leihühen.

KAHBHAO 16:9

Hahepak kü Shembüpalei phongshani pinnyü kü, “Nüng pinnyü touei nyokei leituh hatü pinnyü phangkü nyutuh” shei e.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

KAHBHAO 16:7

Shembüpalei phongshan hük jahpanei yunglok hük yopailei Hagar heüteke; hapayü Shurlei heihpü lemhaoei shiüteke.

KAHBHAO 22:11

Shejao vangsho leipü Shembüpalei phongshani büpa kü, “Abraham, Abraham” shei nyük. Büpai, “Ngei hammü nyüpeih” shei e.

KAHBHAO 24:7

Shembüpa, vangsho Kahvang, üpai ngei opalei shem, ngelei kahmük kübü müei dai, hatü ngei kü lah-ei, “Nüngei hühiha kü ngei hapa kahdok shuohhen shei epa, ngelei hapeü shing nüngi nyüha danghen mü büpai büpalei vangsho phongshan nüng shekü shomkahen.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

MÜLANGPÜ 3:2

Halei Shembüpalei phongshan pünien kübü awlom kei büpa touei vamteke. Mosai pünien kü aw bahlangmao hapa pünien aw-i nehah-i ee.

SHAHKÜP 26:7

Hahepak kü hami Shembüpa, hamei bühipa Kahvang kü leneiwong, hatü Shembüpai hami nyükpü ngeü dan, hatü ham shangpong yakying kü nyiupünangpü hatü lomohpü eeteke.

MENVIH KESHO 6:8

Mang dükpüthü peü ngei toueipü lüdaikemtuh; mehenangkü Shembüpai ngei theppü danlangteke.

KAHBHAO 16:8

Büpai, “Sarailei aa lanyü Hagar, nüng meleipü peipa, hatü melei dainya?” shei phe. “Ngei ngelei shembülanyü Sarai toueipü paüei dainyüpeih” shei e.

MENVIH KESHO 10:14

Shejao Oh Kahvang, nüngi shanghah hatü mongshang nyingnyüke, hatü nüngi ha kü sheühhen temei nyüke; Neaoknethangpüthüi nüng kü lanei shuohnyüke; nüngü hashihhathü kü sheühnyeih.