KAHBHAO 20:9 - DAÜLANGPÜ LAIHING (BSI)

⁹ Hapheikü Abimelekh-i Abraham nyükei shütü büpa kü, “Nüngi ham kü mehe düknya? Ngei hatü ngelei ongching kü hajük longpü mang koei peihühen mü ngei nüng kü mehe shaiphopa? Nüngi ngei kü nedükhen dou dükteke” shei e.

KAHBHAO 20:9 Referans Kwoze

KAHBHAO 12:18

Hanangkü Pharaoh-i Abram kü nyükei, “Nüngi ngei kü mehe lingphopa?” shei e.

KAHBHAO 39:9

Hapa shem kü ngei mü longpü üpayao neshiü. Nüng mü lenei ngelei shembüi ngei kü neshuohpü meheyao neshiü; mehenangkü nüngü büpalei nyüha. Mehekei henüng keipü douten dükhen hatü Kahvang touei mang thahhen?” shei e.

KAHBHAO 26:10

Abimelekh-i, “Nüngi ham kü mehe lingphopa? Ngelei nanglak hanei-i anyüha mü shitü nyuhah shepü khih, hatü nüngi ham kü mang koei peihah shepü khih” shei e.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

ROM SHAHSHA APPÜ 2:11

Mehenangkü Kahvangi baong hanei nenonyih.

KANDOK 28:10

Üami daülangpüthü lemnyong lemei mühenshang, jomi laophüi shohahpü kahsha kü vühen; shejao eela neshiüpüthüi mükjüp meipü danghen.

2 SAMUEL 13:12

Pinnyüi, “Ojei, tah, ngei kü hapakei tenyeankei; mehenangkü henüng keipü dou Israel kü nedüknyih; nüngi henüng dou ten tedükkei.

2 SAMUEL 12:5

Davidi hapa shemmeipa kü mongshih, hatü Nathan kü, “Vanyangyem Shembüpalei men kü enyeih, hapakei dükpü shennyakü dihen shangei nyüke;

JOSHUA 7:25

Joshua-i, “Mehekei nüngi ham kü henüng shanghah koei peihüpa?” shei eteke. Shembüpai shinnyih nüng kü shanghah koei peikünyüke. Hahepak kü Israel am kempai Akhan hatü shem am kemei yaongi shükei jü, hatü aopü lemphüli aw kü jaktük.

LEVI 20:10

Shennyak hanei-i laophülei chingyowpalei nyüha mü mükbongjuyungjema, jijiphen jütükhen.

MÜLANGPÜ 32:35

Aaroni mohoh cheha lingei jomi ha kü khümpü nangkü Shembüpai nanglakthü kü cham shomei hanghihüteke.

MÜLANGPÜ 32:21

Mosai Aaron kü, “Nüngi hathü nanglakthü hajükjük longpü mang thahhen mü jomi nüng kü mehe lingphopa?” shei e.

KAHBHAO 38:24

Len jem hükshing angpheikü hanei ami Judah kü, “Nüngei hapeülei nyüha Tamar-ü büm yupü am kei dükpü khih, hatü shaang pinnyü büm nekongi nyüke” shei eshuohteke. Judah-i, “Pinnyü ngaiyei aw kü jaktüktuh” shei e.

KAHBHAO 34:7

hatü Jakobei chehathü kah leipü aongei nyu. Mechem jomphongi ha danpa, jomphong longi mongshang hatü mongshihteke, mehenangkü büpai nedükhen dou dükei Jakobei yiükha tentükpai Israel am kü ne-ienelem veüpong shuohteke.

KAHBHAO 20:8

Hanangkü nepnüng lomi Abimelekh-i büpalei lakchongbüthü nyükei mehe vampa ha peü büpai ejashingkü jom peüi nyem.

KAHBHAO 20:10

Abimelekh-i Abraham kü, “Nüngi hapa dükhen mü nüng kü mehe deihküpa?” shei phe.

KAHBHAO 29:25

Mechem shin paoei veipa, hapayü Leah vaidaitü nyu. Hanangkü Jakobi Laban kü, “Nüngi ngei kü mehe lingphopa? Ngeiyü Rachel yahhen nangkü nüng chongphopeih, vaila? Mehekei nüngi ngei kü lueilemnya?” shei e.