KAHBHAO 20:7 - DAÜLANGPÜ LAIHING (BSI)

⁷ Shaang nüngi hapa nyüha chepaha kü leiyeishuoh; mehenangkü büpayü thibü hük, hatü büpai nüng shing phopphahen hatü nüng meishi nyuhen. Shejao nüngi pinnyü neleishihjema, nüng hatü nüngei nanglak kemei dihen” shei e.

KAHBHAO 20:7 Referans Kwoze

JOB SHAHSHA APPÜ 42:8

Hanangkü shaang mohoh chebaong nyet, mi chebaongha nyet yah-ei ngei chongphopü Job touei heihtuh, hatü amphongi laophü shing moila shuohtuh, hatü ngelei chongphobü Jobi am shingvaishi phophen; mehenangkü ammei ngadou shangshi ngei nephahji-i nedükhen shingvaishi ngei ha moila yahhen; mehenangkü amphongi ngei chongphopü Jobi keiha ngei nang mehe jiü, ha ne-eang” shei e.

1 SAMUEL 7:5

Hapheikü Samueli, “Israel am kemei Mizpahlei thaikei, hatü ngei Shembüpa kü am shingvaishi phophen hih” shei e.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

2 SAMUEL 24:17

Mechem Davidi nanglakthü jütükpü vangsho phongshanthü eepa, büpai Shembüpa kü “Mang thahpü hatü pungpeyü ngei hih. Nanglakthüyü mi keiha mon. Jomi mehe nejiüpü dükpa? Ngei hatü ngelei shem am kü nüngi lak hingtuh” shei e.

1 SHÜPPÜKENGPÜ 16:22

“Ngei jepüthü kü laki tehong; ngelei thibüthü kü ten tedük.”

2 ONGPATHÜ 5:11

Shejao Naamani mongshih-ei, “Ngei touei büpa vamei yaongtü Shembüpa, büpalei Kahvang men kü nyüktü makaw kü büpalei laki dükei ngelei ngomdin meiphahen je shei deihpeih shei eyaki lüdai.

1 JOHAN 5:16

Ammi laophülei jeihinaü hatü nyahinaü dibenüng nevaipü mang thah-ei eejema, ammi phopeishuoh, hatü Kahvangi büpa kü yangnyu shuohhen. Dibenüng nevaipü mang nang ngei enyeih. Dibenüng mang nyüke, hatü henüng nangkü ammi phoptuh shei ngei ne-enyih.

HEBREW 1:1

Aivang den meyü Kahvangi jenei bühipathü kü lem longi hatü laolao kü thihivamthü homei ehamteke,

1 KORINT 14:4

Shahlem laolaoi epüthüyü laophü nying linghahnyeih, shejao chongvenpüthüi attoi lingnyeih.

EZEKIEL 33:8

Ngei mangthü kü, “Oh mang shennyak, nüng dihen khih” shei ejü nüngi büpalei lem kübü mong lepei leidaihen ne-eshuohjema, hapa mang shennyakü laophülei mang homei mahhen, shejao büpalei iy nüng kübü yühen.

EZEKIEL 3:18

Mechem ngei nemeipü shennyak hük kü, ‘Nüng hingmei dihen’ shei ehenshang büpalei yangnyu yanghen shingvaishi nüngi shahvüng neshuohjema nevaijü mang lem kübü yanhen ne-eshuohjema, hathüyü laophülei mang lat dihen shejao jomei iy nüng kübü yühen.”

JEREMIAH 27:18

Jom hingmeipü thibüthü vaijema, hatü Shembüpalei shah jom mü nyujema, Shembüpalei shem, Judah ongpalei shem hatü Jerusalemei aoei nyupü yungshongthü Babylonei yah-ei nedaihen mü jomi Jeiyong Shembüpa kü nyemphop.

JEREMIAH 15:1

Hahepak kü Shembüpai ngei kü eteke: “Hatoumü Mosa hi Samuel nyi ngei kü phopei yaongküpü paoh vailangmao, ngei henüng shennyakthü kü nephahjipih. Hathü ngei toueipü deitükkemtuh! Hathü deitüktuh!”

JEREMIAH 14:11

Shembüpai ngei kü hathü nanglakthü meihen nangkü tephop shei eteke.

MENVIH KESHO 25:14

Shembüpai büpa kü nyempüthü kü shahmong ngaiyei enyeih. Shembüpai laophülei vangpüshuwpü nyinghünyeih.

JOB SHAHSHA APPÜ 34:19

Longhiong baong hanei nenopü, shemmei-i taopa aa kü hayaoha nedeihpü, shejao jom peü kemei büpalei laki lingpeyü büpanevaipü je?

1 ONGPATHÜ 13:6

Jeroboam ongpai hapa Kahvang shennyak kü, “Shembüpa nüngei Kahvang kü ngelei lak meihen shingvaishi phopshih” shei e. Hanangkü hapa Kahvang shennyaki Shembüpa kü phop, hatü ongpalei lak sheleipü keiha meidai.

1 SAMUEL 12:23

Nyeinya vaishi, ngei nangkeyü am shingvaishi nephoppü nangkü shei Shembüpa touei ngei mang nethahpih, hatü ngei am kü meipü, hatü jiüpü lem huphahen.

1 SAMUEL 12:19

Nanglakthü peüi Samuel kü, “Shembüpa, nüngei Kahvang kü nüng chongphobüthü nedihen shangmü phopeishuoh, ham shing ong hük yüpai hamei mangthü kü shao ühahpü khih” shei e.

1 SAMUEL 7:8

Israel ami Samuel kü, “Ham nangkü leneiwongpü tedohdai; hatü büpai ham Philistia amei lak kübü yanghen phopshih” shei e.

LEVI 6:7

Hapa keiha ngongpai Shembüpa touei büpa shing jakpü moila shuohhen, hatü ha dükpai büpai pungpü mang kemei büpa kü tükhen.

LEVI 6:4

mechem büpai hapakei mang thah-ei punghen, büpai gühpü dou, nevaijü aetpü dou, nevaijü büpa kü junghenlanghen tuhpü dou, nevaijü mahdaipü dou büpai dangpü,

MÜLANGPÜ 18:17

Hahepak kü Jethro-i, “Nüngi mehe düknya hayü nemeiang.

MÜLANGPÜ 7:1

Hahepak kü Shembüpai Mosa kü, “Veihümao, Pharaoh touei ngei nüngü Kahvang kei leihühen hatü anjei Aaronü nüngei thibü vaihen.

MÜLANGPÜ 4:16

Büpayü nüng nangjei shah ebü vaihen hatü nüng leimao büpai nanglakthü kü ehen, hatü nüngü Kahvang kei büpai mehe ehen nüngi eshuohhen.

KAHBHAO 20:18

mehenangkü Abrahamei nyüha tata kü Shembüpai Abimelekh am shem kempai hapeü ne-anghen mü naü uoshing küptük.

KAHBHAO 12:17

Shejao Shembüpai Abramei chenyüha Sarai tata kü Pharaoh hatü jom shem kü longi shanghah shuoh.

KAHBHAO 12:15

hatü mechem Pharaohlei lakchongbüthüi pinnyü eepa, jomi pinnyü meipü jung Pharaoh kü ejateke, hatü pinnyü ongshemei müei dei.

KAHBHAO 2:17

shejao nüngi manghimei nyingpü pü leipü tehah; mechem nüngi haleipü hahhen, nüng hingmei ha nyih-üng dihen” shei shahkung shuoh.

PHONGSHANTHÜ DOU 8:24

Simoni, “Nüngi shaang epü meheyao ngei kü nedhaümhen Shembüpa kü ngei shingvaishi phopshih” shei jangei e.

KAHBHAO 20:3

Shejao yahük mangh mü Abimelekh touei Kahvang yiüei büpa kü, “Nüngi yahpü nyüha tata kü dihen; mehenangkü pinnyü-ü shem yemdaipü nyüha hih” shei e.

KAHBHAO 20:8

Hanangkü nepnüng lomi Abimelekh-i büpalei lakchongbüthü nyükei mehe vampa ha peü büpai ejashingkü jom peüi nyem.

KAHBHAO 23:6

“Longpüba, hami epü banghümao; jenphong khongkü nüngü wong kohpü ongpa khih. Hamei mahngchong peü mü meipübalei mahng vütuh. Nüngi mahng vühen shingvaishi üpaiyao tah shei ne-ephapih” shei e.

2 SHÜPPÜKENGPÜ 30:18

Ephraim, Manasseh, Issakhar hatü Zebulun leipü peipü nanglakthüi jom nedaütüki tuhtü vanglem kü pungei Hompü Mo hah. Shejao Hezekiah-i jom shing hapakei phopei e, “Meipü Shembüpai peü kü mang tükshih.