KAHBHAO 20:6 - DAÜLANGPÜ LAIHING (BSI)

⁶ Hahepak kü Kahvangi büpa kü mangh mü, “Hih, nüngi hayü jiüpeih shei deihshi dükpü khih; hanangkü nüngi ngei khüei mang nethahhüpih, hatü pinnyü kü laki nehonghüpih.

KAHBHAO 20:6 Referans Kwoze

1 SAMUEL 25:34

Hei nevailangmeyü nüng paoh ngei mü pongteinüng lomi nepeilangmeyü ngenep vangngaipü thahshi Nabalei yeshang hükao yemmü netuhhen ngei Shembüpa, Israel Kahvang kü vangtüktü nyupeih” shei e.

1 SAMUEL 25:26

“Hanangkü shaang ngelei shembü, nüngei laki bhüh yemei iy yenhen kübü Shembüpai shoungei tuhpü khih. Nüngei vepathü üami nüng kü nemeipü dükhen yemnya, jomphongao Nabal kei hanghihen.

KANDOK 21:1

Ongpa hükei mongdangü Shembüpalei lakmongei nyüke; yungyen hük büpai mongpü lemei shanshihpükei mülangnyüke.

KAHBHAO 35:5

Jom daishingkü jom shonei nyupü chingnyüthü peü kü Kahvang leipü nyempü pei; hanangkü üpayao jom kü nechang.

KAHBHAO 31:7

shejao ampai ngei kü lueilem, hatü ngelei nanglat anpa thahshi yeiyatükpeih. Shejao büpai ngei kü lak shihhen Kahvangi nehanpeih” shei e.

2 THESALONIKA 2:7

Mehenangkü shahkung benpü joshi nyupü ngaiyei dou dükei pangdaiteke, shejao shaang shoungei nyupü mangyahlang thahshi mehe vamhen nyu, ha nevamkahen.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

MÜLANGPÜ 34:24

Mehenangkü ngei am shekü jatthü changtükhen, hatü ammei kahmük viong dahühen; Shembüpa, ammei Kahvang kü khümnüng vangbong kü jempa daishingkü üamiyao ammei kahmük kü mük nehühhen.

2 KORINT 6:17

Hanangkü jom kübü vamdaituh, hatü jom toueipü khaatei nyutuh shei Shembüpai enyüke. hatü nedaüpü mepa kao tehong; shejema ngei am mongongshi yahhen,

MENVIH KESHO 81:12

Hanangkü ngei jom kü jomi mongpü dükhen vaanpü mongdang shuohpeih.

MENVIH KESHO 51:4

Nüng khüei, nüng monha khüei ngei mang thahteke, hatü nüng touei mehe ten nyu ha dükteke. Hanangkü nüngi ngei kü shahphenpeyü jiüphei; ngei nyonghüpü kü dah shakteke.

KAHBHAO 39:9

Hapa shem kü ngei mü longpü üpayao neshiü. Nüng mü lenei ngelei shembüi ngei kü neshuohpü meheyao neshiü; mehenangkü nüngü büpalei nyüha. Mehekei henüng keipü douten dükhen hatü Kahvang touei mang thahhen?” shei e.

KAHBHAO 20:18

mehenangkü Abrahamei nyüha tata kü Shembüpai Abimelekh am shem kempai hapeü ne-anghen mü naü uoshing küptük.

2 THESALONIKA 2:11

Ha vaipü nangkü jomi shahshem kü hinglemhen shingvaishi Kahvangi jom kü wong kohpü shahshem shompeih,

1 KORINT 7:1

Shaang ammi nyangpü nangkü eshah: “Baha hüki shem neyempü-üng meipeih.

LEVI 6:2

Shennyak hanei-i büpa kü büpalei chingyowi lemhük shuohpü nangkü, nevaijü büpai junghenlanghen shingvaishi lemhük shuohpü kü lueilemjema, nevaijü gühjema, nevaijü büpai hapa kü ühingei,

KAHBHAO 26:11

Hanangkü Abimelekh-i nanglakthü peü kü, “Üpai hapa shennyak hatü chenyüha kü laki honghenshang jühen” shei shahvüng shuoh.

KAHBHAO 3:3

shejao Kahvangi pe jiamei nyupü pü kübü betjük tehah hatü ha kü lakiyao tehong, hei nevaijema dihen shei ephopeih” shei e.

MATHI 27:19

Mechem büpa shahphenpü uoshingei uoshi nyupa, chenyüha-i büpa kü, “Hapa mang neshiüpü shennyak kü meheyao tedük; mehenangkü shinnyih ngei büpa nangkü mangh hük kü ngei longi shanghahpeih” shei shah shomei e.

KAHBHAO 31:24

Shejao Aram am Laban touei yanüng mangh mü Kahvang yiüei büpa kü, “Jakob kü ten vaituh mei vaituh shah phahükao neehen lituh” shei e.

KANDOK 6:29

Hapa keiha mih-ei nyüha mü shipü shennyakü nyüke; Pinnyü kü hongpü üpayao nehanghi-i nenyuhen.