KAHBHAO 2:7 - DAÜLANGPÜ LAIHING (BSI)

⁷ Hapheikü Shembüpa Kahvangi kahdok leipü ashem hanei yah-ei shennyak hük ling, hatü büpalei shongsha kü yangnyu ngü dushuoh, hatü hapa shennyakü yem leiteke.

KAHBHAO 2:7 Referans Kwoze

1 KORINT 15:45

Nyangei nyupü keiha, “Shongpü shennyak, Adamü yemmü nyupü yangnyu leiteke,” dohpü Adamü yangnyu shuohpü laangha leiteke.

JOB SHAHSHA APPÜ 33:4

Kahvang laanghai ngei ling, hatü Jeiyong Kahvangei ngüi ngei kü yangnyu shuohnyeih.

CHONGVENBÜ 12:7

kahdoki lingpü büm kahdokei leidai shekü, hatü Kahvangi shuohpü laangha büpa touei manglüdai shekü nüng Lingbü deih-ei dangtuh.

ISAIAH 64:8

Shejao Oh Shembüpa, nüngü hamei Pa; hamü haüm kahdok, nüngü dük shükbü; ham peü nüngei laki lingpü nüngei lakdouthü.

PHONGSHANTHÜ DOU 17:25

nevaijü büpai lemhük nanyu kei hangkulei laki büpa chongnephonyih; büpaiang hangku peü kü yangnyu, ngü hatü dou peü shuohnyeih.

1 KORINT 15:47

Shongpü shennyakü kahdok leipü, kahdok shennyak hük; nyipabü shennyakü vangsho leipü.

KAHBHAO 3:19

Nüng nyipabü kahshalei mangshü thahshi shangjing kübü lem-ow yenei dükei mon hahhen danghen, mehenangkü nüngü kahdok yah-ei lingpeih, shao nyipabü kahdok leidaihen” shei e.

JOB SHAHSHA APPÜ 27:3

ngei ngüan ngülei aokpü thahshi, hatü Kahvang laangha ngei kü nyupü thahshi,

KAHBHAO 7:22

Kahdok shak kü shongsha lemei ngü heepü yemmü nyupü lemphüli didaikem.

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

MENVIH KESHO 103:14

Jen mekei lingpa ha büpai nyingei nyüke; büpai jenü bhihla khih shei deihnyüke.

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

ROM SHAHSHA APPÜ 9:20

Shejao Kahvang mü shah dakteihen hangku nüng üpaang? Ashemi dük shükbü kü, “Mehekei nüngi ngei hapakei shükpa?” shei eaokhen je?

ISAIAH 2:22

Ngü mon heetü didaihen nyupü hangku kü mongtelem, Büpa kü mehe monglemhen shangpü nyüpa?

KAHBHAO 3:23

Hanangkü Shembüpa Kahvangi büpa meleipü yah-ei ling, hapa kahdok kü ngüh-ei paangei dou dükei hahhen Eden pemong leipü changtük.

HEBREW 12:9

Anyei vaishi jen kü ungei-aeihen jenü hangku nyühipa nyüpeih, hatü jeni jom kü dhüm shuohnyeih. Shejema jeni laanghathülei Pa kü nyeinya dhüm shuoh-ei nenyuhen je?

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

KANDOK 20:27

Shembüpalei awdüki hangkulei laangha yemnyüpeih; hapai büpalei mong chüpülei yemei shünyüpeih.

JOB SHAHSHA APPÜ 33:6

Veituh, Kahvang toueiyü ngei nüng kei-üng nyüpeih; ngeiyao ashemi lingpeih.

2 KORINT 5:1

Jen nyupü kahdoknyü leipü ashakshem tendaijema, laki nevepü Kahvang leipü shem hük vangsholei den kü nyüpeih shei jeni nyingei nyüke.

2 KORINT 4:7

Shejao jenei hapa haümdük kü hapa mop nyüpeih, shejüang peü mü nyeipü nganü jen leipü vampü nevai, shejao Kahvangei shei lekhünyüke.

JOHAN 20:22

Mechem büpai ha epa, büpai jomphong kü ngüi dutü jomphong kü, “Laangha Daülangpü yahtuh.

JOB SHAHSHA APPÜ 4:19

bhihla shangkü chongnyiam vaitü, thaüpi hahtükhen kahdok kü shem vetü nyupü kü büpai hinglemhen je?

BHEI-IE 27:16

“Shembüpa Kahvang, hangkulei yangnyu kü Shembüpa Kahvangi, hapa nanglakthü shak kü,

CHONGVENBÜ 3:7

Shaaktükhen hepak hük, hatü thünghen hepak hük; nenmü nyuhen hepak hük, hatü shah ehen hepak hük;

1 TIMOTI 2:13

Mehenangkü shongei Adam ling, hapheikü Ev lingpeih;

KAHBHAO 2:6

shejao kahmong leipü yung vamei kahdok shak kü yung shuohhen mü nyuteke.

YOUNG LAI 4:20

Shembüpai thiteiphutükpü hamei yangnyu ngü jomei tailok kü mandaiteke; Büpalei vangdhüm phangkü loishi, ham jatthü mü nyuhen shei deihteke.

EZEKIEL 37:5

Hathü vangtaothü kü Shembüpa Kahvangi hapakei enyüke: Ngei amphong kü ngü shihhen, hatü am yem leihen.

KAHBHAO 1:27

Hanangkü Kahvangi hangkuli büpalei deiaei kei, Kahvangei deiaei kü büpai jomphong nyüha, baha shei ling.

EZEKIEL 37:6

Ngei amphong kü nyimnyaam vamhühen hatü ha kü phai vamhühen, hatü ha kü shuwi jümhen, hatü ngü shihphahen, hatü yem leihen, hatü ammi ngeiyü Shembüpa khih shei nyinghen.”