KAHBHAO 2:17 - DAÜLANGPÜ LAIHING (BSI)

¹⁷ shejao nüngi manghimei nyingpü pü leipü tehah; mechem nüngi haleipü hahhen, nüng hingmei ha nyih-üng dihen” shei shahkung shuoh.

KAHBHAO 2:17 Referans Kwoze

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

JAKOB 1:15

Hapheikü laophüi yahhahhüpai büm nekongi leipheikü hapai mang bühnyeih; hatü hapa mang mechem lomei longhen, dipü bühnyeih.

KAHBHAO 3:19

Nüng nyipabü kahshalei mangshü thahshi shangjing kübü lem-ow yenei dükei mon hahhen danghen, mehenangkü nüngü kahdok yah-ei lingpeih, shao nyipabü kahdok leidaihen” shei e.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

KOLOSI 2:13

Mechem amphong mang kü phai kü nejapi dipa, büpai jenei mang kemei tüktüktü büpa mü Kahvangi am yangei leishih.

1 TIMOTI 5:6

shejao vaümnyü üpai phai mongonghen shingvaishi nyunya, pinnyü-ü yemmü nyujao mahngchang khih.

GALATIA 3:10

Mehenangkü shahkungnyü douthü kü mongnyangtü nyupüthü peü thaüvaü phangkü nyüke; mehenangkü, “Shahkungnyü lai kü nyangei nyupü douthü peü üpai nedük nevaijü nebangnya, büpa thaüvaü phangkü nyüke” shei nyangei nyüke.

1 KORINT 15:22

mehenangkü Adam kü peü dipü keiha, Khrista kü peü yem leihühen.

1 JOHAN 5:16

Ammi laophülei jeihinaü hatü nyahinaü dibenüng nevaipü mang thah-ei eejema, ammi phopeishuoh, hatü Kahvangi büpa kü yangnyu shuohhen. Dibenüng nevaipü mang nang ngei enyeih. Dibenüng mang nyüke, hatü henüng nangkü ammi phoptuh shei ngei ne-enyih.

1 KORINT 15:56

Dipülei leü-ü mang, hatü mangei nganü shahkungnyü nyüke.

ROM SHAHSHA APPÜ 1:32

Hapa keipü dou dükpüthü dihen shangpeih shei jomphongi Kahvangei shahkungnyü nyingei nyüke, shejao jomi hathü dükpü mon nevai, shejao hathü dükpüthü kü jomi mongmeishi yahnyüke.

EZEKIEL 18:32

Ngei üpayao nemahtükhünyih shei Shembüpa Kahvangi enyüke. Hanangkü mang kübü mong lepei am yemmü nyutuh.

KAHBHAO 3:17

Büpai bahapa kü: “Nüngi anyühalei shah bangei, ‘Nüngi haleipü tehah’ shei ejü nüngi hapa pü leipü hahpü nangkü, nüng tata kü kahdok kü thaüvaütüktih, nüngei den kemei tokvai hanghiyei dükei hahhen.

KAHBHAO 3:11

Büpai, “Nüng bümkong nyüke shei üpai ephopa? Nüngi ngei haleipü tehah shei epü pü leipü betjük hahpü je?” shei e.

EPHESIA 5:14

mehenangkü eehen mü vampü lemphüli vangngai. Hanangkü ha enyüke: Oh shipü shennyak, paotuh! Dipü kübü yangei leituh, hatü Khristai nüng kü vangngaiphahen.

ROM SHAHSHA APPÜ 6:16

Ammi laophü nyingi henyi hük kü ven danpü aa shei lanei shuohjema, dipülei müpü mang, nevaijü daülangshemshepülei müpü ven danpülei aa shei ammi nenyingnyu je?

EZEKIEL 33:8

Ngei mangthü kü, “Oh mang shennyak, nüng dihen khih” shei ejü nüngi büpalei lem kübü mong lepei leidaihen ne-eshuohjema, hapa mang shennyakü laophülei mang homei mahhen, shejao büpalei iy nüng kübü yühen.

EZEKIEL 18:4

Nyühipa vaituh, hashih vaituh, yangnyu kemei ngelei shei nyingtuh: Shennyak üpai mang thahnya, hapa shennyak mon dihen.

SHAKEI VAMPÜ 20:14

Hapheikü Dipü hatü Yimchingü aw shemyungei shüktük. Hapa aw shemyungü nyipabü dipü.

ROM SHAHSHA APPÜ 8:2

Mehenangkü mang hatü dipü shahkungnyü kübü Khrista Jisu kü yangnyu Laangha shahkungi jen bümei leihüteke.

SHAKEI VAMPÜ 2:11

Üpa kü danhen dhaong nyu, Laanghai attoithü kü mehe enya ha bangtuh. üami vehok neünya, nyipabü dipai jom kü nehongpih.

EZEKIEL 33:14

Shao, ngei mang shennyak hük kü “Hingmei nüng dihen” shei ejao büpai laophülei mang kübü mong lepei mehe shahhing, hatü jiüpa, ha dükjema;

SHAHKÜP 30:19

Shinnyih ngei vangsho hatü kahdok kü am nangkü denpü vaihen nyüknyeih; ngei am touei yangnyuyem hatü dipü, moihiman hatü thaüvaü tuhphünyeih. Am hatü ammei hapeüthü yemmü nyuhen shingvaishi yangnyuyem jetuh,

SHAHKÜP 30:15

Veituh, shinnyih ngei ammi jehen shingvaishi ten nevaijü mei, hatü yangnyuyem nevaijü dipü tuhphünyeih.

EZEKIEL 18:13

Büpai nanglei yemei mih kü hang lushuohnyüke, hatü lop longi bhüei yahnyüke. Hapa keipü shennyak yemmü nyuhen je? Büpa nenyuaokhen! Büpai hathü jiühitpü douthü dükpü nangkü, büpa hingmei dihen, hatü büpalei iy büpalei shangjingei kohen.

1 ONGPATHÜ 2:42

ongpai Shimei kü nyükei, “Nüng hatou shing kübü laoei daipü nyih, nüng hingmei mahhen shei ngei Shembüpalei men kü nüng kü nelahhüangpü je, hatü shahvüng neshuoh-angpü je? Hahepak kü nüngi ngei kü, ‘Nüngi mehe e, ha meiangke, ngei ha banghen’ shei ne-eangpü je?

1 SAMUEL 14:39

“Israel am kü aokpü danghüpü Shembüpalei men kü vangei enyeih, üpai pungpüshang jühen; ngelei ha Jonathan vaijao jühen” shei e. Shejao üpaiyao shah phahükao ne-e.

SHAHKÜP 27:26

“Kahvangei shahkungthü nebangpü shennyak kü thaüvaü hettuh.” Hahepak kü nanglak peüi, “Amen!” shei ehen.

BHEI-IE 26:65

Mehenangkü Shembüpai Israel am kü hingmei mü jom peü jahpanei didaikemhen shei e, hatü Jephunnehlei cheha Kaleb, hatü Nunei cheha Joshua nyi mü lenei hükao yemmü aoei nenyuang.

KAHBHAO 20:7

Shaang nüngi hapa nyüha chepaha kü leiyeishuoh; mehenangkü büpayü thibü hük, hatü büpai nüng shing phopphahen hatü nüng meishi nyuhen. Shejao nüngi pinnyü neleishihjema, nüng hatü nüngei nanglak kemei dihen” shei e.

KAHBHAO 2:9

Shembüpa Kahvangi kahmong leipü veihen meipü hatü hahhen meipü betjükpüthü kohei longhü, hatü hapa pe jiamei yangnyu pü, manghimei nyingpü püao nyuteke.

SHAKEI VAMPÜ 20:6

Shongpü yangei leipü khongkü hean yahpüthü moihiman hatü daülangpü. Jom shak kü nyipabü dipülei ngan neshiü, shejao jomü Kahvang hatü Khristalei ngongpathü vaihen, hatü jomphongü Khrista mü bong haja hük vanglem lemhen.

JEREMIAH 26:8

Shejao Shembüpai büpa kü etuh shei epü lemphü nanglakthü kü Jeremiah-i ekümhinüng, ngongpathü, thibüthü hatü nanglakthü peü thaiyei büpa yep, hatü, “Nüng jühen!

1 SAMUEL 22:16

Shejao ongpai, “Ahimelekh, nüng hatü am shem kemei dihen” shei e.

1 SAMUEL 20:31

Jesselei cheha kahdoknyülei nyupü thahshi nüng nevaijü nüngei ongching chongkhenei nelingaokpih. Shaang ngei touei müei deikei; büpa jütükhen hih” shei e.

1 SAMUEL 14:44

Sauli Jonathan kü, “Nüng nejütükjema Kahvangi ngei nyemjütük” shei e.

1 ONGPATHÜ 2:37

Nüng haleipü laoei daipü hatü Kidron kahji homei daipü nyih-üng nüng hingmei mahhen shei deihtuh; nüngei iy nüngi kohen” shei e.

SHAHPHENBÜTHÜ 3:2

Büpai hathüyü Israel am denja pheihathü shelei vehok hokpü nenyingpüthü kü nyuhhen shingvaishi dükteke.