KAHBHAO 19:9 - DAÜLANGPÜ LAIHING (BSI)

⁹ Shejao jomphongi, “Nüngdaituh, hapa shennyakü hatouei benha vaiyei peipeih, shejao shaang shahphenbü kei ehen je? Hapa shennyak nyi mü nyeishi nüng kü nemei-i dükhen” shei e. Jomphongi nedoh-i Lot kü hungei sha benei shühen heih.

KAHBHAO 19:9 Referans Kwoze

MÜLANGPÜ 2:14

Hapa shennyaki Mosa kü, “Üpai nüngi ham shak kü vanglem lembü hatü shahphenbü vaihen jepa? Nüngi Ijip naüha jütükpükei ngeiyao jühen deihnyu je?” shei e. Hahepak kü Mosa nyem hatü ngei mehe dükpa, hayü mih-i nyinglangteke shei deih.

KAHBHAO 13:12

Abramü Kanan kahdokei nyu, hatü Lot-ü kahji leipü chingnyüthü chi kü nyu, hatü Sodom yopailei baümtap ve.

MATHI 7:6

Mehe daülangpü nyüpa, ha shi touei teyakphong, hatü ook tou kü yüknyü teshükphong, hei nevaijema jomi la-i shouptükhen, hatü am khih mü nihtükhen yaakkahen.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 3:3

Hanangkü vang nekei-i shümlang, hatü ünyü vang nekeinyu; shejao am veüao neveüi büm yuei longteihen dhehilaü kohtü nyüke.

ISAIAH 65:5

Nüng khaatdaishih, “Nüng meyü ngei longi daülangpeih” shei epüthü touei ngelei lak haongshi nyüpeih. Hapa keipü shennyakthüyü ngelei shongsha kü awshit, hatü helu bahshi thempü aw khih.

CHONGVENBÜ 10:13

Jomei ju kübü ngashah eyei pangnyeih, hatü nemeipü ngashahyoishah eyei dohnyüpeih.

CHONGVENBÜ 9:3

Peü kü aihük lashüh-i beannyüke, hatü vanghenyü phangkü vampü peü kü hayü mang. Nyeinya vaishi, peüei mongdang kü mangi maei nyüke; jom yemmü nyupü thahshi jomei mongdang kü ngapüyoipü nyüke, hatü hapheikü jom didaikemnyüke.

KANDOK 27:3

Yaong hatü bhih vihnyüpeih, shejao ngapa hüki koei peipü shanghah-ü nyiphen mao vihpüba.

KANDOK 17:12

Meishi ngadaipü shennyak mü eteipü meyü cheha gühlangtü loh-ei nyupü sheptao pongpü-üng meipüba.

KANDOK 14:16

Kon kohpüthüi ten nyingei haleipü nyaidainyeih, shejao ngapathüi nelinebaongi ha kü shüknyüpeih.

1 SAMUEL 25:17

Hanangkü ha nyingtuh hatü nüngi mehe dükshuohhen nüngi nyinghahtuh; mehenangkü jenei shembü hatü shem am kemei kü nemei-i dükhen temei nyüke. Büpa ahshi nemeipü nangkü üpaiyao büpa mü shah ne-eteiaoknyu” shei eshuohteke.

1 SAMUEL 17:44

Philistia naühai David kü, “Heihkei, ngei nüngei bümü asha alang phai hatü phaüyemthülei phai vaitükhen hih” shei e.

KAHBHAO 11:6

Shembüpai, “Aihük shennyakthü aihük shah etü hapakei dükjema, jomi tempü meheyao neaokpeih shei nenyu-ükhih.

1 SAMUEL 2:16

Moila shuohpü shennyaki büpa kü, “Shongei cheü shong nyemjakkei hatü hapheikü nüngi napükei yahhahtuh” shei eshuohjü büpai, “Nevai, nüngi shaang-üng yahshih; hei nevaijema aettei yahlanghen” shei ehamteke.

EZEKIEL 16:49

Anaü Sodom amei mangü hapa nyupeih: Pinnyü hatü pinnyülei yiükhathüyü changmeiyei moh-ei hahtü taopathü hanghipü kü neveihampeih.