KAHBHAO 19:34 - DAÜLANGPÜ LAIHING (BSI)

³⁴ Nyihphei hashongnyüi chenaü kü, “Veituh, meya ngei büpa mü shipeih; sheya-ao ji-i büpa kü yiü yingshuohshah, hatü jenei palei li tuhhen shangmü nüngi büpa mü shituh” shei e.

KAHBHAO 19:34 Referans Kwoze

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

JEREMIAH 3:3

Hanangkü vang nekei-i shümlang, hatü ünyü vang nekeinyu; shejao am veüao neveüi büm yuei longteihen dhehilaü kohtü nyüke.

ISAIAH 3:9

Jomei dhe kü veijü-üng jom khüei denpü shuohhahpü eenyüke; Jomi Sodom am keiha ngaiheyei mang düknyüke. Onyükei! jomi jom nyingi shanghah koei peihahteke.

KAHBHAO 19:33

Hanangkü jijinyi-i chepa kü ha ya yiü yingshuoh, hatü hashongnyü chepa mü shi; büpai cheha mechem shi, mechem paodai nenying.

KAHBHAO 19:35

Hanangkü jijinyi-i ha ya-ao chepa kü yiü yingshuoh, hatü chenaü heih-ei chepa mü shi, hatü büpai cheha mechem shi, mechem paodai nenying.