KAHBHAO 19:24 - DAÜLANGPÜ LAIHING (BSI)

²⁴ Hapheikü Shembüpai Sodom hatü Gomorrah nyi kü vangsho leipü awkaong meli hatü aw shom,

KAHBHAO 19:24 Referans Kwoze

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

ISAIAH 13:19

Kahvangi noei yaktük shingkü ongchingthü khongkü müknyinshekhangshi nyupü Babylon ami changmeiyei deihpü Babylon chingnyü-ü Sodom hatü Gomorrah kei leidaihen.

JUD SHAHSHA APPÜ 1:7

Ha aihük mü Sodom, Gomorrah hatü shinpü chingnyüthüi mükbongjuyung hatü nyongnyongpü kü lanei shuohpeih. Jomü nedohnetenpü molo awi hanghipü lappü nyüpeih.

2 PETER 2:6

hatü Sodom hi Gomorrah chingnyü nyi kübhih leiyei mahtük, hatü Kahvang nenyingpü am kü mehe peinya ha lappü leihüjema;

AMOS 4:11

Ngei Sodom hatü Gomorrah mahtükpükei, ngei am hanei mahtük. Amü awbhaong leipü leppü awjung kei nyuteke, shejao am ngei touei mong nelep shei Shembüpai enyüke.

JEREMIAH 50:40

Kahvangi Sodom hatü Gomorrah hatü jomei chingyowthü changtükpükei, üamao halei chingchingei nenyuhen shei Shembüpai enyüke.

ZEPHANIAH 2:9

Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

YOUNG LAI 4:6

Sodom am kü hanghihüpü kao nyeishi, ngei ngelei nanglakthü kü hanghi shuohteke; Sheühhen neshiüi kansho hük mong aa kü noei yaktükteke.

JEREMIAH 20:16

Hapa shennyakü Shembüpai nephahji-i noei yaktükpü ching kei nyuhütuh; Büpai dhom mü vaüpü eepü, hatü haümhah phei kü thep nyükpü danhütuh.

JOB SHAHSHA APPÜ 18:15

Büpalei shem mongei meheyao nenyuhen; büpa nyushingei awkaong yaong nyüke.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

JEREMIAH 49:18

Sodom hatü Gomorrah nyi mü chingyowthü paoh-ei yaktükpü keiha, üpayao halei nenyuhen shei Shembüpai enyüke.

ISAIAH 1:9

Shembüpai jen hanei dangkao yangei netuhlangmeyü, jenü Sodom hatü Gomorrah am kei nyuhah shepeih.

MENVIH KESHO 11:6

Nemeipüthü kü büpai awtao hatü awkaong meli shomhen; nyahpüshampü vanglükü jomei hean vaihen.

LUK SHAHSHA APPÜ 10:12

Ngei am kü enyeih, hapa jila leimeyü hapa nyih kü Sodom am kü-üng nyeinya phahjihen.”

SHAKEI VAMPÜ 14:10

jomphongao Kahvang mongshihpü yiü yung nevuki büpalei phongshanei pati kü shihpü yinghen, hatü jomphongü büpalei daülangpü vangsho phongshanthü hatü Mi Cheha touei aw hatü awkaong meli bahpü shingei shukhen,

KAHBHAO 13:10

Lot-i laophü shing kahdok vei, hatü Jordan Kahji yung changshi Shembüpalei pemong kei, hatü Zoar lemeipü Ijip kahdok kei eeteke. (Hapayü Shembüpai Sodom hatü Gomorrah mahtük shekü shiüteke.)

KAHBHAO 13:12

Abramü Kanan kahdokei nyu, hatü Lot-ü kahji leipü chingnyüthü chi kü nyu, hatü Sodom yopailei baümtap ve.

KAHBHAO 18:17

Shembüpai, “Ngei mehe dükhen nyu, ha Abraham kü johen je?

KAHBHAO 19:23

Lot halei ngoipü thahshi vanghe aongdaitü nyu.

MÜLANGPÜ 9:23

Hahepak kü Mosai vangsho philei büpalei lenshuoh noei anteke, hatü Shembüpai vangmuk khungei shüyaong vüshih, hatü kahdok kü klang nyep, hatü Shembüpai Ijip kahdok kü shüyaong vüshihteke,

JOB SHAHSHA APPÜ 1:16

Mechem büpai ha shah eyei nyupa, shao lebü phongmokbü hük peiyei, “Vangsho leipü Kahvang aw vüei mi hatü mi yombüthü peü hahtükteke; ngei mon nüng kü hapa ehen yangpü khih” shei e.

ISAIAH 30:33

Ongpa jakhen shing yeihshi-üng temei nyüpeih. Hapa awbhaongü chüshi, ba longshi pü shangshi shüngshi nyüpeih. Shembüpalei ngü awkaong meli kü bahpü awlom kei vamei hapa kü aw bahhen.

SHAHKÜP 28:24

Shembüpai vang nangjei bhihla shomhen hatü hayü mangdikem thahshi nyuhen.

SHAHKÜP 29:22

Ngoikahen ammei pheiha deni hatü tailu leipü kung shennyakthüi hapa kahdok kü Shembüpai hapa keipü shangpong yakying hatü lomoh-aühaü shuohpü je shei veihen.

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.