KAHBHAO 19:14 - DAÜLANGPÜ LAIHING (BSI)

¹⁴ Hanangkü Lot daiyei yiük phepüthü kü, “Shülangi hapa shing kübü lüdaishah; mehenangkü Shembüpai hapa chingnyü mahtükhenja” shei e. Shejao yiükhathülei bahathüi nyienei enyeih shei deih.

KAHBHAO 19:14 Referans Kwoze

BHEI-IE 16:21

‘Hathü toueipü khaatei lüdaituh; ngei shaang-üng hathü jütükhen’ ” shei e.

BHEI-IE 16:45

“Khong toueipü shindaishih, ngei chemjalak kü hathü shennyakthü jütükhen hih” shei e, hatü jiji dhe thaungei sha,

JEREMIAH 51:6

Babylon leipü nyaidaituh! Am yanghen mokdaituh! Jomei mangi am temah. Hapayü Shembüpai bhüh yempü hepak; pinnyü kü shangpükei büpai jom kü nyokei shuohhen.

BHEI-IE 16:26

Büpai nanglakthü kü, “Hapa nemeipü shennyakthülei ashakshem leipü lüdaikemtuh, hatü jomei doulem mepa kao laki tehong, hei nevaijema jomei mang tata kü amao jom mü maolanghen” shei e.

2 SHÜPPÜKENGPÜ 30:10

Lai kopüthü Ephraim hatü Manasseh kü, hatü Zebulun thahshi jila hük kübü hük shei dai, shejao nanglakthüi jomphong kü deyeinaamei, yaüeilungei e.

PHONGSHANTHÜ DOU 17:32

Mechem jomi dipü kübü yangei leipü jung danpa, hanei ami nyienteke, shejao lebüthüi, “Hami shao-üng hapa jung banghen hih” shei e.

LUK SHAHSHA APPÜ 24:11

Shejao hapa shah-ü jomphong keyü ngahiyoi shah kei leidai, hatü jomi ha kü hingnelem.

MATHI 9:24

büpai, “Amphong vamdaituh; mehenangkü naü-ü dipü nevai, shipü khih” shei e. Hanangkü khongi büpa kü nyishuoh.

EZEKIEL 20:49

Hahepak kü ngei, “Oh Shembüpa Kahvang, ngeiyü düngei shahlap mon enyüke shei jomphongi ngei kü enyüke” shei eteke.

JEREMIAH 20:7

Oh Shembüpa, nüngi ngei kü lueilemteke, hatü ngeiyü lueilemtükteke. Ngei meyü nüng-üng wong kohpüba, hatü nüngi ngei kü neüteke. Helushoei ngeiyü mihnyi pü leidaiteke, peüi ngei kü yaünyüke.

ISAIAH 28:22

Shaang ammi langmaanshapshüpü dohtuh, hei nevaijema am yepei shapü nyiamvü wong kohkahen. Shembüpa, Jeiyong Kahvangi kahdok mahtükhen tempüngei dantepih.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

1 THESALONIKA 5:3

Mechem shennyakthüi, “Halei chingmei hatü nyiushemmei nyüke” shei ehen, nyüha hük hapeü anghen tüngpükei ngangahük kü jom touei mahpü peihen hatü üpayao neyangaokhen.

LUK SHAHSHA APPÜ 9:42

Büpa heihyaki kahshih-i büpalei büm haenhütü kahdokei doei shükteke, shejao Jisui mang laangha kü lohtü ha naü meihü, hatü chepa kü büpa nyokei shuoh.

MATHI 1:18

Shaang Jisu Khrista hapakei bühteke: Chenyü Mary kü Joseph shing yiük pheyei nyu; shejao jiji shem mangyem shekü Laangha Daülangpai pinnyüi naü hük anghen mü vam.

MÜLANGPÜ 12:31

Nyak kü Pharaoh-i Mosa hi Aaron nyi kü nyükei, “Anjiphen hatü Israel am kemei ngelei nanglakthü toueipü layaongei leidaishih! Anjinyi-i epükei leiyei Shembüpa kü khümtuh.

MÜLANGPÜ 9:21

Üami Shembüpalei shah kü mongneshuoh, jomei aathü hatü haümyemthü koshoyalei tuhphong.

KAHBHAO 19:22

Shülangi yiütuh; nüng hapa shing mangngoi thahshi ngei meheyao nedükpih” shei e. Hanangkü hapa ching kü Zoar shei nyük.

KAHBHAO 19:17

Mechem jijinyi-i hathü ching haolei müei deipa, jijinyi-i, “Yanglem yemei nyaidaituh, ngaümpheilei yaakei tevei nevaijü kahjilei metoueiyao teyaong; kahshang lemei aongdaituh, hei nevaijema amao mahhen” shei e.

KAHBHAO 19:15

Mechem vangngaipa, vangsho phongshan nyi-i Lot kü, “Anyüha hatü yiükha nyi müei lomi lüdaituh, hei nevaijema hapa chingnyü mahpü mü amphongao mahhen” shei e.

JEREMIAH 43:1

Mechem Shembüpai nanglakthü kü etuh shei büpa shompü Shembüpa, jomei Kahvangei shahthü lemphü Jeremiah-i eyei kempa,

JEREMIAH 43:2

Hoshaiahlei cheha Azariah, Kareahlei cheha Johanan hatü ie kü neshihpü shennyakthü peüi Jeremiah kü, “Nüng shahshem enyüke! ‘Am Ijiplei nyunüng teyiü’ shei ehen Shembüpa, jenei Kahvangi nüng neshomangpih.