KAHBHAO 18:9 - DAÜLANGPÜ LAIHING (BSI)

⁹ Jomphongi büpa kü, “Anyüha Sarah melei nyüpa?” shei phe. “Pinnyü-ü shem mongei nyüke” shei büpai e.

KAHBHAO 18:9 Referans Kwoze

TITUS 2:5

ungei-aeihen, daüeilangei nyuhen, shemong meishi shümaokhen, bampü, laophülei baha phangkü shüaokpü am leihen, shejüang Kahvangei shah dhüm neshiüi neleihen.

KAHBHAO 24:67

Hapheikü Isaki Rebekah müei chenyü Sarah nyupü ashakshemei müei shü, hatü büpai Rebekah mü shem yemteke. Hanangkü pinnyü büpalei nyüha vai, hatü Isaki pinnyü kü bam, hatü chenyü didaipü young lakteke.

KAHBHAO 31:33

Labani Jakobei ashakshemei shüei yem; hapheikü Leahlei ashakshem hatü aa lanyü nyilei ashakshemei shü, shejao büpa ha nedang. Büpai Leahlei ashakshem leipü vamei Rachelei ashakshem mongei shü.

KAHBHAO 4:9

Hapheikü Shembüpai Kain kü, “Anaü Abel melei nyüpa?” shei phe. Büpai jangei, “Ngei nenying. Ngeiyü naüpeü yombü je?” shei e.

HEBREW 11:9

Hinglempai büpai kung kahdokei yenpa hük keiha hapa lahpü kahdokei bükhishem veyei nyu; büpa Isak hi Jakob nyi mü ashakshemei nyu, hatü jijinyiyao aihük lahpü Kahvang leipü dang.

KAHBHAO 3:9

Shejao Shembüpa Kahvangi hapa shennyak kü, “Nüng melei nyüpa?” shei nyükei e.

KAHBHAO 18:8

Büpai amma cheü, amma hatü phai anei hathü kü shuoh, hatü jomphongi ha hahshingkü büpai jomphong kü ühyingei püdhümei nyu.

KAHBHAO 18:10

Hahepak kü hathü khongkü hüki, “Jiüpü hepak kü ngei nyokei leikahen; hahepak kü anyüha Sarah-i yeshang bühei nyuhen hih” shei e. Hahepak kü Sarahyü büpalei ngaümpheilei shadenei yaongshi nyu.