KAHBHAO 18:25 - DAÜLANGPÜ LAIHING (BSI)

²⁵ “Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

KAHBHAO 18:25 Referans Kwoze

JOB SHAHSHA APPÜ 8:3

Kahvangi shahhing nyonghünyu je? Nevaijü Jeiyong Kahvangi jiüpüang nyonghünyu je?

JOB SHAHSHA APPÜ 8:20

Hingmei Kahvangi eela neshiüpü yangnyu netuhphongnyih, nevaijü nemeipüthü kü nesheühnyih.

MENVIH KESHO 58:11

Nanglakthüi, “Hingmei daülangpüthü shing laklei nyüke; hingmei kahdoknyü kü shahhing shahphenpü Kahvang nyüke” shei ehen.

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

MENVIH KESHO 94:2

Paotuh, Oh kahdoknyü shahphenbü; changmeipü am kü jom kü shangpü yah-eishuoh!

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

JEREMIAH 12:1

Oh Shembüpa, ngei paoh nüng khüei ngelei nang shah deikülangmeyü, nüng-üng jiüshi chongkahen. Shejao nüng touei shahhing nang shah pheshah. Mehekei mangthüang daeishehünya? Mehekei shahhing ne-epüthü aokpü danghünya?

CHONGVENBÜ 7:15

Hapa ngelei angsha yangnyu kü ngei lemphüli eetepih: Daülangpü shennyaki laophü daülangshemshepü kü-üng sho mahnyeih, hatü nemeipü shennyaki mang kü hepak luangi nyupü eetepih.

HEBREW 12:23

hatü vangsholei men nyanglangpü hashongthü thaipü, hatü peüei shahphenpü Kahvang, hatü daülangpüthülei laanghathü changhüshahüpü touei,

KAHBHAO 18:24

Nyingshah-i hapa chingnyü kü daülangpü shennyak jom pinyipüan nyuküjü haleipü jom pinyipüan nangkü dangkao mang netüki ha ching mahtükhen je?” shei phe.

SHAHKÜP 1:16

Hatü hapa kü ngei ammei shahphenbüthü kü hapakei eshuohpeih: “Ammei nanglak khongkü depülaopü vamküjü meishi bangtuh, hatü ammei nanglaki nanglak aa kü vaijao lakeiloipü am vaijao jiüshi shahphentuh.

SHAHKÜP 1:17

Baong hanei shah tephen; üpa vaihenshang vaijao longpü maanpü aihük mü notuh. Üpa kao tenyem; mehenangkü amphongi shahhingi shahphen shuohpeyü Kahvang leipü nyüke. Amphongi nephenaokhen mü wongpü shahhidou nyujema ngei touei deikei hatü hapayü ngei phenhen.

SHAHPHENBÜTHÜ 11:27

Ngei am mü pungei meheyao nedük, shejao ammi ngei mü hokpü nangkü pungei nyüke. Shembüpa, Shahphenbüi Israel hatü Ammon am nyi aa kü nedanteipü nyemphenkei” shei e.

2 SHÜPPÜKENGPÜ 19:7

Hanangkü Shembüpa kü nyempü am mü nyuhütuh. Kenhingshi shahphentuh; mehenangkü Shembüpa, jenei Kahvang mü shahhing ne-epü, baong hanei noteipü hatü yawhdou neshiüpih” shei e.

NEHEMIAH 9:33

Ham kü dhaümpü peü kü nüngü shahhing nyuhampeih, nüngi jiüshi dükpeih, shejao hami nejiüi dükpeih.

JOB SHAHSHA APPÜ 34:10

Hanangkü amphong sholi kohpüthü, Kahvangi nemeipü düknyeih, Jeiyong Kahvangi nejiüpü dou düknyeih shei mechemao tedeih.

CHONGVENBÜ 3:17

Ngelei mongkü, “Kahvangi daülangpü hatü mang nyiphen shahphen shingei deikahen; mehenangkü lemphü dükhiling, hatü dousho shingvaishi ittükpü hepak hük nyüpeih” shei ngei deihteke.

JEREMIAH 11:20

Shejao, Oh Jeiyong Shembüpa, nüngü shahhing shahphenbü, hatü mongdang sholi dokpüba, nüngi jom kü bhüh yempü kü ngei veishah; mehenangkü ngelei nang kemei nüng kü lanei shuohtüktih.

EZEKIEL 18:25

Shejao ammi shao, “Shembüpai dükpeyü nejiüang” shei enyüke. Ha bangtuh, Oh Israel phang: Ngelei lemthü nejiüpü je? Ammei lemthü nejiüpü nevaipü je?

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

1 SHÜPPÜKENGPÜ 16:33

Yinghilongi mongongpai Shembüpa touei kesho lokhen; mehenangkü büpai kahdoknyü shahphenhen yiükünyüke.

JOB SHAHSHA APPÜ 34:12

Hingmei, Kahvangi nemeipü nedüknyih, hatü Jeiyong Kahvangi shahhing nyongnyongi neleitüknyih.

MENVIH KESHO 7:12

Jom mong nelepjema, büpai yan yühen; büpai laophülei pülah künyüpeih,

MENVIH KESHO 50:6

Vangshothüi büpa daülangshemshepü baongnyeih, mehenangkü Kahvang, büpayü shahphenbü.

MENVIH KESHO 75:3

Yemhimakthü kheüjao kahdoknyü jenlangmao, ngei kahdoknyü chongnyiam wongshongi tuhhen.