KAHBHAO 18:21 - DAÜLANGPÜ LAIHING (BSI)

²¹ Ngei touei peiküpü thaüvaü aimü jomi nedükpü hi dükpüshang ngei yiüei veihen, hatü hapakei nevaipü vaijema, ngei nyinghahhen hih” shei e.

KAHBHAO 18:21 Referans Kwoze

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

KAHBHAO 11:5

Hahepak kü Shembüpai hapa chingnyü, hatü shennyakthüi vepü shangdü kü veihen yiüteke.

ZEPHANIAH 1:12

Hahepak kü ngei awdük noshi Jerusalem yemhen, hatü laophü kü laophüi mongnyangtü nyupüthü, hatü üamei mongkü Shembüpai mehe tenao meiyao nedükphapih shei deihnya, ngei jom kü shüveihen.

MIKA 1:3

Veituh, Shembüpai daülangpü büpa nyushing kübü vamei peikünyüke, hatü büpa yiüei kahdoknyü kübü kahshangthü kü shouphen.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

JOSHUA 22:22

“Jeiyongpayü Kahvang! Büpayü Shembüpa! Jeiyongpayü Kahvang hih! Büpayü Shembüpa! Hami mekei dükpa, ha büpai nyingnyeih, hatü ammiyao ha nyingtuh. Hapayü khüei nevaijü Shembüpa kü hingnelemi dükpü vaijema, shinnyih ammi ham yemmü tetuhphong.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

MÜLANGPÜ 33:5

Mehenangkü Shembüpai Mosa kü, “Amphongü mong vaanpü nanglakthü khih. Kansho hük dangkao ngei am mü daijema, ngei am jütükkemhen khih. Shaang ammei owhiai nyiuktüktuh, hatü ngei am kü mehe dükhen ngei baong hanpü yahhen shei eyeishuoh” shei eteke.

KAHBHAO 11:7

Kei, jen yiüei hüki epü hüki nedanhen mü jomei shah buktükshah” shei e.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

1 THESALONIKA 4:16

Mehenangkü Shembüpa laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.

2 KORINT 11:11

Mehekei? Ngei am kü nebamnyu hiang? Ngei bampü Kahvangi nyingnyüke.

JOHAN 6:38

mehenangkü ngei vangsho leipü ngei mongpü düknüng yiüpü nevai, shejao üpai ngei shom, büpai mongpü düknüng yiüpeih.

LUK SHAHSHA APPÜ 16:15

Hanangkü büpai jomphong kü, “Ammi laophü nyingi mih touei dahshaknyüke, shejao Kahvangi ammei mong nyingnyeih; mehenangkü hangkui mehe douvang shei deih, hayü Kahvang touei jiühitbenüng” shei e.

JEREMIAH 17:1

Judah amei mangü nyiam lainyangshongi nyangei nyüke; jomei mongdang yaongshung hatü jomei moidü leipü vaung kü diamond daüppai kukei nyangei nyüke.

MENVIH KESHO 90:8

Hami pungpü nüng touei haüshi nyüke, hamei jopü mang nüngei müknyinshekhang vangngai touei ngaiteke.

JOB SHAHSHA APPÜ 34:22

Mang dükpüthü jehen mü shangmang nevaijü shangmang vangnyak meleiyao neshiü.

SHAHKÜP 13:3

ammi hapa keipü thibü nevaijü mangh tetpüthülei shah kü hingtelem. Shembüpa, ammei Kahvang kü ammei mongdang kempai hatü ammei laangha kempai büpa kü bamnyüla shei nyinghen shingvaishi dokpü mon nyüke.

KAHBHAO 18:17

Shembüpai, “Ngei mehe dükhen nyu, ha Abraham kü johen je?

MENVIH KESHO 14:2

Shembüpai vangsho leipü hangku kü kon kohpü, hatü Kahvang yempü üpayao nyüla shei veinyüpeih.

KAHBHAO 6:12

Mekei kahdoknyü tendaipa, hangkuthü peü mang lem kü daikem.

JONAH 1:2

“Hapa chingnyü longpü Ninevehlei daituh hatü halei chongveneishuoh; mehenangkü jomei mang ngei thah-ei aongteke.”