KAHBHAO 18:20 - DAÜLANGPÜ LAIHING (BSI)

²⁰ Hapheikü Shembüpai, “Antepa Sodom hatü Gomorrah khüei nyembenüng thaüvaü nyüpeih, hatü jomei mang ahshi-üng longdaiteke.

KAHBHAO 18:20 Referans Kwoze

KAHBHAO 19:13

Hami hapa shing mahtükhen; mehenangkü hapa nanglak khüei thaüvaüpü Shembüpai danteke, hatü Shembüpai hapa shing mahtükhen ham shompeih” shei e.

ISAIAH 3:9

Jomei dhe kü veijü-üng jom khüei denpü shuohhahpü eenyüke; Jomi Sodom am keiha ngaiheyei mang düknyüke. Onyükei! jomi jom nyingi shanghah koei peihahteke.

KAHBHAO 13:13

Shaang Sodom amü ahshi nemei, hatü Shembüpa khüei mang longi thah.

KAHBHAO 4:10

Shembüpai, “Nüngi mehe dükpa? Bangtuh! Anaüei iy kahdok leipü ngei thahshi lenei aongnyüke.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

KAHBHAO 19:4

Jomphong shihen shekü Sodom chingnyü leipü behe hashih peü thaiyei shem shonteke.

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

EZEKIEL 16:46

Anya bahhenyü-ü Samaria am pinnyülei yiükhathü mü am mü apshaphi lemei nyuhampeih, hatü anaü-ü Sodom am pinnyülei yiükhathü mü am mü pehephi lemei nyuhampeih.

JOEL 3:13

Jom ahshi-üng nemeiang; hanangkü hahvet longkhoih-i hah vetpükei vettüktuh; Yiü mangyen thahshi nyalingngupai kü ngümpükei jom ngümtüktuh.

JONAH 1:2

“Hapa chingnyü longpü Ninevehlei daituh hatü halei chongveneishuoh; mehenangkü jomei mang ngei thah-ei aongteke.”

KAHBHAO 6:12

Mekei kahdoknyü tendaipa, hangkuthü peü mang lem kü daikem.