KAHBHAO 17:7 - DAÜLANGPÜ LAIHING (BSI)

⁷ Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

KAHBHAO 17:7 Referans Kwoze

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

PHONGSHANTHÜ DOU 2:39

Mehenangkü ha lahpeyü am, ammei hapeüthü hatü tailuei nyupüthü, üam kü Shembüpa, jenei Kahvangi nyük, hathü peü shingvaishi nyüke,

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

HEBREW 8:10

Hathü nyih pheikü ngei Israel am phang mü hapa vangpüshuwpü linghen shei Shembüpai enyüke: Ngei ngelei shahkungnyü jomei sholi kü shihshuohhen, hatü jomei mongdang kü nyanghen, ngei jomei Kahvang vaihen, hatü jomphongü ngelei nanglak vaihen.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

LEVI 26:12

Ngei am mü kamteihen, hatü ammei Kahvang vaihen hatü amphongü ngelei nanglak vaihen.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

ROM SHAHSHA APPÜ 9:4

Jomphongü Israel am, hatü hapeü kei ungei yahpü, müknyinshekhang, vangpüshuwpü, shahkungnyü shuohpü, khümpü hatü lahpüthü peü jomphongei;

MARK 10:14

Shejao mechem Jisui ha eepa, büpai jomphong kü mongshih-ei, “Maanpü hashihthü ngei touei peihütuh; jom kü tekhüamshuoh; mehenangkü Kahvang ongchingü hathü keipülei hih.

MATHI 22:32

‘Ngeiyü Abraham Kahvang, Isak Kahvang, hatü Jakob Kahvang. Büpayü didaipü Kahvang nevai, shejao vanyangyem Kahvang’ shei am kü mehe e, ha ne-ieangpü je?” shei eteke.

MIKA 7:20

Nüngi aivang den mü hamei bühipathü kü lahpü keiha, nüngi Jakob kü shahhing dükhen, hatü Abraham kü phahji yahyang huhen.”

EZEKIEL 28:26

Jomi halei nyempü neshiüi nyuhen, hatü shem veyei nyalingngupai sheiyei nyuhen. Mechem ngei jom kü ne-ienelemi dükpü jatthü kü shahphenhenshang, jom halei nenyemi nyuhen hatü jomphongi ngeiyü Shembüpa, jomei Kahvang khih shei nyinghen.”

MÜLANGPÜ 6:4

Ngei jom mü Kanan kahdok melei jom benha kei nyupa, hapa kahdok shuohhen shingvaishi vangpüshuwpü lingpeih.

MÜLANGPÜ 3:15

Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

MENVIH KESHO 81:10

Ngeiyü Shembüpa, am Ijip leipü müei leipü Kahvang. Ammei ju katuh hatü ngei ha kü maei shihphahen.

KAHBHAO 6:18

Shejao ngei nüng mü vangpüshuwpü hük linghen; nüng, anyüha, hapeüthü hatü jomphongei nyühathü peü jahas mongei shütuh.

KAHBHAO 17:13

Shemei bühpü aa vaijao, lop shuohtü shakpü vaijao jomei shuw japtüktuh. Nüngei büm kü ngei vangteishuwteipeyü nedohnetenpü vangpüshuwpü vaihen.

KAHBHAO 17:19

Hahepak kü Kahvangi, “Nevai, shejao anyüha Sarah-i yeshang hük bühkahen, hatü nüngi ha naü kü Isak shei mentuh. Ngei büpa mü vangpüshuwpü hük linghen, hatü hapayü büpa phei kübü hühihathü shing nedohnetenpü vangpüshuwpü vaihen.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

LEVI 11:45

Ngeiyü ammei Kahvang vaihen shingvaishi am Ijip leipü müei leipü Shembüpa; hanangkü am daülangi nyutuh; mehenangkü ngeiyü daülangpü.

LEVI 25:38

Am kü hapa Kanan kahdok shuohhen, hatü ngei ammei Kahvang vaihen shingvaishi ngei am Ijip leipü müei leipü Shembüpa, ngeiyü ammei Kahvang.

LEVI 26:9

Ngei am kü shinshangei veihen hatü am betjük jükhühen hatü am nanglak dahühen, hatü ngei am mü vangpüshuwpü dükhen.

LEVI 26:45

Ngei jomei Kahvang vaihen shingvaishi ngei jatthüi eeshi Ijip kahdok leipü jomei chebü chepa mü vangteipü ngei jom kü phahjiei deih-ei danghen. Ngeiyü Shembüpa.

SHAHKÜP 29:13

ammei ambü ampa Abraham, Isak, hatü Jakob hathü kü lahpükei amphong büpalei nanglak hatü büpa ammei Kahvang vaihen shinnyih shahchong sheihen shingvaishi am yaongshi nyüke.

SHAHPHENBÜTHÜ 2:1

Shaang Shembüpalei phongshan Gilgal kübü Bokhimei aong, hatü Israel am kü, “Ngei am Ijip leipü müei daiyei ngei ammei bühipathü kü lahpü kahdokei peipeih. ‘Ngei am mü vangpüshuwpü nemangpih’ shei etepih.

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

JEREMIAH 31:1

“Hahepak kü ngeiyü Israel phangthü peüei Kahvang vaihen, hatü jomphongü ngelei nanglak vaihen shei Shembüpai enyüke.”

KAHBHAO 9:16

Mechem phumshangei nyiamnyünyiamkang vamhen, ngei ha kü veitü Kahvang hatü kahdoknyü leipü yem nyupü lemphü mü nedohnetenpü vangpüshuwpü deih-ei danghen.” shei e.

LEVI 26:44

Shejao jom vepa kahdokei nyujoong ngei jom mü vangteipü mangei chemjalak kü netuhphonghen, hatü nemahtükhen; mehenangkü ngeiyü Shembüpa, jomei Kahvang.

2 SAMUEL 7:24

Hatü nüngi Israel nanglakthü düngei nüng lompü nanglak vaihen shingvaishi lingei tuh, hatü Oh Shembüpa, nüngi jomei Kahvang vaiteke.

1 SHÜPPÜKENGPÜ 16:13

Oh büpa chongphopü Israelei hühihathü, Oh büpai jepü Jakobei hapeüthü.

1 SHÜPPÜKENGPÜ 16:14

Büpayü Shembüpa jenei Kahvang; Büpai shahphenpü kahdoknyü peü lemei nyüke.