KAHBHAO 17:17 - DAÜLANGPÜ LAIHING (BSI)

¹⁷ Abrahami aümei shatü büpa nying nyiyei, “Bong kho hük pajei hüki hapeü anghen je? Bong 90 lomdaipü Sarah-i naü bühhen je?” shei e.

KAHBHAO 17:17 Referans Kwoze

SHAKEI VAMPÜ 11:16

Hahepak kü Kahvang touei behethü jom hapüali jomei ong uoshing kü uopüthüi jomei dhe aümei shaei Kahvang kü khümei e,

JOHAN 8:56

Ammei pa Abrahami ngelei nyih deih-ei mongongpeih, hatü büpai ha eetü mongongteke” shei e.

KAHBHAO 21:6

Shaang Sarah-i, “Kahvangi ngei kü nyihübenüng koei peiküteke; ha jung danpü peüi ngei kü nyiphahen khih” shei e.

KAHBHAO 18:12

Hanangkü Sarah-i pinnyülei mongei nyiyei deihtü, “Ngei sheyü wong kemdai, shembüpayü viüdaijü jemteihen mong kü lekahen je?” shei e.

KAHBHAO 17:3

Hahepak kü Abrami aümei sha, hatü Kahvangi büpa kü,

EZEKIEL 1:28

Vang keipü nyih nyiamnyünyiamkangei ow keiha büpa shinei vangngai-i khangteke. Hapayü Shembüpalei müknyinshekhang lepü owhiai nyuteke. Mechem ngei hapa eepa, ngei hanei-i shah eyei dan.

SHAKEI VAMPÜ 5:8

Mechem büpai laidü yahpa, yemmü nyupü yemha ali hatü behethü hapüali-i Mi Cheha touei aümei sha, hatü jom peüei harp, hon shung kü ayingshü maei shihtü nyu, hathüyü daülangpüthüi phoppü nyuteke.

JOB SHAHSHA APPÜ 1:20

Hahepak kü Job yaong hatü büpalei ashak shaaktük, sho chaei kuptük hatü kahdokei aümei shaei khüm,

DANIEL 8:17

Hahepak kü Gabriel, ngei touei peiyei yaongküteke, hatü ngei nyempai kahdokei doei sha. Shejao büpai ngei kü, “Oh dipü mahpü hangkuli, hapa lappü nyingtuh. Hapa manghkhangü kahdoknyü dohpütenpü jung epü khih” shei e.

1 SHÜPPÜKENGPÜ 21:16

David ngangei veishuoh shingkü phumshang jiamei vangsho phongshani yanlu notü Jerusalem tentükhen lak yiüei ee. Hahepak kü David hatü mübüthüi dhoila ashak ümtü dhe shüshi lemteke.

SHAHPHENBÜTHÜ 13:20

Mechem moidü leipü awlom vangsho lemei aongpa, Shembüpalei phongshanao awlom mü lepei aongdai. Ha eeyei Manoah hi chenyüha nyi kahdokei aümei sha.

JOSHUA 7:6

Hahepak kü Joshua-i laophülei ashak shaaktük, hatü om dhüshi Shembüpalei Vangpüshuwpü Pela touei kahdok kü dhe shüshi nyuteke. Israel am behethüiyao hapakei dük hatü shangjing kü bhihla nyioteke.

JOSHUA 5:14

Hapa shennyaki, “Mepayao nevai, shejao ngeiyü Shembüpalei veshan mübü hük leshi peipeih” shei e. Hahepak kü Joshua-i dhüm huei büpalei dhe thaungei shatü, “Büpa chongphobü kü Shembüpai mehe shahjang ehüpa?” shei khümei phe.

SHAHKÜP 9:25

Shembüpai am mahtükhen shei epü nangkü nyih pinyi ya pinyi thahshi ngei Shembüpa tou kü aümei khümpeih,

SHAHKÜP 9:18

Shao amphongi Shembüpa tou mü mehe ten ha dükei mang thah-ei büpa mongshihhüpü nangkü ngei meheyao nehahneyingi nyih pinyi ya pinyi Shembüpa tou kü aümei khüm.

BHEI-IE 16:45

“Khong toueipü shindaishih, ngei chemjalak kü hathü shennyakthü jütükhen hih” shei e, hatü jiji dhe thaungei sha,

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

BHEI-IE 14:5

Hahepak kü Mosa hi Aaron nyi-i thaipü Israel am tou mü kahdokei dhe shüshi shateke.

LEVI 9:24

Shembüpa nyushing leipü aw vamei jakpü moila hatü moidü leipü cheü hahtük. Mechem nanglakthüi hapa eepa, jom peü mongongpai len, hatü dhe dhaongei shateke.

MATHI 2:11

Jomphong shem mongei shüja shingkü naü-ü chenyü Mary mü ee, hatü jomi aümei shaei büpa kü khüm, hatü jomi thintho shep laitü büpa kü hon, ayingshü hatü vong büpü meli shuoh.

LUK SHAHSHA APPÜ 1:18

Zekhariah-i vangsho phongshan kü, “Ha vamkahen shei ngei mekei etü nyinghen? Mehenangkü ngei sheyü viüdai, hatü ngelei nyühayao vangbongi behe leidaiteke” shei e.

KAHBHAO 17:18

Abrahami Kahvang kü, “Ishmael pa-ang ngelei mükjüp vaihen moihimanshih!” shei e.

KAHBHAO 18:11

Abraham hi Sarah nyiyü sheyü viüei bong longi lüdai; Sarahyü hapeü bühhen hepak peihdaitü nyu.

KAHBHAO 21:5

Cheha Isak bühpü hepak kü Abrahamü bong kho hük nyuteke.

KAHBHAO 21:7

Shao pinnyüi, “Sarah-i Abraham kü hapeü bühjahen shei üpai deihshi nyupa? Shejao büpa viüdai pheikü ngei büpa kü yeshang hük bühjapeih” shei e.