KAHBHAO 17:16 - DAÜLANGPÜ LAIHING (BSI)

¹⁶ Ngei pinnyü kü moihimanhen, hatü ngei pinnyü homei nüng kü yeshang hük shuohhen. Pinnyü jat longilei nyü leihen nangkü ngei pinnyü kü moihimanhen; pinnyü kübü nanglakthülei ongthü vamhen” shei e.

KAHBHAO 17:16 Referans Kwoze

KAHBHAO 35:11

Kahvangi büpa kü, “Ngeiyü Jeiyong Kahvang: Nüng kü betjük jükei nanglak longi datuh; nüng kübü jat hük hatü jat khong longi vamhen, hatü nüng kübü ongthü vamhen.

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

KAHBHAO 17:6

Ngei nüngei li longi dahühen; ngei nüng kübü jat longi linghen, hatü nüng kübü ongthü vamhen.

1 PETER 3:6

Hapa keiha Sarah-i Abrahamei ven bang, hatü büpa kü shembüpa shei nyük. Amphongao jiüpü dükpü thahshi hatü am kü nyempü neshiüpü thahshi ammü pinnyülei yiükhathü leinyüke.

ROM SHAHSHA APPÜ 9:9

Mehenangkü lahpeyü hapakei eteke: “Hapa hepak kü ngei nyokei leikahen, hatü Sarah-i yeshang hük angei nyuhen.”

KAHBHAO 24:60

hatü jomi Rebekah kü moihimanei eteke: “Hamei lamei, nüngi haja dok kü haja dahütuh; Nüngei li-i vepathülei chingnyüthü neütuh.”

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

KAHBHAO 1:28

Kahvangi jomphong kü, “Betjük jüktuh, hatü daeishetuh, hatü kahdoknyü mahütuh, hatü ungei-aeiyei tuhtuh, hatü yungching yemhathü, shangouthü hatü kahdoknyülei nyupü yemhimak peü shak kü khei vaituh” shei moihimanei e.

GALATIA 4:23

Aa lanyülei hapeü-ü phai aimü bühteke, shejao chenyühai bühpü hapeü-ü lahpü aimü bühteke.

KAHBHAO 17:15

Kahvangi shao Abraham kü, “Anyüha Sarai kü sheyü Sarai shei nenyükhen; shaang mü leitü Sarah shei nyüktuh.

KAHBHAO 17:19

Hahepak kü Kahvangi, “Nevai, shejao anyüha Sarah-i yeshang hük bühkahen, hatü nüngi ha naü kü Isak shei mentuh. Ngei büpa mü vangpüshuwpü hük linghen, hatü hapayü büpa phei kübü hühihathü shing nedohnetenpü vangpüshuwpü vaihen.

KAHBHAO 21:1

Shaang Shembüpai epükei Sarah kü moihiman hatü Shembüpai Sarah kü lahtükpü dük.

KAHBHAO 25:23

Shembüpai pinnyü kü e: “Nüngei vomei jat nyi nyüke, nüngi bühpü jat nyi laolao yanhen; Hükü hükpa mü wong kohpüba, chejei-i chenaü chongphohen.”

KAHBHAO 36:31

Hathüyü Israel kü mepa ongiyao ong mangvai shekü Edomei ong vaipüthü nyuteke:

KAHBHAO 15:4

Shejao Shembüpalei shah büpa touei peiyei, “Hapa shennyakü nüngei mükjüp nevaihen, shejao nüngei büm kübü hapeü-üng nüngei mükjüp vaihen” shei e.