KAHBHAO 17:1 - DAÜLANGPÜ LAIHING (BSI)

¹ Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 17:1 Referans Kwoze

PHILIPPI 4:13

Ngei wong kohhüpüba homei ngei dou peü dükaokhen.

EPHESIA 3:20

Shaang jeni phepü hatü deihpü peü kü nyeishi üpai jenei mongkü dou dükpai ha dükei ngoihen aoknya,

KAHBHAO 6:9

Hathüyü Noahlei hühihathü: Noah-ü daülangshemshepü shennyak nyu, hatü büpa hepak kü hangku khongkü eela neshiüpü yangnyu, hatü büpa Kahvang mü kam.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

MENVIH KESHO 116:9

Yemmü nyupü kahdok kü ngei Shembüpa mü kamnyeih.

MATHI 5:48

Vangsho leipü Pa keiha amphong changpüshapü leituh.

ISAIAH 38:3

“Oh Shembüpa, ngei nüng touei monghahshi, mongdang kempai hinglemei hatü nüng touei mehe mei, ha dükei kampü deih-ei dangtuh” shei phopei e, hatü Hezekiah-i shahyaki thep.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

KAHBHAO 18:14

Shembüpai neaokbenüng lemhük nyüpü je? Jiüpü hepak hük kü ngei nyokei leikahen, hatü Sarah-i yeshang hük büh-ei nyuhen” shei e.

SHAHKÜP 18:13

Shembüpa, ammei Kahvang touei am eela nekoh-i nyutuh.

MATHI 19:26

Jisui jomphong kü veitü, “Hangku shingvaishi hayü neaokbenüng shejao Kahvang shingvaishi peü aokbenüng” shei e.

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

KAHBHAO 28:3

“Jeiyong Kahvangi nüng kü moihimanhen, nanglak longi dahühen, hatü nanglak khongnyü longpü leihühen.

2 ONGPATHÜ 20:3

“Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

1 ONGPATHÜ 3:6

Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

KAHBHAO 35:11

Kahvangi büpa kü, “Ngeiyü Jeiyong Kahvang: Nüng kü betjük jükei nanglak longi datuh; nüng kübü jat hük hatü jat khong longi vamhen, hatü nüng kübü ongthü vamhen.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

PHONGSHANTHÜ DOU 24:16

Hanangkü ngei meiden doh-ei Kahvang hatü hangku touei düngei chudeih mongdang daülangi nyuhen khenyeih” shei e.

KAHBHAO 48:15

Joseph kü moihimanei hapakei e: “Kahvang üpa kü ngelei bühipai chongphopa, Kahvang üpai shinnyih thahshi ngelei yangnyu müpa,

KAHBHAO 12:1

Shaang Shembüpai Abram kü, “Nüngei kahmük, nüngei shem am, hatü ampalei shem tuhtü ngei nüng kü huphahen kahdokei daituh” shei e.

KAHBHAO 5:24

Enokh Kahvang mü kam, hatü büpa nenyu; mehenangkü Kahvangi büpa yahlang.

PHONGSHANTHÜ DOU 23:1

Pauli shahtap kübü nanglakthü kü hüngei veitü, “Jeihinaüthü, shinnyih thahshi ngei ngelei chudeih mongdang meipüba kü Kahvang touei ngelei yangnyu jiüshi nyuei heihtepih” shei e.

MENVIH KESHO 115:3

Hamei Kahvang vangsholei nyüpeih, büpai mehe na, ha düknyüpeih.

JOB SHAHSHA APPÜ 11:7

Nüngi Kahvangei doujo nyingaokhen je? Nüngi Jeiyong Kahvangi neaokbenüng yemaokhen je?

1 ONGPATHÜ 2:4

hatü Shembüpai ngei kü lah-ei, ‘Nüngei hühihathüi jomei lem kü lishi nyujema, hatü jomei mongdang hatü laangha kempai ngei touei shahhing kü kamjema, Israel ong uoshing kü uohen shennyak netao-i nyuhen’ ” shei epeih.

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

BHEI-IE 11:23

Shembüpai Mosa kü, “Shembüpalei nganhiwong maani mon nyüpü hiang? Ngei epü jiüshi nevamkahen hi vamkahenshang nüngi shaang eehen” shei e.

MÜLANGPÜ 6:3

Ngei Abraham touei, Isak touei hatü Jakob touei Jeiyong Kahvang shei shakei vamei hupeih, shejao ngelei daülangpü men, “Shembüpa” shei jomphong üpa kao nenyinghüangpih.

KAHBHAO 18:1

Nyihnüng shaampü nangkü Mamrelei longkham püchong yopai kübü büpalei ashakshem shadenei Abraham uoshi nyushingkü büpa touei Kahvang peiteke.

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

1 ONGPATHÜ 8:25

Hanangkü Oh Shembüpa, Israel Kahvang, ‘Nüngei hühihathüi nüngi dükpü keiha jom kenhingshi kamjema nüng kü jeiyei Israel ong uoshing kü nüngei hühihathü nedoh-i uohen’ shei nüngei chongphobü opa David kü lahpü hapa jiüshi dükshih.

KAHBHAO 16:16

Hagar-i Ishmael bühpü hepak kü Abramü bong 86 nyuteke.

KAHBHAO 5:22

Büpai Methuselah bühpheikü Kahvang mü bong 300 kam, hatü lebü yiükha yeshangthü büh.

KAHBHAO 24:40

Büpai ngei kü, ‘Ngelei hapeü shing nyüha hük ngelei mükhiphang hatü opalei shem am kübü danghen shingvaishi ngei ven danei kampü Shembüpai büpalei vangsho phongshan nüng mü shomhen, hatü nüngei yendai aokpü danghen.

KAHBHAO 26:2

Shembüpa Isak touei vamei, “Nüng Ijiplei teyiü; ngei nyutuh shei epü kahdokei nyutuh.

KAHBHAO 43:14

hükpa anaü hatü Benjamin nyokei shomhühen mü hapa shennyak touei Jeiyong Kahvangi amphong phahjiphahen aokpeih. Ngei shingvaishiyü ngei tuhphongtü hapeüthü didaijao mehe enüng” shei e.

KAHBHAO 46:3

Hahepak kü büpai, “Ngeiyü Kahvang, ampa amei Kahvang. Nüng Ijiplei yiühen tenyem; mehenangkü ngei nüng jat longpü hük leihühen.

SHAHKÜP 30:20

hatü ammi Shembüpa, ammei Kahvang kü bamtuh, büpalei shah bangtuh hatü büpa kü wongshongi shoungtuh. Mehenangkü Shembüpayü ammei yangnyu nyüke, hatü büpai ammei bühipa Abraham, Isak hatü Jakob kü shuohhen shei lahpü kahdokei vangbong longi nyuhen.

MENVIH KESHO 25:14

Shembüpai büpa kü nyempüthü kü shahmong ngaiyei enyeih. Shembüpai laophülei vangpüshuwpü nyinghünyeih.

KAHBHAO 48:3

hatü Jakobi Joseph kü, “Jeiyong Kahvangi Kanan kahdok Luzlei ngei touei vamei,

BHEI-IE 24:16

Kahvangei shah danaokpü shennyaki tetpüvanpü shah; Üpa kü Jaipübalei kon nyüpa, üpai Shembüpa Kahvang leipü manghkhang eenya, Üpai mük vamshi, shejao shomeiyingei shanya:

KANDOK 10:9

Üami shahhing kü kamnya, nenyemi kamnyüpeih, shejao üami lemkaok kü kamnya, yephahshasha.