KAHBHAO 16:11 - DAÜLANGPÜ LAIHING (BSI)

¹¹ Shembüpalei phongshani shao pinnyü kü eteke: “Nüng sheyü hapeü nyüke, hatü yeshang hük bühhen. Nüngi büpa kü Ishmael shei menhen; Mehenangkü Shembüpai nüngei mongshang nyingteke.

KAHBHAO 16:11 Referans Kwoze

MÜLANGPÜ 3:7

Hahepak kü Shembüpai, “Ijip kahdokei nyupü ngelei nanglakthü ponghahpü ngei eeteke; dou kü hienbüthüi shüveipü nangkü lenpüwongpü ngei danteke. Ngei jom ponghahpü nyingteke,

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

1 SAMUEL 1:20

Hahepak kü Hannah büm nekongi lei, hatü yeshang hük büh. Pinnyüi naü kü, Samuel, lappai, “Ngei büpayü SHEMBÜPAleipü yühahpeih” shei men.

KAHBHAO 17:19

Hahepak kü Kahvangi, “Nevai, shejao anyüha Sarah-i yeshang hük bühkahen, hatü nüngi ha naü kü Isak shei mentuh. Ngei büpa mü vangpüshuwpü hük linghen, hatü hapayü büpa phei kübü hühihathü shing nedohnetenpü vangpüshuwpü vaihen.

LUK SHAHSHA APPÜ 1:63

Büpai yaongshung hük yahkei shei e, hatü, “Büpalei menü Johan” shei nyang. Ha kü jom peü thama.

JOB SHAHSHA APPÜ 38:41

Asha chehathüi Kahvang kü lenshingkü, hatü het nedangi longteishingkü üpai het shuohnya?”

MÜLANGPÜ 3:9

Shaang Israel am lenpüwongpü ngei ngoiteke hatü Ijip ami mekei jom kü shüveinya ngei eeteke.

LUK SHAHSHA APPÜ 1:31

Shaang nüngi büm nekongi leihen hatü yeshang hük bühhen, hatü nüngi büpa kü Jisu shei menhen.

LUK SHAHSHA APPÜ 1:13

Shejao vangsho phongshani büpa kü, “Zekhariah, nüng tenyem; mehenangkü nüngi phoppü danteke. Anyüha Elizabeth-i yeshang hük angkahen, hatü nüngi büpa kü Johan shei menhen.

MENVIH KESHO 22:24

Mehenangkü büpai shanghahpüthü, hatü ponghahpüthü kü ne-ienelemi yaktükei neshiü. Büpai büpalei dhe ngei toueipü nejodai. Shejao ngei büpa kü nyükjü büpai ha danlangpeih.

KAHBHAO 37:25

Hapheikü jomphong hahyingei nyushing kü jomi veishuohjü Ishmael am ut kü uotü Gilead leipü müh, meli hatü nyalingngupai van kotü Ijiplei yiüjapü eeteke.

KAHBHAO 21:17

Kahvangi naü theppü dan, hatü vangsho phongshani vangsho leipü Hagar kü nyüktü pinnyü kü, “Hagar, nüng mehekei mongshangnya? Nüng tenyem; mehenangkü naü nyupü shing leipü naüei ngeü Kahvangi danteke.