KAHBHAO 15:18 - DAÜLANGPÜ LAIHING (BSI)

¹⁸ Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

KAHBHAO 15:18 Referans Kwoze

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

KAHBHAO 24:7

Shembüpa, vangsho Kahvang, üpai ngei opalei shem, ngelei kahmük kübü müei dai, hatü ngei kü lah-ei, “Nüngei hühiha kü ngei hapa kahdok shuohhen shei epa, ngelei hapeü shing nüngi nyüha danghen mü büpai büpalei vangsho phongshan nüng shekü shomkahen.

KAHBHAO 13:15

Nüngi eepü kahdok kemei ngei nüng hatü nüngei lihilathü kü den shing shuohhen.

ISAIAH 27:12

Hapa nyih kü Shembüpai Euphrates yungyen kübü Ijip viong thahshi am Israel am hük pheikü hük thailanghen,

NEHEMIAH 9:8

Büpalei mongdangi nüng kü hinglempü nüngi nying, hatü nüngi büpalei hühihathü kü Kanan, Hit, Amor, Perizz, Jebus hatü Girgash amei kahdok shuohhen büpa mü vangpüshuwpü lingteke. Nüngi lahtükpü lakshing tuh; mehenangkü nüngü shahhing nyüke.

SHAHKÜP 11:24

Ammei la-i shouppü shing peü ammei vaihen; ammei kahdokü yingnyü kübü Lebanon thahshi, hatü Euphrates yungyen kübü Mediterranean Yungching thahshi nyuhen.

BHEI-IE 34:5

haleipü nyokei leidaipü Ijip kahdok Wadi hatü Mediterranean Yungching kü doh-ei nyuhen.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

2 SHÜPPÜKENGPÜ 9:26

Büpai Euphrates kübü Philistia kahdok hatü Ijip viong thahshi kübü ongthü peü shak kü vanglem lem.

SHAHKÜP 34:4

Hahepak kü Shembüpai büpa kü, “Hapayü ngei Abraham, Isak hatü Jakob hathü kü ngei ammei hühihathü kü shuohhen shei lahpü kahdok nyüke. Ngei nüng kü ha huphünyeih, shejao nüng halei nepeiaokhen” shei eshuohteke.

MÜLANGPÜ 23:23

Ngelei phongshani am sheshongkahen, hatü am Amor, Hit, Pirizz, Kanan, Hiv, hatü Jebus amei kahdokei müei leihen, hatü ngei jom mahtükhen,

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

1 ONGPATHÜ 4:21

Solomoni Euphrates yungyen kübü Philistia kahdok hatü Ijip amei viong thahshi kü nyupü ongchingthü kü vanglem lem. Hapa jatthüi büpa kü bom shuoh, hatü jomphongü büpalei den kemei kü büpalei nanglakthü leiteke.

MENVIH KESHO 105:11

“Ammei mükjüp vaishi ngei am kü Kanan kahdok shuohhen” shei eyei nyüke.

JOSHUA 15:4

Hapheikü shao Azmon homei heih-ei Ijip mü viong kübü yungyen phungei aongei Mediterranean yungching kü leanshi nyuteke. Hapayü pehephi kü Judah amei viong nyuteke.

SHAHKÜP 7:1

Mechem Shembüpa, ammei Kahvangi am kü hapa kahdok shuohhen shingvaishi müei leihenshang, büpai am mü longpü hatü wong kohpü jat nyet– Hit am, Girgash am, Amor am, Kanan am, Perizz am, Hiv am, hatü Jebus am amphong toueipü changtükhen.

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

KAHBHAO 35:12

Ngei Abraham hatü Isak kü shuohpü kahdok ngei nüng kü shuohhen hatü nüng pheikü nüngei hühihathü kü shuohhen” shei e.

KAHBHAO 28:4

Büpai nüng hatü nüngei hühiha kü Abrahamei moihiman shuohhen; nüngi shaang benha vaishi nyupü Abraham kü Kahvangi shuohpü ha kahdok nüngei vailanghen” shei e.

MÜLANGPÜ 34:11

Shinnyih ngei am kü shuohpü shahkungnyü ven bangtuh. Ngei am toueipü Amor am, Kanan am, Hit am, Perizz am, Hiv am, hatü Jebus am changtükhen.

MÜLANGPÜ 6:4

Ngei jom mü Kanan kahdok melei jom benha kei nyupa, hapa kahdok shuohhen shingvaishi vangpüshuwpü lingpeih.

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

1 SHÜPPÜKENGPÜ 5:9

Heongphi kü jomi bhih kahdok kübü heihdaipü Euphrates yungyen thahshi kahdok kaamteke; mehenangkü Gilead kahdokei jomei yemhimakthü longi da.

2 SAMUEL 23:5

Ngelei mong Kahvang mü hapakei nenyupü je? Lemphü kü shüpeikengei, yangei, büpai ngei mü nedohnetenpü vangpüshuwpü nelingangpü je? Büpai ngei napü peü kü betjük nejükhühen je?

KAHBHAO 2:14

Jempabü yungyenü Tigris; hapai Assyria heongphi kü yennyüke, hatü alipabü yungyenü Euphrates nyüke.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

2 SAMUEL 8:3

Rehobei cheha, Zobah amei ongpa Hadadezeri Euphrates yungyen kü nyupü kahmükthü büpai shümei omlanghen daiyei nyushingkü Davidi büpa mü hokei neüteke.

PHONGSHANTHÜ DOU 7:5

Büpai büpa kü lakham hükao hapa kahdok mükjüp vaishi kungei neshuoh, shejao hapayü büpa kü hatü hahepak kü hapeü nenyujao büpa pheikü büpalei hühihathü kü jomei lompü vaihen shuohhen shei lahpeih.

SHAKEI VAMPÜ 9:14

amit nopü vokpabü vangsho phongshan kü, “Longpü Euphrates yungyenei küpshi nyupü vangsho phongshan ali veyeishuoh” shei epü ngei dan.

MÜLANGPÜ 6:8

Ngei Abraham, Isak, hatü Jakob kü shuohhen shei lahpü kahdokei am müei leihen, hatü denden shing am lompü vaihen ngei am kü shuohhen. Ngeiyü Shembüpa” shei etuh.

MÜLANGPÜ 13:11

Mechem Shembüpai am hatü ammei bühipa kü lahpükei Kanan kahdokei müei leiyei am kü ha yahphahenshang,

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

SHAHKÜP 12:20

Mechem Shembüpa, ammei Kahvangi lahpükei ammei kahmük viong dahühenshang, ammi hahhüpüshük phai hahhen aok.

SHAHKÜP 19:8

Mechem Shembüpa, ammei Kahvangi ambü ampa kü lahpükei ammei kahmük viong dahühenshang, hatü jom kü lahpü kahdok am kü shouhhenshang,

2 SHÜPPÜKENGPÜ 7:8

Hahepak kü Solomon hatü Israel nanglakthüi nyih nyet thahshi mo moteke, hatü khongnyü longi Lebo-hamath kübü Ijip thahshi thai.

2 SHÜPPÜKENGPÜ 8:7

Hit, Amor, Perizz, Hiv hatü Jebus am nanglak nejütüki aopüthü üam Israel nanglak nevai,

EZRA 4:20

Jerusalem kü wong kohpü ongthü nyuei Euphrates heshüphi kü vanglem lemei lat hatü bom jom kü shuoh-ei nyuhampü khih.

MÜLANGPÜ 2:24

Kahvangi jom theppüyoungpü dan, hatü büpai Abraham, Isak hatü Jakob mü vangeishuwpü deih-ei dang.

MÜLANGPÜ 34:24

Mehenangkü ngei am shekü jatthü changtükhen, hatü ammei kahmük viong dahühen; Shembüpa, ammei Kahvang kü khümnüng vangbong kü jempa daishingkü üamiyao ammei kahmük kü mük nehühhen.

LEVI 26:42

shejüang ngei Jakob mü vangeishuwpü deih-ei danghen, hatü Isak mü hatü Abraham mü ngei vangteishuwteipü deih-ei danghen, hatü ngei jom kü shuohhen lahpü kahdok deih-ei danghen.

LEVI 26:45

Ngei jomei Kahvang vaihen shingvaishi ngei jatthüi eeshi Ijip kahdok leipü jomei chebü chepa mü vangteipü ngei jom kü phahjiei deih-ei danghen. Ngeiyü Shembüpa.

JOSHUA 13:3

‘Ijip kü heongphi Shihor kübü apshaphi Ekron viong thahshi, hathü kü Kanan am shei enyüke; halei Philistia am ongthü, Gaza, Ashdod, Ashkelon, Gath hatü Ekron kü nyüke’, hatü Avvim amei kahdokthü,

1 ONGPATHÜ 5:1

Mechem chepa David kü jeiyei ong vaihen cheha Solomon jeteke shei Tyre ongpa Hirami danpa, büpai laophülei chongphobüthü Solomon touei shom; mehenangkü büpa düngei David mü mongjem pongei nyu.

1 SHÜPPÜKENGPÜ 16:16

Büpai Abraham mü vangeishuwpü hatü Isak mü lahteipü deihnyüpeih.

JEREMIAH 32:22

Nüngi chebü chepa kü amma hatü nyahjiü mon yenpü kahdok shuohpeih.