KAHBHAO 14:14 - DAÜLANGPÜ LAIHING (BSI)

¹⁴ Mechem Abrami chenaü yepei lüdaipü jung danpa, büpai shemei bühpü veshanthü jom 318 mütü Dan thahshi changei dai.

KAHBHAO 14:14 Referans Kwoze

SHAHPHENBÜTHÜ 18:29

Jomphongi hapa Laish ching kü Jakobei cheha jomei chebülei men Dan shei men.

KAHBHAO 15:3

Hatü Abrami, “Nüngi ngei kü hapeü neyahpha, hatü ngelei shemei bühpü aa-i ngelei mükjüp yahhen khih” shei e.

CHONGVENBÜ 2:7

Ngei nyüha hatü baha aathü shak, hatü ngelei shemei aathüi aa bühteke; ngei shekü Jerusalemei nyupüthüi angpü peü mü nyeishi ngei mohoh hatü mithü longi angteke.

SHAHKÜP 34:1

Hapheikü Mosai Moab kahji leipü Jeriko homei Nebo Kahshang Pisgah shangtao thahshi aongteke. Halei Shembüpai büpa kü kahdok kemei Gilead kübü Dan thahshi,

KAHBHAO 17:27

hatü shemei bühpü, kung am lopi shakpüthü peü büpa mü shuw japteke.

KAHBHAO 17:12

Ngoikahen den peü kü nüng mü nyupü bahanaü peü nüngei shemei bühpü vaijao, kung am nüngei li nevaipü lop shuohtü shakpü vaijao nyih shetpabü kü shuw japtüktuh.

KAHBHAO 12:5

Büpai chenyüha Sarai, chenaüei cheha Lot, büpai thaihahpü mop kemei hatü aathü peü yahhahtü Kanan kahdokei layaongei daiyei ngoiteke.

1 JOHAN 2:18

Bampü hashihthü, hapayü dohpü hepak nyüke. Khrista khüpü vamkünyüke shei ammi danei nyupükei shaang Khrista khüpüthü longi vamteke. Ha homei shaang jeni hapayü dohpü hepak shei nyingnyüke.

MENVIH KESHO 68:12

Ongpathü hatü veshanthü lomi nyaidainyüke; jomei baümtapei douhinangthü hanteinyüke.

SHAHPHENBÜTHÜ 20:1

Hahepak kü Israel am peü Dan kübü Beer-sheba hatü Gilead kahdok kübüao omshi büm hük kei shepei shatü Mizpahlei Shembüpa touei thaiteke.

KAHBHAO 23:6

“Longpüba, hami epü banghümao; jenphong khongkü nüngü wong kohpü ongpa khih. Hamei mahngchong peü mü meipübalei mahng vütuh. Nüngi mahng vühen shingvaishi üpaiyao tah shei ne-ephapih” shei e.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

KAHBHAO 13:8

Hahepak kü Abrami Lot kü, “Ji aa kü hatü jilei mi yombüthü aa kü meheyao dehilao nenyushah; mehenangkü jiyü shem am hih.

KAHBHAO 12:16

Pinnyülei men kü büpai Abram kü longi meishi jung hatü Abrami mi, mohoh, gadu chebi chebaong, nyüha hatü baha aathü hatü ut longi dangteke.

KANDOK 17:17

Küphü hük mü hepak peü kü bamteinyeih, hatü jeihinaü-ü shanghah kü sheühteihen bühnyüpeih.

KAHBHAO 14:12

Jomi Abramei chenaü Lot Sodomei nyupü nangkü büpa hatü mophimo kemei yah-ei lüdai.

KAHBHAO 14:16

Büpai douthü peü dang, hatü chenaü Lot hatü büpalei mophimo mü nyühathü hatü lebü shennyakthüao yah-ei lei.

KAHBHAO 17:23

Ha nyih-üng Abrahami cheha Ishmael, hatü shemei bühpüthü hatü lopi shakpüthü peü kü Kahvangi epükei shuw japteke.

1 ONGPATHÜ 15:20

Ben-Hadadi Asa-i epü kü mong, hatü büpalei veshanthü Israel kü chingnyüthü hahhen shom. Büpai Ijon, Dan, Abel Beth-Maakah hatü Khinneroth hatü Naphtali kahdok kemei hahtük.

JEREMIAH 41:12

jomi jomei shennyakthü mütü Nethaniahlei cheha Ishmael mü hokhen dai. Jomi büpa phei changei daiyei Gibeon leipü yungkuk longpü shingei thahteke.

1 SAMUEL 30:19

Hashih nevaijü behe, yeshang nevaijü yiükha, jomi yah-ei daipü dou meheyao nemah.