KAHBHAO 14:13 - DAÜLANGPÜ LAIHING (BSI)

¹³ Yangei daipü shennyak hüki Hebrew am Abram touei peiyei büpa kü ha jung ejateke. Shaang Abramü Amor am Mamrelei longkham püchong yopailei nyu. Mamre hatü chenaü Eshkol hatü Aner hathüyü Abramei mongjempathü nyu.

KAHBHAO 14:13 Referans Kwoze

KAHBHAO 13:18

Hanangkü Abrami büpalei baümtap chaiyei daiyei Hebron Mamre leipü kahdok longkham püchongei nyu, hatü halei büpai Shembüpa kü moidü hük ling.

KAHBHAO 14:24

Ngei payü meheyao neyahhahpih, shejao nethethüi mehe hah, hatü ngei mü daipü Aner, Eshkol hatü Mamre hathülei phaihan nyemyahhah” shei eteke.

KAHBHAO 40:15

Ngeiyü Hebrew kahdok leipü güh-ei deilangpeih, hatü jomi shaang ngei kü hatouei khoklat kü tuhhen mü ngei mehe tenao nedükangpih” shei e.

PHILIPPI 2:5

Khrista Jisu kü nyupü aihük chudeih mongdang am kü nyuhütuh.

2 KORINT 11:22

Jom mon Hebrew am je? Ngeiyao hih. Jom mon Israel am je? Ngeiyao hih. Jom mon Abrahamei hühihathü je? Ngeiyao hih.

JONAH 1:9

Jonah-i, “Ngeiyü Hebrew am hih” shei jangei e. “Ngei Shembüpa, vangsho Kahvang, üpai yungching hatü kahdoknyü ling, büpa kü khümnyüpeih” shei jangei e.

JOB SHAHSHA APPÜ 1:15

Sabea am peiyei kemei yah-ei lüdaiteke hatü aathü peü jütükteke; ngei mon nüng kü hapa ehen yangpü khih” shei e.

1 SAMUEL 4:12

Ha nyih Benjamin am shennyak hük thepju kübü büpalei ashak shaktüktü, hatü shangjing kü kahdok nyiotü Shilohlei leiteke.

BHEI-IE 21:21

Hapheikü Israel ami Amor amei ongpa Sihon touei phongmokbü shomei hapakei eteke:

MÜLANGPÜ 2:11

Nyih hük Mosa nethe leipheikü büpa laophülei Hebrew nanglakthü touei pei, hatü jom kü kangei douwong dükhüpü büpai ee. Büpai laophülei Hebrew shennyak hük kü Ijip am hüki longi üpei ee.

MÜLANGPÜ 2:6

Mechem pinnyüi ha apei veishuohpa, bahanaü hük nyuteke. Ha naü thep, hatü pinnyüi ha naü kü longi shinshangei deih. “Hapayü Hebrew amei naü vaihen khih” shei pinnyüi e.

KAHBHAO 43:32

Joseph hayaoha, jomphongao hayaoha, hatü Ijip am büpa mü hahyingpüthü hayaoha shing hükei hahying; mehenangkü Ijip ami Hebrew am mü hahyinghenü Ijip am keyü chaibenüng nyuteke.

KAHBHAO 41:12

Halei khoklat yompü veshan mübülei shemei henji mü Hebrew am nethe hük shepeih. Henji-i büpa kü mangh ejajü büpai hathü mangh lappü tetei ephopeih,

KAHBHAO 10:16

Jebus, Amor, Girgash,

KAHBHAO 39:14

pinnyüi shem am kü nyüktü, “Veituh, ngelei bahai hapa Hebrew amü jen kü mükshüngshenaamhen shakpü khih! Büpai ngei mü shinüng shüküpeih, hatü ngei wongmü ngeü anei lenpeih,

KAHBHAO 18:1

Nyihnüng shaampü nangkü Mamrelei longkham püchong yopai kübü büpalei ashakshem shadenei Abraham uoshi nyushingkü büpa touei Kahvang peiteke.

KAHBHAO 21:27

Hanangkü Abrahami mi hatü mohohbaongthü yah-ei Abimelekh kü shuoh, hatü jijinyi-i vangpüshuwpü ling.

KAHBHAO 21:32

Jijinyi Beer-shebalei vangpüshuwpü lingpheikü Abimelekh hi veshan mübü Phikol nyi Philistia kahdok yemei leidai.

MÜLANGPÜ 3:18

Nüngi mehe enya ngelei nanglakthüi ha bangkahen; nüng hatü Israel behethü Ijip ongpa touei peiyei büpa kü, “Shembüpa, Hebrew amei Kahvang ham touei shakei vamküteke. Shembüpa, hamei Kahvang kü jahpanei nyih jem lem kü daiyei jakpü moila shuohhen ham kü mongshih” shei eyeishuoh.

BHEI-IE 13:23

Mechem jom Eshkol Kahji ngoipa, jomi nyalingngupai choung hük mon nyupü kao dakteke. Shennyak nyi-i lüng kü hapa shatü pai, hatü ha mü pomegranat betjük hatü adhajükao leiteke.

JEREMIAH 34:9

Hebrew am aathü, nyüha baha peü bümei leihühen; jempü Hebrew am aa vaishi netuhhen vaipü khih shei eteke.

KAHBHAO 21:24

Abrahami, “Ngei lahnyüpeih” shei e.

1 SAMUEL 29:3

Philistia am veshan mübüthüi jomphong eeyei, “Hathü Hebrew am hatouei mehe lingnya?” shei phe. Akhish ongpai Philistia am mübüthü kü, “Hapayü Israel ongpa Saulei lakchongbü David nevaipü je? Büpa ngei mü bong kansho hük nyuei heihpeih hatü büpai Saul tuhphongtü peiküpü nyih kübü shinnyih thahshi büpai pungpü shei ngei neheüangpih” shei e.