KAHBHAO 14:12 - DAÜLANGPÜ LAIHING (BSI)

¹² Jomi Abramei chenaü Lot Sodomei nyupü nangkü büpa hatü mophimo kemei yah-ei lüdai.

KAHBHAO 14:12 Referans Kwoze

KAHBHAO 12:5

Büpai chenyüha Sarai, chenaüei cheha Lot, büpai thaihahpü mop kemei hatü aathü peü yahhahtü Kanan kahdokei layaongei daiyei ngoiteke.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

KAHBHAO 11:27

Hathüyü Terahlei hühihathü: Terah-ü Abram, Nahor hatü Haran hathülei chepa nyu, hatü Haranü Lotei chepa nyu.

SHAKEI VAMPÜ 18:4

Hapheikü ngei vangsho leipü lebü ngeü hük hapakei eyei dan: “Ammi pinnyülei mang kü hean neyahhen shingvaishi, hatü pinnyülei cham nehanhahhen shingvaishi pinnyü leipü vamdaikei ngelei nanglak;

JOB SHAHSHA APPÜ 9:23

Mechem vongshüh homei ngangahük kü dihen peinya, büpai nepungpüthü lomohpü küang nyinyüke.

BHEI-IE 16:26

Büpai nanglakthü kü, “Hapa nemeipü shennyakthülei ashakshem leipü lüdaikemtuh, hatü jomei doulem mepa kao laki tehong, hei nevaijema jomei mang tata kü amao jom mü maolanghen” shei e.

KAHBHAO 14:11

Hathü ong ali-i Sodom hatü Gomorrah amei douthü, hatü hahying kemei shetei leidai.

KAHBHAO 14:14

Mechem Abrami chenaü yepei lüdaipü jung danpa, büpai shemei bühpü veshanthü jom 318 mütü Dan thahshi changei dai.

KAHBHAO 14:16

Büpai douthü peü dang, hatü chenaü Lot hatü büpalei mophimo mü nyühathü hatü lebü shennyakthüao yah-ei lei.

KAHBHAO 11:31

Terah-i cheha Abram, chehü Lot, Haranei cheha, hatü cheha Abramei nyüha Sarai müei Babylonia kahdok Ur ching tuhtü Kanan kahdokei layaongei dai, shejao jomphong Haranei nyu.