KAHBHAO 12:7 - DAÜLANGPÜ LAIHING (BSI)

⁷ Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

KAHBHAO 12:7 Referans Kwoze

GALATIA 3:16

Shaang Abraham hatü büpalei li kü lahpüthü ling; “Nüngei lihilathü kü” shei longi nyupükei eyei neshiü, shejao, “Nüngei li kü” shei eyei nyüke, lappai, shennyak hük, hapayü Khrista.

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 18:1

Nyihnüng shaampü nangkü Mamrelei longkham püchong yopai kübü büpalei ashakshem shadenei Abraham uoshi nyushingkü büpa touei Kahvang peiteke.

KAHBHAO 13:15

Nüngi eepü kahdok kemei ngei nüng hatü nüngei lihilathü kü den shing shuohhen.

KAHBHAO 13:4

halei büpai shongei moidü hük ling. Halei Abrami Shembüpa kü khüm.

KAHBHAO 13:18

Hanangkü Abrami büpalei baümtap chaiyei daiyei Hebron Mamre leipü kahdok longkham püchongei nyu, hatü halei büpai Shembüpa kü moidü hük ling.

MÜLANGPÜ 33:1

Shembüpai Mosa kü, “Nüng hatü nüngi Ijip leipü müei daipü nanglakthü peü hapa shing tuhphongtuh, hatü layaongei ngei Abraham, Isak, hatü Jakob kü, ‘Ammei hühihathü kü shuohhen’ shei lahpü kahdokei daituh.

KAHBHAO 32:30

“Hanangkü Jakobi hapa shing kü Peniel shei men; mehenangkü büpai ngei Kahvang dhe dhe gongei eetepih shei e, shejao ngelei yangnyu yangei nyüpeih” shei e.

KAHBHAO 26:25

Isaki halei moidü hük lingtü Shembüpa kü khüm. Büpai halei ashakshem ve, hatü büpalei chongphobüthüi yungkuk kukteke.

BHEI-IE 32:11

Mehenangkü jomi mong kempai ngei kü hingshangi nenyupü nangkü Ijip leipü vamei daipü baha bong kukha, hatü ha dok kübü üpayao ngei Abraham, Isak hatü Jakob kü lahpü kahdokei neshüaokhen.

KAHBHAO 12:8

Hapheikü büpa shao daiyei Bethel kü heongphi lemei ashakshem ve; Bethel heshü philei hatü Ai heong philei nyuteke. Hatouei büpai Shembüpa kü moidü hük lingtü Shembüpa kü khümteke.

HEBREW 11:13

Ha shennyakthü peü jom dipü thahshi hinglempü kü nyu. Jomi lahtükpü douthü nedang, shejao jomi tailuei hathü dou peijapü eeyei mongong. Jomi hapa kahdoknyü kü jomphongü yenpa hatü benha shei deih;

ROM SHAHSHA APPÜ 9:8

Hapa lappeyü iy hi phai kübü hapeüthüyü Kahvangei hapeüthü nevai, shejao lahpü kübü vampü lihila kü mon Abrahamei hühihathü shei iehen.

KAHBHAO 22:9

Mechem Kahvangi hupü shingei jiji ngoipa, Abrahami halei moidü hük lingtü pü ai jiüei bhaongei haü. Büpai cheha Isak kü shatü moidülei pübhaong shangkü haüteke.

KAHBHAO 17:3

Hahepak kü Abrami aümei sha, hatü Kahvangi büpa kü,

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

GALATIA 4:28

Shaang jeihinaüthü, jenphongü Isak keiha lahpü kübü hapeüthü.

SHAHKÜP 30:20

hatü ammi Shembüpa, ammei Kahvang kü bamtuh, büpalei shah bangtuh hatü büpa kü wongshongi shoungtuh. Mehenangkü Shembüpayü ammei yangnyu nyüke, hatü büpai ammei bühipa Abraham, Isak hatü Jakob kü shuohhen shei lahpü kahdokei vangbong longi nyuhen.

SHAHKÜP 6:10

Mechem Shembüpa, ammei Kahvangi ammei bühipa Abraham, Isak hatü Jakob kü lahpü kahdokei am müei shühenshang, hapa kahdok kü ammi nelingpü longpü hatü moihiman chingnyü büpai am kü shuohhen.

SHAHKÜP 1:8

Veituh, hapa kahdokü ngei am kü shuohtepih. Ammei bühipa Abraham, Isak hatü Jakob hatü jomei hühihathü kü Shembüpai shuohhen shei lahpü kahdokei shüei hapa yahtuh’ ” shei eteke.

MÜLANGPÜ 6:3

Ngei Abraham touei, Isak touei hatü Jakob touei Jeiyong Kahvang shei shakei vamei hupeih, shejao ngelei daülangpü men, “Shembüpa” shei jomphong üpa kao nenyinghüangpih.

KAHBHAO 33:20

Halei büpai moidü hük ling, hatü ha kü El-Elohe Israel shei menteke.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

KAHBHAO 8:20

Hapheikü Noah-i Shembüpa kü moidü hük ling, hatü daülangpü yemhimak hatü ou hanei yah-ei halei jakpü moila shuoh.

PHONGSHANTHÜ DOU 7:5

Büpai büpa kü lakham hükao hapa kahdok mükjüp vaishi kungei neshuoh, shejao hapayü büpa kü hatü hahepak kü hapeü nenyujao büpa pheikü büpalei hühihathü kü jomei lompü vaihen shuohhen shei lahpeih.

HEBREW 11:8

Hinglempai Abrahami ven danei büpai mükjüp vaishi danghen shei epü shingei nyükshingkü layaongei dai; büpa melei dainya, nenyingi layaongei dai.

KAHBHAO 24:7

Shembüpa, vangsho Kahvang, üpai ngei opalei shem, ngelei kahmük kübü müei dai, hatü ngei kü lah-ei, “Nüngei hühiha kü ngei hapa kahdok shuohhen shei epa, ngelei hapeü shing nüngi nyüha danghen mü büpai büpalei vangsho phongshan nüng shekü shomkahen.

MÜLANGPÜ 6:4

Ngei jom mü Kanan kahdok melei jom benha kei nyupa, hapa kahdok shuohhen shingvaishi vangpüshuwpü lingpeih.

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

SHAHKÜP 9:5

Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

SHAHKÜP 34:4

Hahepak kü Shembüpai büpa kü, “Hapayü ngei Abraham, Isak hatü Jakob hathü kü ngei ammei hühihathü kü shuohhen shei lahpü kahdok nyüke. Ngei nüng kü ha huphünyeih, shejao nüng halei nepeiaokhen” shei eshuohteke.

1 SHÜPPÜKENGPÜ 16:16

Büpai Abraham mü vangeishuwpü hatü Isak mü lahteipü deihnyüpeih.

KAHBHAO 13:17

Shaang, layaongei kahdok bahiyang kemei kü kamtuh; ngei nüng kü ha shuohhen” shei e.

KAHBHAO 28:4

Büpai nüng hatü nüngei hühiha kü Abrahamei moihiman shuohhen; nüngi shaang benha vaishi nyupü Abraham kü Kahvangi shuohpü ha kahdok nüngei vailanghen” shei e.

KAHBHAO 35:7

hatü büpa El-Bethel shei mentü moidü hük ling; mehenangkü büpai chejei toueipü laongei daishingkü hatouei büpa kü Kahvang shakei vamteke.

KAHBHAO 35:12

Ngei Abraham hatü Isak kü shuohpü kahdok ngei nüng kü shuohhen hatü nüng pheikü nüngei hühihathü kü shuohhen” shei e.

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

MÜLANGPÜ 17:15

Mosai moidü hük ling, hatü hapa kü, “Shembüpa, ngelei Khüamlung” shei men.

MÜLANGPÜ 24:4

Mosai Shembüpai epü nyangteke. Büpa nepnüng dhomi lomi paoei kahshanglalei moidü hük ling hatü Israel am phang anpünyi shing yaong anpünyi haongteke.

BHEI-IE 26:53

“Men nyangpü longpü maanpü heshap hapa kahdokü mükjüp vaishi demei hanei shuohtuh.

JOSHUA 1:6

Nüng wong kohtuh, monglongtuh; mehenangkü ngei jom kü shuohhen shei jomei chebü chepa kü lahpü kahdokei nüngi jom müei daihen.

JOSHUA 8:30

Hapheikü Joshua-i Ebal Kahshangei Shembüpa, Israel amei Kahvang kü moidü hük ling,

JOSHUA 22:10

Mechem jom leiyei Kanan kahdok Jordan yopailei Geliloth ngoipa, hatü bhaosheipü Manasseh jat, Reuben hatü Gad jatthüi Jordan heshüphi kü moidü longpü hük ling.

SHAHPHENBÜTHÜ 6:24

Hatouei Gideoni Shembüpa kü moidü hük ling hatü hapa kü, “Shembüpayü Chingmei” shei men. Abiezer phang amei Ophrah shei epü shingei hapa shinnyih thahshi haongshi nyüke.

1 SAMUEL 7:17

Hapheikü büpai Ramahlei lei; mehenangkü büpalei shem halei nyu; büpai halei Israel amei shahphenbü vai, hatü büpai hammü Shembüpa kü moidü hük lingteke.

2 SAMUEL 24:25

Davidi halei Shembüpa kü moidü hük ling, hatü halei jakpü moila, hatü mongjempü moilathü shuoh. Hahepak kü kahmük men kü phoppü kü Shembüpai jang, hatü Israel kübü cham dohdai.

1 ONGPATHÜ 18:32

büpai Shembüpalei men kü moidü ling, hatü yung dok anpünga hükshing chahen mü hapa shinei kahdok sho.

1 SHÜPPÜKENGPÜ 16:18

Am kü ngei Kanan kahdokü ammei mükjüp vaishi shuohhen.

2 SHÜPPÜKENGPÜ 20:7

Oh hamei Kahvang, nüngi nüngei Israel nanglak toueipü hapa kahdok kü nyupü am nechangtükangpü je, hatü nüngei küphü Abrahamei hühihathü kü den shing neshuohangpü je?

2 SHÜPPÜKENGPÜ 20:11

Ha kü shemei nüngi ham kü mükjüp shuohpü kahdok leipü ham changtükhen peiyei nyüke.

EZRA 3:2

Hahepak kü Jozadakei cheha Jeshua hatü büpa mü jempü ngongpathü hatü Shealtielei cheha Zerubbabel hatü büpa mü jempüthüi Kahvang shennyak Mosa Shahkung kü nyangei nyupükei jakpü moila shuohhen Israel Kahvangei moidü vehen chongpang.

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.