KAHBHAO 12:10 - DAÜLANGPÜ LAIHING (BSI)

¹⁰ Shaang hapa kahdokei münghishaü vam, hanangkü Abram hi Sarai nyi-i münghishaü nangkü kansho hük shingvaishi Ijiplei nyunüng yiü.

KAHBHAO 12:10 Referans Kwoze

KAHBHAO 43:1

Shaang kahmük kü münghishaü nemeipüba nyuteke.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

PHONGSHANTHÜ DOU 7:11

Shaang Ijip hatü Kanan kempülei münghishaü peiyei shanghah longpü nyu, hatü jenei bühipathüi hahying nedang.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

JEREMIAH 14:1

Hapayü ühivan peihen nangkü Jeremiah touei peipü Shembüpalei shah:

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

MENVIH KESHO 105:13

jom jat hük kübü hük, ongching hük kübü hük shei longteihampeih.

MENVIH KESHO 34:19

Daülangpüthü longi ponghahnyeih, shejao Shembüpai hathü peü kübü jom yanglangnyeih.

2 ONGPATHÜ 6:25

Hapa shojung kü chingnyü kü aeipülepü longpü nyu; hapa ching shümpü hepak luangi nyupü nangkü hahying nedangi gadu hükei shangjing hük kü lop büali hatü lihaovang pua hük kü lop nga kü yuteihamteke.

2 ONGPATHÜ 4:38

Mechem Elisha Gilgalei nyokei leipa, halei kahmük kü shaühile nyuteke. Mechem thibüthü büpa mü uoshi nyupa, büpai büpalei chongphobü kü, “Düknyü longpü hük chantuh, hatü hathü thibü khong shingvaishi hao baüei cheütuh” shei e.

2 SAMUEL 21:1

David vanglem lempü hepak kü nedoh-i bong jem thahshi münghishaü nyuteke, hatü Davidi Shembüpa kü ha nang phe. Shembüpai, “Saul hatü jomei shemong kü iy yenpü mang nyüke; mehenangkü büpai Gibeon am jütükpeih” shei e.

RUTH 1:1

Shahphenbüthüi vanglem lempü nyih kü kahmük kü münghishaü hük pei, hatü Judah kahdok Bethlehem leipü shennyak hük chenyüha hatü cheha yeshang nyi mütü kansho hük shing Moab kahdokei nyunüng dai.

KAHBHAO 47:13

Shaang kahmük peülei hahying neshiüi nyu; mehenangkü münghishaü longi nemei-i nyu. Ijip hatü Kanan kahdok kü münghishaüi wong nekoh-i lei.

KAHBHAO 42:5

Hanangkü hahying shaknüng mih peipü khongkü Israelei hapeüthüao omshi shiüteke; mehenangkü Kanan kahdokeiyao shaühile ngoiyei nyu.

KAHBHAO 41:57

Kahmük peü leipü Ijiplei hahying shaknüng Joseph touei pei; mehenangkü kahdoknyü peülei hapa münghishaü longi mangshi peiteke.

KAHBHAO 41:56

Mechem kahmük kü münghishaü peipa, Joseph-i hahpuongthü ap, hatü Ijip am kü ha yuteke; mehenangkü hapa münghishaü-ü longi nemei-i shiüteke.