KAHBHAO 11:6 - DAÜLANGPÜ LAIHING (BSI)

⁶ Shembüpai, “Aihük shennyakthü aihük shah etü hapakei dükjema, jomi tempü meheyao neaokpeih shei nenyu-ükhih.

KAHBHAO 11:6 Referans Kwoze

KAHBHAO 3:22

Hapheikü Shembüpa Kahvangi e, “Veituh, hapa shennyakü jenphong khongkü hük keiha tenhimei nyingei leiteke. Sheyü büpalei laki hapa yangnyu pü kübü betjük vaümei hahtü den kü nyuhen mü nehanhen vaipü khih.”

KAHBHAO 11:1

Shaang kahdoknyü kemeilei shahlem hük hatü shahjük aihük mü nyu.

LUK SHAHSHA APPÜ 1:51

Büpai laophülei laki büpalei wong huteke; büpai jomei mongei changmeiyei deihpüthü yantük.

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

KAHBHAO 6:5

Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

KAHBHAO 9:19

Hathü Noahlei hapeüthü jom jem leipü li kahdoknyü peülei daei daipeih.

PHONGSHANTHÜ DOU 17:26

Bü hük kübü büpai jatthü peü kahdoknyü kempülei nyuhen lingpeih, hatü büpai jom nyuhen hepak hatü jom nyuhen shing kü viong lingei hanpeih.

SHAHPHENBÜTHÜ 10:14

Daiyei ammi jehahpü kahvangthü kü nyükeishuoh; am ponghahpü nyih jomi am nyemyangpha” shei e.

1 ONGPATHÜ 18:27

Hamhah pheikü Elijah-i jomphong kü yaüeilungei, “Wong mü phoptuh” shei e. “Hingmei büpayü kahvang! Üpai nyingpa, büpayü mong nga-ei shah deihhah-ei shiühen, nevaijü büpa nang nekoh-i shiühen, nevaijü büpa dipükei shidaipü vaihen phukeishuoh” shei e.

AMOS 4:7

Hah vethen len jem nyushi ngei vang nekeihüi shonglang, ngei chingnyü hük kü vang keihü, shejao hükpa kü nekeihü; kah hük kü vang keihü, shejao hük kü nekeihüi vantükteke.