KAHBHAO 1:16 - DAÜLANGPÜ LAIHING (BSI)

¹⁶ Kahvangi vangngai longpü nyi linglongpüba vangngaiyü nyihnüng nyahen vanghe, hatü maanpüba vangngaiyü yanüng nyahen lennyü hatü lithathü ling.

KAHBHAO 1:16 Referans Kwoze

SHAHKÜP 4:19

Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

MENVIH KESHO 8:3

Mechem ngei nüngei laki lingpü vangshothü, hatü lennyü lithathü deih-ei danghen,

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.

MENVIH KESHO 148:5

Hathüi Shembüpalei men longhütuh; mehenangkü büpai ngeükhüam shuohtü hathü lingteke.

MENVIH KESHO 74:16

Nyihnüng hatü yanüngü nüngi lingpeih, nüngi lennyü vanghe jomei shingkü lingei tuh.

MENVIH KESHO 148:3

Vanghe hatü lennyüi büpa vihtuh; nyapü lithathüi büpa vihtuh!

JOB SHAHSHA APPÜ 38:7

Mechem nepnüng lithathü thaiyei kesho lokpa, hatü vangsho phongshanthü mongongpai lenshingkü;

1 KORINT 15:41

Vanghenyü kü müknyinshekhang hayaoha, lennyü kü hayaoha, lithathü kü hayaoha nyüke; hingmei, müknyinshekhang kü litha hüki hük mü laolao nyüke.

MATHI 27:45

Haümhahphei kü om jem baji thahshi kahdoknyü peü manghdai.

HABAKKUK 3:11

Nüngei lahhan daipü vangngai kü, nüngei phung daipü awlah kü, vanghe lennyü lakshing yaongdainyüke.

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

ISAIAH 13:10

Mehenangkü vangsho lithathüi jomei vangngai nekhangphahen; aongpü vanghenyüao manghdaihen; lennyüi laophülei vangngai neshuohhen.

MENVIH KESHO 19:6

Hapayü vangsho jung hük kübü vamnyüke, hatü jung hük lemei shinnyüke. Hapa shaampü kübü meheyao nejoaoknyu.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

ISAIAH 24:23

Hahepak kü lennyü manghdaihen, vanghenyü nenyahen; mehenangkü Jeiyong Shembüpai Zion Kahshang, hatü haleipü mübüthü shak kü müknyinshekhangshi vanglem lemhen.

JOB SHAHSHA APPÜ 31:26

ngei vanghela khangshingkü, nevaijü lenha meipü kü veitü,

MATHI 24:29

Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

KAHBHAO 1:15

hatü hathüi kahdoknyü kü vangngai shuohhen shingvaishi vangshangei vangngai kei nyemnyu” shei e, hatü ha vamteke.

JEREMIAH 31:35

Üpai nyihnüng vangngai shingvaishi vanghe, hatü yanüng vangngai shuohhen nangkü lennyü hatü lithathü kü shahkung shuohnya, yungching yungmok ngeü vamhen mü üpai yungching pheühünya, ha Shembüpai hapakei enyüke: Jeiyong Shembüpayü büpalei men: