KAHBHAO 1:1 - DAÜLANGPÜ LAIHING (BSI)

¹ Chongpangpülei Kahvangi vangshothü hatü kahdoknyü ling.

KAHBHAO 1:1 Referans Kwoze

HEBREW 11:3

Kahdoknyü-ü Kahvangei shah-i lingpeih shei hinglempai jeni nyingnyüke. Hanangkü mehe jeni ee, hayü ne-eepü douthü kübü lingteke.

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

SHAKEI VAMPÜ 4:11

“Nüngü müknyinshekhang, dhüm hatü wong yahhen shangpüba, hamei Shembüpa hatü Kahvang; mehenangkü nüngi dou peü ling, hatü nüngi mongpü nangkü hathü nyuteke hatü lingteke.”

HEBREW 1:10

Büpai shao eteke, “Shembüpa, nüngi pangpülei kahdoknyü chongnyiam ling, hatü vangshothüyü nüngei lakdou;

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

MÜLANGPÜ 20:11

Mehenangkü nyih vok kü Shembüpai vangsho hatü kahdok, yungching hatü halei nyupü peü lingpeih, shejao nyih nyetpabü kü nyiumeiyei thempeih; hanangkü Shembüpai Sabbath moihimanhüpeih hatü ha daütükpeih.

JOB SHAHSHA APPÜ 38:4

“Ngei kahdoknyü chongnyiam yaong haüshingkü nüng melei nyuhampa? Nüngi ha nyingei nyujema ngei kü eshih.

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

2 PETER 3:5

Hepak longi daiteke, Kahvangei shah-i vangshothü vamhüpeih, hatü kahdoknyü-ü yung kübü vamhüpeih hatü yung homei vamhüpeih shei epü shahhing jomi nyingshangi yaktüknyüke.

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

JEREMIAH 51:15

Büpai laophülei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

MENVIH KESHO 33:9

Büpai shah e, hatü kahdoknyü vampeih; büpai ngeükhüam shuoh, hatü peü vampeih.

KANDOK 3:19

Kihikoni Shembüpai kahdoknyü chongnyiam lingteke, danaokpü koni büpai vangshothü hathülei shing kü tuhpeih.

SHAKEI VAMPÜ 14:7

Büpai ngeüwong anei, “Kahvang nyemtuh, hatü büpa kü müknyinshekhang shuohtuh; mehenangkü büpai shahphenhen hepak ngoiteke; hatü vangsho, kahdok, yungching hatü yunglok lingpüba kü khümtuh” shei e.

MENVIH KESHO 115:15

Kahdok vangsho lingpü Shembüpai am kü moihimanhen.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

MENVIH KESHO 136:5

Büpalei kihikoni vangshothü lingpeih, büpa bampü den kü nyunyeih.

JEREMIAH 10:12

Shejao Kahvangi büpalei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

MENVIH KESHO 8:3

Mechem ngei nüngei laki lingpü vangshothü, hatü lennyü lithathü deih-ei danghen,

MENVIH KESHO 102:25

Hepak longi daiteke, nüngi kahdoknyü chongnyiam lingteke, hatü vangshothüyü nüngei lakdou.

HEBREW 3:4

Mehenangkü shem peü hanei ami venyeih, shejao lemphü lingpeyü Kahvang hih.

MENVIH KESHO 124:8

Jen kü sheühpeyü vangsho kahdok lingpü Shembüpalei men kü nyüpeih.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

KANDOK 16:4

Shembüpai lemphüli mükhong tuhtü lingpeih; nemeipüthüao shangpongpü nyih shingvaishi lingpeih.

MENVIH KESHO 33:6

Shembüpalei shah-i vangshothü lingpeih, hatü büpai ngü heepai lithathü peü lingpeih.

MENVIH KESHO 121:2

Ngei kü sheühpeyü vangsho, hatü kahdoknyü lingpü SHEMBÜPAleipü peinyeih.

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

ISAIAH 40:28

Shembüpayü nedohnetenpü Kahvang, kahdok dohpü junghijang peü Lingbü shei ammi nenyingpü je hatü nedanangpü je?

MENVIH KESHO 104:24

Oh Shembüpa, nüngi douthü longi lingteke! Kihikon kü nüngi hathü peü ling; kahdoknyü-ü nüngei yemhimakthüi maei nyüke.

MENVIH KESHO 96:5

Mehenangkü nanglakthülei kahvangthüyü lajeithü mon, shejao Shembüpai vangshothü lingpeih.

SHAKEI VAMPÜ 10:6

den den kü nyupüba üpai vangsho hatü halei nyupü, kahdok hatü halei nyupü hatü yungching hatü halei nyupü ling, büpalei men kü vangteke: “Pheiyei nenyupih,

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

PHONGSHANTHÜ DOU 4:24

Mechem jomi ha danpa, jomi chemi Kahvang kü ngeü anei, “Chaipüba Shembüpa, kahdok hatü vangsho, yungching hatü haleipü lemphü lingpüba,

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

ISAIAH 51:16

Ngei ngelei shah ammei ju kü shihtepih, hatü ngelei laki dhümshi am yangpeih; Vangshothü paanei deishih, hatü kahdoknyü chongnyiam yaong sheitük, hatü Zion kü, “Amü ngelei nanglak” shei epeih.

ISAIAH 37:16

“Oh Jeiyong Shembüpa, Israel Kahvang, cherubim nyi aa kü hon uoshing kü uopüba, nüng monha kahdoknyü ongchingthü peü shak kü Kahvang. Nüngi kahdoknyü hatü vangsho lingpeih.

MENVIH KESHO 146:6

Büpai vangsho hatü kahdok, yungching hatü haleipü lemphü lingpeih; büpa den kü shahhing nyunyeih.

MENVIH KESHO 134:3

Shembüpa, vangsho hatü kahdok lingbüi Zion leipü am kü moihimanhen!

SHAKEI VAMPÜ 22:13

Ngeiyü Alpha hatü Omega, shongpü hatü shompü, chongpangpü hatü dohpü.”

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

MARK 13:19

Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen.

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.

MENVIH KESHO 104:30

Mechem nüngi nüngei ngü duhenshang jom vamnyeih; hatü nüngi kahdok shak ja leihünyüke.

1 SHÜPPÜKENGPÜ 16:26

Mehenangkü jatthülei kahvangthü kemei lajei monha, shejao Shembüpai vangshothü lingpeih.

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

EPHESIA 3:9

hatü peü lingpü Kahvangi peihdaipü denthü kü joei tuhphongpü shahjo peü nih-eikhoei nyinghühen hapa phahji ngei kü shuohpeih;

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

ISAIAH 65:17

Veituh, ngei vangsho ja hatü kahdoknyü ja hük linghen. Peihdaipü douthü deih-ei nedanghen, nevaijü hathü mongkü leyei nepeiküpih.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

JOB SHAHSHA APPÜ 26:13

Büpalei ngüi vangshothü nethe meihünyeih; büpalei laki mokdaipü biüao shüh-ei jünyüpeih.

CHONGVENBÜ 12:1

Nüngei thehila nyihthü kü nüngi nüng Lingbü deih-ei dangtuh; shanghah nyihthü ngoikü shekü, hatü vangbongthü peihdai shingkü nüngi, “Ngei hathü kü mongonghen neshiü” shei ehen.

MATHI 11:25

Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

MÜLANGPÜ 31:18

Mechem Kahvangi Sinai Kahshangei Mosa mü shah eteiyei tempa, büpai büpa kü Kahvangei lakjaangi shüngei nyangpü Shahkungnyü Yaongshung nyi shuohteke.

JOB SHAHSHA APPÜ 9:8

Büpa monhai vangshothü paanei deishihnyeih, hatü yungching yungmokao shouptüknyeih.

ISAIAH 40:21

Nüngi nenyingangpü je? nüngi nedanangpü je? Chongpangpülei-üng nüng kü hapa ne-ephaangpü je? Kahdoknyü chongpanghinüng nüngi ha nedanangpü je?

2 ONGPATHÜ 19:15

hatü Hezekiah-i Shembüpa kü, “Oh Shembüpa, Israel Kahvang, cherubim nyi aa kü ong uoshing kü uopüba, kahdoknyü ongchingthü peü shak kü nüng monha Kahvang; nüngi vangsho hatü kahdoknyü lingpeih.

2 SHÜPPÜKENGPÜ 2:11

Tyre am Hiram Ongpai Solomon kü lainyok shomei hapakei nyang: “Shembüpai laophülei nanglakthü kü bampü nangkü büpai nüng jom shak kü ong vaihüpü khihma.”

MENVIH KESHO 8:4

shennyak kü nüngi hajük mong shuohhen mü, hatü hangku kü nüngi hajük junghen mü büpa meheang?